கங்கைக் கரையில் வள்ளுவர் சிலை : தருண் விஜய் எம்.பி., தகவல்

by **ayyasamy ram** Mon Aug 10, 2015 12:41 am

விழுப்புரம்:
பள்ளி, கல்லுாரிகளில், திருக்குறளை கட்டாய
பாடமாக்க வேண்டும், என, உத்தரகண்ட் எம்.பி., தருண் விஜய்
கூறினார்.

விழுப்புரத்தில் நேற்று நடந்த கம்பன் விழாவில்,
தருண் விஜய் பேசியதாவது:தமிழர்களின் பாரம்பரியம்,
வாழ்க்கை முறைகளை பார்க்கும்போது பெருமிதமாக உள்ளது.
ராஜராஜசோழன், பல்லவ மன்னர்கள் தமிழ் மண்ணின்
அடையாளம்.தமிழகத்தில் தமிழ் மொழியை பெருமைப்படுத்த,
கம்பன் கழகம் போன்ற அமைப்புகள் உள்ளன.

எங்கள் மாநிலத்தில், தமிழை பெருமைப்படுத்த நான் பாடு
படுவேன். இந்த விழாவுக்கு வந்துள்ள கல்லுாரி, பள்ளிகளை
நடத்தும் தாளாளர்கள், தங்கள் கல்வி நிறுவனங்களில்,
மாணவர்களுக்கு தினமும், இரண்டு திருக்குறள் ஒப்பிப்பதை
கட்டாயமாக்க வேண்டும்.திருக்குறளை, உலகம் முழுவதும்
பரப்ப இளைஞர்கள் துாதராக இருக்க வேண்டும். திருக்குறளை
கூறினால், வாழ்வில் இருக்கும் துன்பங்கள் விலகும்.வரும்
27ம் தேதியன்று, சென்னையில் திருவள்ளுவர் சிலையை
பெற்றுச்சென்று, தமிழர்களின் புனித பூமியாகவுள்ள, கங்கை
நதிக்கரையில் நிறுவுகிறேன்.

கம்பன் விழா என்பது தமிழர்களின் கலாசாரம், பண்பாட்டுக்கு
நாம் நடத்தும் விழா.இவ்வாறு, தருண் விஜய் பேசினார்.
-