ஆலமரம்

by **சிவா** Sat Aug 01, 2015 2:09 am

ஆலமரம் ஆதிகாலம் தொட்டே இந்தியாவில் இருந்து வருகிறது. குறிப்பாக, இமய மலைச்சாரல் காடுகளிலும், இந்திய தீபகற்பத்தின் மேற்கு, கிழக்கு தொடர்ச்சி மலைச்சரிவுகளிலும் காணப்படுகிறது. சாலை ஓரங்களிலும், ஆலயங்களின் அருகிலும், ஆறுகளின் கரை ஓரங்களிலும் காணப்படுகிறது.

கிராமங்களில் பெருமளவு ஆலமரங்கள் வளர்கின்றன. பரந்து விரிந்து நிழல் தருவதால் கிராம மக்கள் கூடும் இடமாகவும், கிராம வாணிபம் நடைபெறும் இடமாகவும், கால்நடைகளின் உறைவிடமாகவும், கிராம சங்கங்களின் கூட்டம் நடத்தும் இடமாகவும் ஆலமரங்கள் திகழ்கின்றன. இந்திய நாட்டின் வெப்ப பகுதிகளில் கடும் வெப்பத்தில் இருந்து தங்களை காத்துக் கொள்ள ஆலமரங்களை நடுகிறார்கள். இந்த மரத்திற்கு ஆங்கிலத்தில் பன்யான் ட்ரீ என்று பெயர் வந்ததற்கு ஒரு காரணம் இருக்கிறது. பெர்சியா வளைகுடாவில் பனியாக்கள் எனப்படும் வியாபாரிகள் இறைவணக்கத்திற்காகவும், வியாபாரத்துக்காகவும் இந்த மரத்தின் அடியில் அடிக்கடி கூடுவார்கள். எனவே அந்த மரத்துக்கு ஆங்கிலேயர்கள் பனியாக்களின் பெயரையே அந்த மரத்துக்கு வைத்து விட்டார்கள்.

ஆல மரங்களை கட்டுப்படுத்தாமல் விட்டு விட்டால் இவை தொடர்ந்து பல மீட்டர் அளவுக்கு அகலமாக விழுதுகள் விட்டுச் செல்லக் கூடியவை. பொதுவாக பல சந்தர்ப்பங்களால் ஆல மரங்கள் முழுமையாக வளர முடிவதில்லை. பல இடங்களில் குழந்தைகள் ஆல மரத்தின் விழுதுகளை ஊஞ்சலாக உபயோகிப்பதால் விழுதுகளும், வேர்களும் சேதம் அடைகின்றன. அதனால் அவை நிலத்தினை வந்து அடைவதில்லை. சில இடங்களில் கால்நடைகள் தங்களின் உணவாக ஆல மரத்தில் இருந்து கீழே தொங்கும் இளம் விழுதுகளை உண்கின்றன. இதனாலும் அந்த விழுதுகள் பூமியை வந்து அடைய முடியாமல் தடுக்கப்படுகின்றன.

சுமார் 5 ஆயிரம் ஆண்டுகளுக்கு முற்பட்ட கீதையில் ஆல மரத்தின் பெருமை கூறப்பட்டிருக்கிறது. எவ்வளவுதான் தடுத்தாலும் ஆல மரங்களின் பழங்களை பறவைகள் விரும்பி உண்பதால் அவை பறவைகளால் எடுத்துச் செல்லப்பட்டு நாட்டில் விதைகள் பரவி மரங்கள் மீண்டும், மீண்டும் தோன்றிக்கொண்டே இருக்கின்றன. எனவே ஆல மரத்துக்கு அழிவில்லை என்கிறார்கள்.

by **T.N.Balasubramanian** Sat Aug 01, 2015 10:04 am

ஆலமரம் .
அருமையான தகவல்கள் , சிவா . நன்றி !
பழைய செய்யுள் நினைவில் வருகிறது .
செய்யுளின் வரிகள் நினைவில்லை .
jagadeesan அவர்களோ /ayyasami ram அவர்களோ
அறிந்த மற்றவர்களோ கொடுத்தால் ,மகிழ்வேன் .

கருத்து இதுதான் .
சின்னச் சிறிய ஆலம் விதை , மரமாகி , வளரும் போது ,
அரசன் தன் , ரத,கஜ , துரக ,பதாதி என்ற நான்கு வித
சைனியங்களுடன் , அந்த நிழலில் , இளைப்பாற கூடிய
அளவில் , அடர்ந்து படர்ந்து இருக்குமாம் .

ரமணியன்

by **krishnaamma** Sat Aug 01, 2015 12:05 pm

நல்ல பகிர்வு சிவா ....என் ஸ்வாமி, ஆலிலை யை தேர்ந்து எடுத்ததில் இருந்தே தெரியலையா அதன் சிறப்பு? ஜாலி

ஆலிலை கிருஷ்ணர் !...... :வணக்கம்:

ஆலமரம் W73c50wgQeWFQald2tpK+aalilai-krishnar-e0ae86e0aeb2e0aebfe0aeb2e0af88-e0ae95e0aebfe0aeb0e0af81e0aeb7e0af8de0aea3e0aea9e0af8d

.
.
.
ஆலமரம் பற்றி நான் 'கயா' திரி இல் போட்ட படமும் குறிப்பும் இதோ புன்னகை

அக்ஷய வடம் என்ற ஆலமரம் கயாவிலிருக்கு. அதன் வேர் ப்ரயாகை(அலஹாபாத்) நடு உடம்பு காசி, இலைகளுள்ள நுனிபாகம் கயாவிலிருக்குன்னு ஐதீகம். இது தான் அந்த மரம் புன்னகை

ஆலமரம் 565LKRHFSoq7gTJ8AkeW+akshaya-vadam

'அக்ஷய வடம்' என்றால் 'வாடாத ஆல மரம்' - 'நிரந்தரமான ஆல மரம் 'என்று அர்த்தமாம். அந்த மரம் கொஞ்சம் உயரமான இடத்தில் இருந்ததால் நிறைய படிகள் ஏறி அஷய வடம் சென்றோம்.
அஷய வடத்தின் இலைகள் இலையுதிர்காலத்தில் கூட பசுமையாக இருந்தது. அஷய வடம் மரத்திற்கு அடியில் கிருஷ்ண விக்ரகம் இருந்து. மரத்தை வலம்வந்து அதனடியில் அமர்ந்து பித்ரு காரியங்களை செய்யவேண்டும்.

'கயா' கட்டுரை லிங்க் இதோ புன்னகை

by **M.Jagadeesan** Sat Aug 01, 2015 12:53 pm

T.N.Balasubramanian wrote:ஆலமரம் .
அருமையான தகவல்கள் , சிவா . நன்றி !
பழைய செய்யுள் நினைவில் வருகிறது .
செய்யுளின் வரிகள் நினைவில்லை .
jagadeesan அவர்களோ /ayyasami ram அவர்களோ
அறிந்த மற்றவர்களோ கொடுத்தால் ,மகிழ்வேன் .

கருத்து இதுதான் .
சின்னச் சிறிய ஆலம் விதை , மரமாகி , வளரும் போது ,
அரசன் தன் , ரத,கஜ , துரக ,பதாதி என்ற நான்கு வித
சைனியங்களுடன் , அந்த நிழலில் , இளைப்பாற கூடிய
அளவில் , அடர்ந்து படர்ந்து இருக்குமாம் .

ரமணியன்

மேற்கோள் செய்த பதிவு: 1154442

தெள்ளிய ஆலின் சிறுபழத் தொருவிதை

தெண்ணீர்கயத்து சிறுமீன் சினையினும்

நுண்ணிதே ஆயினும் அன்னல் யானை

அணிதேர்ப் புரவி ஆட்பெரும் படையொடு

மன்னர்க்கிருக்க நிழலாகும்மே '

( வெற்றிவேற்கை-அதிவீரராம பாண்டியன்)