மேகி நூடுல்ஸ் பாதுகாப்பானது என சோதனையில் முடிவு, மீண்டும் விற்பனைக்கு வருகிறது

மேகி நூடுல்ஸ் உணவுப் பொருட்களில் அளவுக்கு அதிகமாக காரீயமும், ரசாயன உப்பான மோனோ சோடியம் குளுட்டாமேட்டும் சேர்க்கப்பட்டு இருப்பதாக புகார்கள் எழுந்தன.இதைத் தொடர்ந்து மேகி நூடுல்ஸ் உணவுப் பொருட்கள் மீது பல்வேறு மாநிலங்கள் ஆய்வக சோதனை மேற்கொண்டன.

அப்போது அவற்றில் உடலுக்கு தீங்கு விளைவிக்கும் ரசாயன பொருட்கள் அதிகம் சேர்க்கப்பட்டு இருப்பது உறுதி செய்யப்பட்டது.இதனால், நெஸ்லே இந்தியா நிறுவனத்தின் 9 வித மேகி நூடுல்சுகளையும் பாதுகாப்பற்றவை மற்றும் மனிதர்களுக்கு தீங்குவிளைவிப்பவை என்று கூறி மத்திய உணவு பாதுகாப்பு தர நிர்ணய ஆணையம் நாடு முழுவதும் தடை செய்தது.

இந்த நிலையில், மேகி நூடுல்ஸ் பாதுகாப்பான உணவு தான் என உணவு பாதுகாப்பு தர நிர்ண ஆணையம் ஒப்புதல் அளித்துள்ளது. கோவா உணவு மற்றும் மருந்து நிர்வாகம் (FDA) 5 மாதிரி நூடுல்ஸ்களை ஆய்வுக்காக மத்திய உணவு தொழில்நுட்ப ஆராய்ச்சி நிறுவனத்துக்கு (CFTRAI) அனுப்பியது.

இந்த ஆய்வின் முடிவில் உணவு பாதுகாப்பு விதிகள் 2011 ன் விதிகள் அனுமதிக்கப்பட்ட அளவுடன் மேகி நூடுல்ஸ் ஒத்துபோவது கண்டறியப்பட்டது. மேகி நூடுல்ஸ் பாதுகாப்பானது தான் என தெரியவந்துள்ளதையடுத்து நெஸ்லே நிறுவனத்திற்கு நிம்மதி ஏற்பட்டுள்ளது இதனால், மேகி நூடுல்ஸ் சந்தையில் மீண்டும் விற்பனைக்கு விரைவில் வரலாம் என தெரிகிறது.

பரவாயில்லையே   இவ்வளவு சீக்கிரம் செக் செய்து சொல்லிவிட்டார்கள் ...........
.
.
.
நேத்து நான் பார்த்த செய்தி சிவா இது :0

எச்சரிக்கை: அதிகப்படியான ரசாயன உப்பால் மேகியை தொடர்ந்து மேலும் 11 நூடுல்ஸ் தயாரிப்புகளுக்கு தடை! - மாலை மலர்.

பாட்னா, ஆக. 2-

மேகி சர்ச்சை ஏற்படுத்திய பீதி அடங்குவதற்குள், மேகியைப் போலவே ரசாயன உப்பு அதிகமாக இருப்பதாக பல முன்னணி நிறுவனங்களின் நூடுல்ஸ் பொருட்களுக்கு பீகாரில் தடை விதிக்கப்பட்டுள்ளது.

இது குறித்து பீகார் உணவு பாதுகாப்பு ஆய்வாளர் கிஷோர் கூறுகையில், “கடந்த ஜூன் மாதம் 5-ம் தேதி பீகார் மாநிலத்தில் மேகி நூடுல்சுக்கு தடை விதிக்கப்பட்டது. மேகி சர்ச்சையை அடுத்து, ஐடிசி நிறுவனத்தின் தயாரிப்பான ‘சன்பீஸ்ட் யிப்பீ நூடுல்ஸ்’, ஹிந்துஸ்தான் லீவர் நிறுவனத்தின் ‘நாட் மஸ்ட் மசாலா நூடுல்ஸ்’, க்ளாக்ஸோ ஸ்மித் க்ளைன் நிறுவனத்தின் ‘பூடுல்ஸ் மல்டிகிரைன், ஆட்டா மசாலா நூடுல்ஸ், இந்தோநிசின் நிறுவனத்தின் தயாரிப்பான ‘டாப் ராமன் சூப்பர் நூடுல்ஸ்’, கர்ரி வெஜ் நூடுல்ஸ், கப் நூடுல்ஸ், என்று மொத்தம் 11 நூடுல்ஸ் தயாரிப்புகள் டெல்லியில் சோதனை செய்யப்பட்டது.

இந்த சோதனையின் போது இதில் சர்ச்சைக்குரிய மோனோ சோடியம் குளூடமேட் இருப்பது தெரிய வந்தது. எனவே, இந்த அனைத்து நூடுல்ஸ் பொருட்களுக்கும் இன்று முதல் செப்டம்பர் மாதம் 1-ம் தேதி வரை தடை விதிக்கப்படுகிறது.” என்றார்.

மேலும் இந்த பொருட்களின் விற்பனைக்கு மட்டுமின்றி விளம்பரங்கள் செய்வது, பிரபலப்படுத்துவது, கிடங்குகளில் சேமித்து வைப்பது என அனைத்து நடவடிக்கைகளுக்கும் தடை விதிக்கப்பட்டுள்ளது குறிப்பிடத்தக்கது.
.
.

.


இப்படி குழப்பினால் மக்கள் என்ன செய்வார்கள்?

மக்களை திசை திருப்ப கருணாநிதி செய்யும் தந்திரங்களில் இதுவும் ஒன்று. இப்ப இவர்களும் ஆரம்பித்துவிட்டார்கள்

அப்படி வந்தாலும் மக்கள் முன்னே போல் வாங்குவாங்களா ?

மேகி நூடுல்ஸ் சாப்பிட உகந்தது என கூறவில்லை: உணவு பாதுகாப்பு தர நிர்ணைய அமைப்பு விளக்கம்

மேகி நூடுல்ஸ் உண்பதற்கு பாதுகாப்பானதுதான் என்று நேற்று தகவல் வெளியான நிலையில், அதுபோன்ற எந்த நற்சான்றிதழும் மேகி நூடுல்ஸுக்கு வழங்கவில்லை என்று உணவு பாதுகாப்பு தர நிர்ணைய அமைப்பு விளக்கம் அளித்துள்ளது.

இது தொடர்பாக உணவு பாதுபாப்பு தர நிர்ணையம் அறிக்கை ஒன்றை வெளியிட்டுள்ளது. அதில், கோவா மற்றும் மைசூரில் உள்ள உணவு மற்றும் மருந்து நிர்வாகம், மத்திய உணவு தொழில்நுட்ப ஆராய்ச்சி நிறுவனம் மேகி நூடுல்ஸ் பாதுகாப்பானது என்று அறிக்கை வெளியிட்டுள்ளதை திட்டவட்டமாக மறுத்துள்ளது. சோதனை தவறாக மேற்கொள்ளப்பட்டதாகவும் அந்த சோதனை முடிவு அபத்தமானவை என்றும் தெரிவித்துள்ளது.

மேலும், இங்கிலாந்து மற்றும் சிங்கப்பூர் ஆகிய நாடுகளில் மேகி நூடுஸ்க்க்கு நற்சான்றிதழ் வழங்கப்பட்டது குறித்து உணவு பாதுகாப்பு தர நிர்ணையம் சந்தேகம் தெரிவித்துள்ளது. ஏனெனில், சோதனை சான்றுகளையும் நெஸ்ட்லே நிறுவனம் இன்னும் பகிர்ந்து கொள்ளவில்லை என்று தெரிவித்துள்ளது.

முன்னதாக நேற்று. கோவா மாநில உணவு பாதுகாப்பு தர நிர்ணையம் மற்றும் மைசூர் ஆய்வகமும் மேகி நூடுஸ்ல் பாதுகாப்பானது என்று தெரிவித்தாக தகவல் வெளியானது. மேகி நூடுல்ஸ் பாக்கெட்டுகளில் அளவுக்கு அதிகமாக காரீயமும், ரசாயன உப்பான மோனோ சோடியம் குளுட்டாமேட்டும் உள்ளிட்ட ரசாயன பொருள்கள் சேர்க்கப்பட்டு இருப்பதை கண்டறிந்ததையடுத்து கடந்த ஜூன் முதல் மேகி நூடுல்ஸ் இந்தியா முழுவதும் தடை செய்யப்பட்டுள்ளது.

எப்படியோ வெளிநாட்டு காரனுங்க நல்லா சம்பாதிக்கப் போரானுங்க.

shobana sahas wrote:அப்படி வந்தாலும் மக்கள் முன்னே போல் வாங்குவாங்களா ?

மேற்கோள் செய்த பதிவு: 1155761

தாராளமாய் வாங்குவா ஷோபனா.......அவ்வளவு சுலபம் அதை தயாரிப்பது......சிலர் வீட்டில் கணவன் மார்கள் கொஞ்சநாள் சந்தோஷமாய் இருந்திருப்பார்கள்........பாவம் , மீண்டும் அவங்களுக்கு panisment தான்