உலக பேட்மிண்டனில் இந்திய நட்சத்திரம் சாய்னா நேவால் வெள்ளிப்பதக்கம் வென்றார்

உலக பேட்மிண்டன் இறுதிப்போட்டியில் தோல்வி அடைந்த இந்திய நட்சத்திரம் சாய்னா நேவால் வெள்ளிப்பதக்கம் வென்றார்.

22-வது உலக பேட்மிண்டன் சாம்பியன்ஷிப் போட்டி இந்தோனேஷிய தலைநகர் ஜகர்த்தாவில் நடந்து வருகிறது. இன்று (ஞாயிற்றுக்கிழமை) நடக்கும் இறுதி ஆட்டத்தில் சாய்னா நேவால், நம்பர் ஒன் வீராங்கனையும், நடப்பு சாம்பியனான கரோலினா மரினுடன் (ஸ்பெயின்) பலப்பரீட்சை நடத்துகிறார்.

போட்டியின் தொடக்கத்தில் இரு வீராங்கனைகளும் அதிரடியாக விளையாடினர். இருப்பினும் கரோலினா மரின், தனதுநேர்த்தியான ஆட்டம் மூலம் 8-7 என்ற கணக்கில் முன்னேறினார். தொடர்ந்து அடுத்தடுத்து புள்ளிகளை பெற்று 15-9 என்ற கணக்கிற்கு முன்னேறினார்.

தொடர்ந்து புள்ளிகளை தவறவிட்ட சாய்னா 10 புள்ளிகளை பெற்றார். ரசிகர்கள் கரகோஷம் இட்டனர். தொடர்ந்து அபாரம் காட்டுவார் என்று பெரிதும் எதிர்பார்த்தனர். ஆனால் கரோலினா கையே ஓங்கியது.

சாய்னாவை 6 புள்ளிகள் பின்னுக்கு தள்ளி 19-13 என்ற செட் கணக்கில் கரோலினா முன்னிலை பெற்றார். தொடர்ந்து இரண்டு புள்ளிகளை தன்வசப்படுத்திய கரோலினா 21-16 என்ற கணக்கில் முதல் செட்டை தனதாக்கி உள்ளார். 29 நிமிடங்கள் நீடித்த முதல் செட் ஆட்டத்தை சாய்னாவின் சிறு தவறுகள், மற்றும் நேர்த்தியான் ஆட்டம் மூலம் கரோலினா தனதாக்கினார்.

இரண்டாவது செட்டில் சாய்னா அபாரம் காட்டுவார் என்று ரசிகர்கள் பெரிய எதிர்பார்ப்புடன் இருந்த நிலையில் அதற்குஏற்ப சாய்னாவும் அடுத்தடுத்த புள்ளிகளை பெற்று 4-2 என்ற புள்ளி கணக்கில் முன்னிலை பெற்றார்.

முதல் செட்டை இழந்த சாய்னா இரண்டாவது செட்டை தன் வசப்படுத்த வேண்டும் என்ற நெருக்கடியில் அபாரமாக விளையாட்டை சாய்னா நேவால் தொடங்கினார்.

இதற்கிடையே போட்டியை ரசித்த ரசிகர்கள் உன்னால் முடியும் சாய்னா என்று சமூக வலைதளங்களில் கருத்துகளை பதிவுசெய்தனர்.

சாய்னா இந்திய ரசிகர்கள் சந்தோஷம் அடையும் வகையில் அடுத்தடுத்த புள்ளிகளை வேகமாக பெற்று 10-5 என்ற புள்ளி கணக்கில் முன்னிலை பெற்றார். சாய்னா ஒரு வியக்கத்தகு ஆட்டத்தை வெளிப்படுத்தினார். சாய்னா 5 புள்ளிகள் முன்னிலை பெற்றார்.

இருப்பினும் கரோலினா தனது நேர்த்தியான ஆட்டம் மூலம் சாய்னாவின் புள்ளிகளை பின் தொடர்ந்தார். சாய்னா இரண்டு புள்ளிகளை பெற்று 12 புள்ளிகளை எட்டிய நிலையில், கரோலினாவும் அடுத்தடுத்து 3 புள்ளிகளை பெற்று சாய்னாவிற்கு சவால்விடும் வகையில் 10 புள்ளிகளை பெற்றார்.

கரோலினா அதிரடி ஆட்டம் மூலம் ஆட்டத்தை தன்கைக்கு மீண்டும் கொண்டு வந்தார். இருவரும் 12-12 புள்ளிகள் பெற்றனர். கரோலினா அடுத்ததடுத்து 6 புள்ளிகளை பெற்று முன்னிலைக்கு வந்தது இந்திய ரசிகர்களை அதிர்ச்சியில் ஆழ்த்தியது.

சாய்னா போராடி நூலிழையில் முன்னேறினார். 16-14 என்ற புள்ளிகள் கணக்கில் முன்னேறினார்.

ஆனால் கரோலினாவும் சாய்னாவிடம் பிடிகொடுக்கவில்லை. சளைக்காமல் விளையாடினார். இருவரும் 17-17 என்ற புள்ளி கணக்கை எட்டினர்.

கரோலினா தனது பொறுமையான ஆட்டத்தின் மூலம் 19-18 என்ற புள்ளி கணக்கில் முன்னிலை பெற்றார். சாய்னாவிற்கு மீண்டும் நெருக்கடியை கொடுத்தார்.

அடுத்த புள்ளியையும் தனதாக்கிய கரோலினா 20-18 என்ற கணக்கில் முன்னிலை பெற்றார்.

அடுத்த புள்ளியை சாய்னா தனதாக்கி 19 புள்ளிகளை பெற்றார். 20-19 என்ற கணக்கில் 2-வது செட்டை சாய்னா கைப்பற்றுவாரா? என்று கேள்வி எழுந்தது.

நடப்பு சாம்பியன் ஆன கரோலினாவிடம், சாய்னாவின் திடீர் எழுச்சி தாக்குபிடிக்கவில்லை. அடுத்து ஒருபுள்ளியை பெற்ற கரோலினா போட்டியை இரண்டாவது செட்டுடனே முடிவுக்கு கொண்டு வந்தார். கரோலினா 21-19 என்ற செட் கணக்கில் சாய்னாவை தோற்கடித்து பட்டத்தை மீண்டும் வென்றார்.

சாய்னாவின் போராட்டம் தோல்வியிலே முடிந்தது. இருப்பினும் முதல் முறையாக இறுதிப்போட்டிக்கு முன்னேறிய வீராங்கனை என்ற பெருமையுடன் வெள்ளிப்பதக்கம் வென்று உள்ளார்.

38 ஆண்டுகால உலக பேட்மிண்டன் வரலாற்றில் இந்தியர் ஒருவர் இறுதி சுற்றுக்குள் அடியெடுத்து வைத்தது இதுவே முதல் முறையாகும்.

உலக பேட்மிண்டனில் இதற்கு முன்பு இந்தியா 4 வெண்கலம் மட்டுமே வென்று இருக்கிறது. இப்போது சாய்னா புதிய சரித்திரத்தை நிகழ்த்தி பெருமை சேர்த்திருக்கிறார். முன்னதாக இந்திய வீராங்கனை சிந்து 2013-2014 ம் ஆண்டுகளில் வெண்கலம் வென்றார். இந்த ஆண்டு இந்திய வீராங்கனை பி.வி.சிந்து கால்இறுதி ஆட்டத்தில் தோல்வி அடைந்தார் என்பது குறிப்பிடத்தக்கது.

கடந்த 2011-ம் ஆண்டு போட்டியில், இரட்டையர் பிரிவில் ஜுவாலா கட்டா- அஸ்வின் பொன்னப்பா ஜோடி வெண்கலம் வென்றது. 1983-வது ஆண்டு போட்டியில் பிரகாஷ் படுகோன் வெண்கலம் வென்றார் என்பது குறிப்பிடத்தக்கது. முதல் முறையாக சாய்னா வெள்ளிப்பதக்கம் வென்று கொடுத்து உள்ளார் என்பது குறிப்பிடத்தக்கது. வெள்ளிப்பதக்கம் வென்று உள்ள சாய்னாவிற்கு ரசிகர்கள் டுவிட்டரில் பாராட்டுகளை தெரிவித்து வருகின்றனர்.

இந்திய நாட்டில் ,பேட்மிண்டன் உலகில் , ஒரு விடிவெள்ளி .
வாழ்த்துகள் ,சானியா நேஹ்வால்

ரமணியன்