"வேப்பம்பூ பச்சடி எப்படிச் செய்கிறீர்கள்?"

by **ayyasamy ram** Thu Aug 13, 2015 9:52 am

கட்டுரையாளர்.;ராதா ராமமூர்த்தி,புதுக்கோட்டை
தொகுத்தவர்;டி.எஸ்.கோதண்டராம சர்மா
தட்டச்சு;வரகூரான் நாராயணன்.
நன்றி;வானதி பதிப்பகம்.
-
"வேப்பம்பூ பச்சடி எப்படிச் செய்கிறீர்கள்?" Ey5oK63wRF6QTa58q3ua+th_26

"வேப்பம்பூ பச்சடி எப்படிச் செய்கிறீர்கள்?" Ey5oK63wRF6QTa58q3ua+th_26

-

"வேப்பம்பூ பச்சடி எப்படிச் செய்கிறீர்கள்?" VfpFeoI7RKOKD3w1xCxc+th_24

-

"வேப்பம்பூ பச்சடி எப்படிச் செய்கிறீர்கள்?" B1xAVK0PRvS5ULOGIKHz+th_18

-

தமிழ் வருஷப் பிறப்பு புண்னிய தினத்தில் பெரியவாளைத்
தரிசனம் செய்யும் பாக்கியம் கிடைத்தது. புதுக்கோட்டையிலிருந்து
சென்றிருந்த நாங்கள் வேப்பம்பூ-புளி-வெல்லம் சமர்ப்பித்தோம்.
-
"வேப்பம்பூ பச்சடி எப்படிச் செய்கிறீர்கள்?" என்று பெரியவாள்
கேட்டார்கள். நாங்கள், அசட்டுப் பிசட்டென்று என்னென்வோ
சொன்னோம்.
-
பெரியவாள் சொன்னார்கள். "இந்த மூன்று சாமான் மட்டும்
போதாது. தேன், நெய் சேர்க்கணும்.பக்குவமாகச் செய்தால்,
பச்சடி சுவையாக இருக்கும். இப்படிச் செய்யப்பட்ட பச்சடியை,
மற்றவர்களுக்குக் கொடுக்கணும்,.அவர்கள் வசியமாகி
விடுவார்கள்!
-
"முதல்லே, அம்பாளுக்கு நைவேத்யம். அம்பாள் வசியமாகி
விடுவாள்! அடுத்து, அகத்துக்காரருக்கு, பின்னர் மனைவி
என்ன சொன்னாலும், "சரி.....சரி..." என்று தலையாட்டுவார்!
அப்புறம், வீட்டில் வேலை செய்கிறவர்களுக்குக் கொடுக்கணும்.
முணுமுணுக்காமல் வேலை செய்வார்கள்!"
-
பிறகு, உக்கிராணத்தில் சொல்லி,வேப்பம்பூ பச்சடி செய்து
கொண்டு வரச் செய்து,எங்களுக்கெல்லாம் கொடுத்தார்கள்.
"இது எதற்குத் தெரியுமா?" ஒருத்தி சொன்னாள்;
நாங்களெல்லோரும் பெரியவா ஆக்ஞைப்படி நடக்கணும்-
என்பதற்காக...."
-
"அது சரி...இது,திரிபுரசுந்தரி பிரஸாதம். நீங்க எல்லாரும்
அம்பாளின் பக்தைகளா எப்போதும் இருக்கணும்...."
எங்கள் கையில் இருந்தது,ஒரு ஸ்பூன் வேப்பம்பூ பச்சடியாகப்
படவில்லை;அமுதக் கடலாகவே தோன்றியது.
-
-----------------------------PC Subramani