எண்ண அலைகளுக்கு சக்தி உண்டு

by **T.N.Balasubramanian** Thu Aug 27, 2015 9:47 pm

எண்ண அலைகளுக்கு அந்தஅளவில் சக்தி உண்டு

எண்ண அலைகளுக்கு சக்தி உண்டு 11222409_1041970569159943_3112266256688664500_n

ஒரு முனிவர் தினந்தோறும் கடற்கரை அருகே அமர்ந்து தியானத்தில் மூழ்கி இருப்பார்.. தியானத்தின் போது அவரின் உடல் மேல் பறவைகள் வந்தமர்ந்து செல்லும்.. இதை சில நாட்களாக கவனித்த ஒரு சிறுவன், ''முனிவரே, நாளை உங்கள் மீது வந்து அமரும் பறவையில் ஒன்றை எனக்கு பிடித்து தருவீர்களா? நான் பறவை வளர்க்க ஆசைப்படுகிறேன்'' என்று கேட்டான்.. முனிவரும் சம்மதித்து, ''நாளை பிடித்து தருகிறேன்'' என்றார்..

அடுத்த நாள் முனிவர் பறவையைப் பிடிப்பதற்காக, தியானத்தில் ஆழ்ந்து இருப்பதைப் போன்று போலியாக அமர்ந்திருந்தார். வழக்கம் போல பறவைகளும் வந்தன. ஆனால், என்ன ஆச்சர்யம், இன்று எந்த பறவையும் அவரின் மேல் அமரவில்லை. எல்லா பறவைகளும் பத்து அடி தூரத்திலேயே பறந்துவிட்டு சென்று விட்டன..

நீதி: நம்முடைய எண்ண அலைகளுக்கு அந்தஅளவில் சக்தி உண்டு. நமது எண்ணங்களின் வழியில்தான் நம் வாழ்க்கை பயணிக்கிறது.. நமது எண்ணங்களின் தாக்கம் வாழ்விலும் எதிரொலிக்கும்.

by **krishnaamma** Fri Aug 28, 2015 12:17 am

மிக அருமையான பதிவு.........ரொம்ப சத்தியமான வார்த்தைகள்......பகிர்வுக்கு நன்றி ஐயா ! புன்னகை

by **சிவா** Fri Aug 28, 2015 1:53 am

எண்ணங்களுக்கும் நமது வாழ்க்கைக்கும் நிச்சயம் தொடர்பு உள்ளது!

நமது வாழ்க்கை, நம் எண்ண ஓட்டங்களின் அடிப்படையில் தான் செல்கிறது!

நமது எண்ணங்கள் நம்மைச் சுற்றி காந்த அலைகளை உருவாக்குகின்றன. அந்தக் காந்த அலைகள் முதலில் நம்மைத் தழுவி, பிறகு நம்மைச் சுற்றியுள்ள சூழலையும் சென்றடைகிறது!

மகிழ்ச்சியான மனநிலை, ஆன்மீக நிலை, அன்பான மனநிலை, இவற்றின் மூலம் வெளிவரும் அலைகள் நமக்கும், சுற்றுச் சூழலுக்கும் நன்மை பயக்கும்.

சில வீடுகளுக்குச் சென்றால் இதை நீங்கள் உணர முடியும். ஒரு வீட்டுக்குள் நுழையும் பொழுது இதமான, நமது மனதை ஒருநிலைப்படுத்தும் சூழ்நிலையை நீங்கள் உணர்ந்தால் அங்கு வசித்து வருபவர்களின் எண்ணங்கள் மேலானவை. யாருக்கும் தீங்கு நினைக்காத மனநிலையைக் கொண்ட மனிதர்கள் அங்கு வாழ்ந்து வருகிறார்கள் என்று அறிந்து கொள்ளலாம். அந்த வீட்டினுள் வெப்ப அளவு கூட குறைவாகத்தான் இருக்கும். காரணம் நல்லவர்கள் மற்றவர்களைப் பார்த்து பெருமூச்சு விட மாட்டார்கள் தானே!

சில வீடுகளுக்கு சென்றால் நமக்கு குழப்பமான மனநிலையை உருவாக்கி, அங்கு நீண்ட நேரம் இருக்க இயலாத சூழ்நிலை உருவானால் அங்கு இருப்பவர்களுடன் நட்புறவு கொள்வதை விட்டொழிப்பது நல்லது!

by **சிவா** Fri Aug 28, 2015 2:01 am

கோயில் இல்லாத ஊர்பாழ், குழந்தை இல்லாத வீடு நரகம் என்பார்கள், இதற்கும் எண்ண அலைகளுக்கும் தொடர்பு உள்ளது!

கோயிலில் கேட்கும் மந்திர ஒலிகள், அங்கிருந்து வரும் பூக்களின் வாசம் மற்றும் ஊதுபத்தி, சாம்பிராணி போன்றவற்றின் நறுமணங்கள் நம் எண்ணங்களைச் சீர்படுத்துகிறது, மூளை அதிர்வுகளைக் (Brainwaves ) குறைத்து நம்மைச் சாந்தப்படுத்துகிறது!

குழந்தைகள் உள்ள வீட்டில் உள்ளவர்கள் அனைவருமே அந்தக் குழந்தையுடன் விளையாடி தானும் ஒரு குழந்தை மனம் கொண்டவர்களாகவே இருப்பார்கள். அப்பொழுது அங்கு அவர்களது எண்ணங்கள் அனைத்துமே நல்லெண்ணங்களாகவே இருக்கும், குழந்தையின் எண்ணங்களைப் போலவே! அதனால் அந்தக் குடும்பம் சுபிட்சமாக இருக்கும் என்பதற்காகவே இவ்வாறு கூறியுள்ளார்கள்.

by shobana sahas Fri Aug 28, 2015 3:51 am

பகிர்வும், பின்னூட்டங்களும் அருமை . நன்றி .

by **T.N.Balasubramanian** Fri Aug 28, 2015 12:13 pm

siva wrote:சில வீடுகளுக்குச் சென்றால் இதை நீங்கள் உணர முடியும். ஒரு வீட்டுக்குள் நுழையும் பொழுது இதமான, நமது மனதை ஒருநிலைப்படுத்தும் சூழ்நிலையை நீங்கள் உணர்ந்தால் அங்கு வசித்து வருபவர்களின் எண்ணங்கள் மேலானவை

ஆம் , சிலருடைய வீடுகளுக்கு சென்றால் நிம்மதி கிடைக்கிறது .
மறுபடியும் மறுபடியும் போகத் தூண்டுகிறது .
நல்ல எண்ணங்கள் நடமாடும் இல்லங்கள் ,நம்மை ஆகர்ஷிக்கின்றன .

நன்றி , சிவா !
ரமணியன்

by **T.N.Balasubramanian** Fri Aug 28, 2015 12:15 pm

siva wrote:சில வீடுகளுக்குச் சென்றால் இதை நீங்கள் உணர முடியும். ஒரு வீட்டுக்குள் நுழையும் பொழுது இதமான, நமது மனதை ஒருநிலைப்படுத்தும் சூழ்நிலையை நீங்கள் உணர்ந்தால் அங்கு வசித்து வருபவர்களின் எண்ணங்கள் மேலானவை

நல்லவர்கள் நிறைந்த / நல்ல உள்ளங்கள் நிறைந்த ஈகரை
நம்மை ஆகர்ஷிப்பதின் காரணம் இதுதானோ !!

ரமணியன்

by **ayyasamy ram** Fri Aug 28, 2015 12:24 pm

by **krishnaamma** Fri Aug 28, 2015 2:31 pm

அருமையான பின்னுட்டம் சிவா................ சூப்பருங்க

by Namasivayam Mu Fri Aug 28, 2015 5:19 pm

T.N.Balasubramanian wrote:எண்ண அலைகளுக்கு அந்தஅளவில் சக்தி உண்டு

ஒரு முனிவர் தினந்தோறும் கடற்கரை அருகே அமர்ந்து தியானத்தில் மூழ்கி இருப்பார்.. தியானத்தின் போது அவரின் உடல் மேல் பறவைகள் வந்தமர்ந்து செல்லும்.. இதை சில நாட்களாக கவனித்த ஒரு சிறுவன், ''முனிவரே, நாளை உங்கள் மீது வந்து அமரும் பறவையில் ஒன்றை எனக்கு பிடித்து தருவீர்களா? நான் பறவை வளர்க்க ஆசைப்படுகிறேன்'' என்று கேட்டான்.. முனிவரும் சம்மதித்து, ''நாளை பிடித்து தருகிறேன்'' என்றார்..

அடுத்த நாள் முனிவர் பறவையைப் பிடிப்பதற்காக, தியானத்தில் ஆழ்ந்து இருப்பதைப் போன்று போலியாக அமர்ந்திருந்தார். வழக்கம் போல பறவைகளும் வந்தன. ஆனால், என்ன ஆச்சர்யம், இன்று எந்த பறவையும் அவரின் மேல் அமரவில்லை. எல்லா பறவைகளும் பத்து அடி தூரத்திலேயே பறந்துவிட்டு சென்று விட்டன..

நீதி: நம்முடைய எண்ண அலைகளுக்கு அந்தஅளவில் சக்தி உண்டு. நமது எண்ணங்களின் வழியில்தான் நம் வாழ்க்கை பயணிக்கிறது.. நமது எண்ணங்களின் தாக்கம் வாழ்விலும் எதிரொலிக்கும்.

மேற்கோள் செய்த பதிவு: 1159231
மனம் போல் வாழ்வு . மனம் பிரபஞ்சம்