குடி கெடுக்கும் குடி

by குழலோன் Fri Aug 14, 2015 9:56 am

மதுவில் மூழ்கிப்போன மூளையில்லா மடையனே
மதிகெட்டு மானங்கெட்டு கெட்டழியும் கயவனே
விதியின் பேரைச்சொல்லி குடிப்பதில் பயனுண்டா
வீதியில் ஆடியாடி விழுவதில் பெருமையுண்டா
குடிப்பழக்கம் கொண்டவருக்கு அறிவும்தான் பகையாகும்
கெடுநினைவும் கோணற்புத்தியும் உன்வாழ்வின் நிலையாகும்
பழிக்கஞ்சி வாழுபவர்கள் பாழுங்குடியைத் தொடுவாரா
போதையில் தடுமாறித் தன்மானத்தை விடுவாரா
பெரும்குடியாய் வாழ்ந்தவரும் மதுப்பக்கம் சாய்ந்துவிட்டால்
பிறர்தூற்றும் ‘குடிமகனாய்’ போதையிலே வீழ்ந்துபோவார்