எழுத்தாளர் கெளதம நீலாம்பரன் காலாமானார் !

by **krishnaamma** Tue Sep 15, 2015 12:39 am

சரித்திர நாவலாசிரியரும் ‘பொற்றாமரை’ இலக்கிய அமைப்பின் துணைத் தலைவராகவும் இருந்த கெளதம நீலாம்பரன் சென்னையில் இன்று அதிகாலையில் காலமானார்.

கைலாசம் என்கிற இயற்பெயரைக்கொண்ட எழுத்தாளர் கெளதம நீலாம்பரன் (67) இன்று அதிகாலையில் சென்னையில் உடல்நலக்குறைவால் காலமானார்.

40 ஆண்டுகளாக பல்வேறு பத்திரிகைகளில் நூற்றுக்கணக்கான சிறுகதைகளையும், கட்டுரைகளையும் எழுதியிருக்கிற இவர், 65 நூல்களை எழுதியிருக்கிறார். தீபம், இதயம் பேசுகிறது, ஞானபூமி, ஆனந்தவிகடன், குங்குமம் போன்ற பத்திரிகைகளில் பணியாற்றியுள்ளார்.

தமிழில் புகழ்பெற்ற சரித்திர நாவலாசிரியர்களில் மிக முக்கியமானவர் கெளதம நீலாம்பரன். இவர் எழுதிய சேது பந்தனம், சோழவேங்கை, மன்னன் மாடத்து நிலவு, மோகினிக் கோட்டை, மாசிடோனிய மாவீரன் போன்ற சரித்திர நாவல்கள் ஆயிரக்கணக்கான தமிழ் வாசகர்களால் விரும்பிப் படிக்கப்பட்டவை. பல விருதுகளைப் பெற்றுள்ள இவர் ‘பொற்றாமரை’ இலக்கிய அமைப்பின் துணைத் தலைவராகவும் பொறுப்பு வகித்தார்.

தி ஹிந்து