ஒரு விஞ்ஞானியின் ஒருதலைக் காதல் !

by **M.Jagadeesan** Thu Sep 17, 2015 8:42 am

"இந்த அண்டத்திலே நிற்பதற்கு எனக்கு ஓர் இடம் கொடுங்கள் !
இந்த அகிலத்தையே அசைத்துக் காட்டுகிறேன் ! "
என்றான் அறிவியல் மேதை ஆர்க்கிமிடிஸ் .

" உன் இதயத்திலே எனக்கு ஓர் இடம் கொடு !
உன் வாழ்வையே புரட்டிக் காட்டுகிறேன் !

எந்த வினைக்கும் எதிர் வினை உண்டு என்றான் நியூட்டன் .
ஆனால் நான்
உன்மீது காதல் கணை வீசியும் , கற்சிலைபோல நிற்கின்றாய் !
எந்த எதிர்வினையும் உன்னிடத்தில் இல்லை !

ஒன்றும் ஒன்றும் இரண்டு என்பது கணக்குப் பாடம் !
ஆனால்
ஒன்றும் ஒன்றும் சேர்ந்தால் ஒன்று என்பது காதல் பாடம் !
இந்த அரிச்சுவடி கூட அறியாமல் இருக்கின்றாய் !

தொட்டால் சுடுவதும்
விட்டால் குளிர்வதும்
நெருப்பின் இயல்பு !

ஆனால்

தொட்டால் குளிர்வதும்
விட்டால் சுடுவதுமான
வினோத நெருப்பை
எங்கிருந்து பெற்றாய் ?

தீயில்லாமல் எறிவது பாஸ்பரம் !
நானோ
நீயில்லாமல் எரிந்து கொண்டிருக்கிறேன் 1
அணைப்பதற்கு வா ! என் ஆருயிரே !