கடந்து செல்லும் மேகங்கள்

கோடை மழைத்துளிகள்
வானவில் பிரசவிக்க
மூன்றில் ஒரு பங்கு
மின்னலாய் அவள் வருகை

வானவில் தொட
சிறகடித்த பறவைகளாய்
மனம்
அக்குளிரிலும் எச்சில்
விழுங்க வைத்த அவள்
தேகம்

அவசரம் இன்றி அணுவணுவாய்
அவளுள் ஊடுருவும்
மழைத்துளிகள் போல் என்
கண்கள்

தொலைவிலிருக்கும் எரிமலை
போல் அவள்
மழையில் ஒரு
கதகதப்பு

அவள் பார்வை கதிர் வீச்சில்
காதலெனும்
புற்று நோய்
தொற்றுகிறது

எத்தனை தியானங்கள் செய்திருப்பேன்
ஒன்றிலும் கிட்டாத
ஒருநிலை இன்று நிகழ்கிறது
என்னுள்

சிரிப்பா அது இல்லை
விரிந்து கிடந்த என்
சிந்தனைகளை எல்லாம்
குவித்து விட்ட
குவியாடி அது

இம்மாநிலத்தில் இதுவரை
நான் காணாத
மாநிறம் அவள்

கொலுசில்லை, பொட்டில்லை
வளையலில்லை முக்கியமாய்
மெட்டி இல்லை
ஆம் அவள் நவீனத்துள்
அடைபட்ட மணமாகா தேவதைதான்

மனம் தவிக்கிறது
பச்சை குழ்ந்தை
பசிக்கழுவது போல

ஆனால் நீ வந்த
மகிழூந்தில் உன்னோடு
ஒரு நாள் செல்ல
என் ஒருமாத வருவாய்
போதாது பெண்ணே

ஈரத்துணி கொண்டு
இதுநாள் வரை வயிற்றை
இனி வயதையும்
கட்டிக்கொள்கிறேன்

by **T.N.Balasubramanian** Mon Aug 17, 2015 4:25 pm

நன்றாக உள்ளது .

ஆனால் நீ வந்த
மகிழூந்தில் உன்னோடு
ஒரு நாள் செல்ல
என் ஒருமாத வருவாய்
போதாது பெண்ணே

ஈரத்துணி கொண்டு
இதுநாள் வரை வயிற்றை
இனி வயதையும்
கட்டிக்கொள்கிறேன்

சிறிது புரியவில்லை , இருப்பினும் அருமை .

வலையலில்லை முக்கியமாய் .--வளையல் என்று இருக்க வேண்டுமோ ?
சீர் செய்து விடட்டுமா ?

ரமணியன்

T.N.Balasubramanian wrote:நன்றாக உள்ளது .

ஆனால் நீ வந்த
மகிழூந்தில் உன்னோடு
ஒரு நாள் செல்ல
என் ஒருமாத வருவாய்
போதாது பெண்ணே

ஈரத்துணி கொண்டு
இதுநாள் வரை வயிற்றை
இனி வயதையும்
கட்டிக்கொள்கிறேன்

சிறிது புரியவில்லை , இருப்பினும் அருமை .

வலையலில்லை முக்கியமாய் .--வளையல் என்று இருக்க வேண்டுமோ ?
சீர் செய்து விடட்டுமா ?

ரமணியன்