தொப்பை குறைய வேண்டுமா லேடீஸ்?

by **krishnaamma** Thu 30 Jul 2015 - 15:43

உடலை தொப்பை இல்லாமல் ஆரோக்கியமாகவும், கச்சிதமாகவும் வைத்திருக்கவேண்டும் என்று பெரும்பாலான பெண்கள் விரும்புகின்றனர். உணவியல் நிபுணர்கள் கூறியுள்ள ஆலோசனைகளை படியுங்கள்.

சரிவிகித நீர்ச்சத்து: அதிக அளவு தண்ணீர் குடியுங்கள். இது உடலின் நீர்ச்சத்தை தக்கவைப்பதோடு பசி உணர்வை கட்டுப்படுத்தும். தண்ணீரானது நாம் உண்ணும் உணவை நன்றாக ஜீரணிக்க உதவுகிறது. வயிற்றில் உள்ள தேவையற்ற கழிவுகளை வெளியேற்றிவிடும். தேவையற்ற பொருட்கள் வயிற்றில் தேங்குவதில்லை என்பதால் தொப்பை வயிறு ஏற்பட வாய்ப்பே இல்லை.

தொடர்ச்சியான உணவுக்கு முற்றுப்புள்ளி:

தொப்பை இருக்கிறது என்பதற்காக, உணவு உண்ணாமல் தவிர்ப்பது ஆபத்தானது. இதனால் உடல் பருமன் அதிகரிக்கும் என்று எச்சரிக்கின்றனர் உணவியல் நிபுணர்கள். எனவே சரியான நேரத்திற்கு, சரிவிகித சத்துள்ள உணவுகளை உண்ண வேண்டும் என்று மருத்துவர்கள் அறிவுறுத்தியுள்ளனர். அதிக அளவில் எப்பொழுது பார்த்தாலும் அரைத்துக்கொண்டு இருப்பதும் உடல் நலத்திற்கு ஏற்றதல்ல என்கின்றனர் உணவியல் நிபுணர்கள்.

உற்சாகமான நடை: தொப்பை வயிறு குறைய, தினசரி அரைமணி நேரமாவது உற்சாகமாக நடக்க வேண்டும் என்பது, உணவியல் நிபுணர்களின் அறிவுரை. இது இதயத்திற்கும் இதமான ஒரு உடற்பயிற்சி.

நடைபயிற்சியானது தொப்பையை கரைப்பதோடு அன்றைய நாளை உற்சாகத்துடன் நடத்திச் செல்லும் என்றும் அவர்கள் கூறுகின்றனர். அதேபோல் நீச்சலானது உடலை உடலை கட்டுக்கோப்பாக வைத்திருக்க உதவும். இது உற்சாகமான உடற்பயிற்சியும் கூட. இதனால் உடலில் உள்ள தேவையற்ற கலோரிகள் எரிக்கப்படுகின்றன.

பழங்கள், காய்கறிகள்: நமது அன்றாட உணவில், பழங்கள், காய்கறிகளுக்கு முக்கியத்துவம் தரவேண்டும். அவற்றில் உள்ள நார்ச்சத்தானது உடலுக்கு நன்மையை ஏற்படுத்துகிறது. தாது உப்புக்களும், வைட்டமின்களும் அதிக அளவில் உள்ளதால் உடலின் ஜீரணமண்டல இயக்கத்தை சரியாக நடைபெறச் செய்கின்றன.

செயற்கை குளிர்பானங்கள்: வயிற்றில் தொப்பை போடுவதற்கு, செயற்கை குளிர்பானங்களும் மிக முக்கியமான காரணமாகும். இதில் உள்ள ஆல்கஹால் அதிக அளவு கலோரிகளை கொண்டுள்ளது. ஜூஸ், சோடா போன்றவற்றில் அதிக அளவு சர்க்கரை உபயோகப் படுத்தப்படுகிறது. இது உடலில் கலோரியை அதிகரிக்கிறது. வயிற்றில் தொப்பை சேருகிறது.

எனவே இலைபோல வயிறு வேண்டும் என்பவர்கள் நொறுக்குத்தீனி, குளிர்பானங்கள் போன்றவைகளை உட்கொள்ளாமல் கட்டுப்பாட்டோடு இருந்தால், இரண்டு வாரங்களுக்குள் அழகான மாற்றம் தெரியும் என்கின்றனர் உணவியல் நிபுணர்கள்.

நன்றி: தினமலர்

by **ayyasamy ram** Thu 30 Jul 2015 - 19:43

by **ராஜா** Thu 30 Jul 2015 - 20:42

நேத்து தமிழ் தொலைகாட்சி சேனல் ஒன்றில் விளம்பரம் பார்த்தேன் , புதுசா ஜீன்ஸ் வந்துருக்கு அதை மாட்டிக்கிட்டா பெண்கள் எல்லாம் மெல்லிடையாளாக மாறிடலாமாம்.

இப்ப offer வேற , ஒண்ணு வாங்கினால் ஒண்ணு இலவசம்

by **krishnaamma** Thu 30 Jul 2015 - 20:44

ராஜா wrote:நேத்து தமிழ் தொலைகாட்சி சேனல் ஒன்றில் விளம்பரம் பார்த்தேன் , புதுசா ஜீன்ஸ் வந்துருக்கு அதை மாட்டிக்கிட்டா பெண்கள் எல்லாம் மெல்லிடையாளாக மாறிடலாமாம்.

இப்ப offer வேற , ஒண்ணு வாங்கினால் ஒண்ணு இலவசம்

மேற்கோள் செய்த பதிவு: 1154186

ஒ...........அப்படியா?...............நிஜமா அல்லது ஏதும் விளம்பர உக்தியாய் இருக்குமோ? புன்னகை

by **சிவா** Thu 30 Jul 2015 - 23:43

ராஜா wrote:நேத்து தமிழ் தொலைகாட்சி சேனல் ஒன்றில் விளம்பரம் பார்த்தேன் , புதுசா ஜீன்ஸ் வந்துருக்கு அதை மாட்டிக்கிட்டா பெண்கள் எல்லாம் மெல்லிடையாளாக மாறிடலாமாம்.

இப்ப offer வேற , ஒண்ணு வாங்கினால் ஒண்ணு இலவசம்

ஜீன்ஸ் போட்டா பூகம்பம் வருமாமே தல...!

by **krishnaamma** Thu 30 Jul 2015 - 23:47

சிவா wrote:
ராஜா wrote:நேத்து தமிழ் தொலைகாட்சி சேனல் ஒன்றில் விளம்பரம் பார்த்தேன் , புதுசா ஜீன்ஸ் வந்துருக்கு அதை மாட்டிக்கிட்டா பெண்கள் எல்லாம் மெல்லிடையாளாக மாறிடலாமாம்.

இப்ப offer வேற , ஒண்ணு வாங்கினால் ஒண்ணு இலவசம்
ஜீன்ஸ் போட்டா பூகம்பம் வருமாமே தல...! [size=18]

மேற்கோள் செய்த பதிவு: 1154221

சிரி சிரி

by **சிவா** Thu 30 Jul 2015 - 23:56

நொறுக்குத்தீனி, குளிர்பானங்கள் போன்றவைகளை உட்கொள்ளாமல் கட்டுப்பாட்டோடு இருந்தால், இரண்டு வாரங்களுக்குள் அழகான மாற்றம் தெரியும்

நாம் அனைவரும் செய்யும் முதல் தவறு, உடனடியாக, உடற்பயிற்சி இன்றி உடல் எடையைக் குறைக்க விரும்புவதுதான்.

இரண்டு வாரத்தில் உடலில் என்ன மாற்றம் வந்துவிடப் போகிறது?
தினமும் அரை மணி நேரம் நடந்தாலே போதும். உடல் எடையைக் கட்டுப் படுத்தலாம். ஆனால் அதற்கு குறைந்தது 6 மாதங்களாவது காத்திருக்க வேண்டும்.

by **ராஜா** Fri 31 Jul 2015 - 15:33

சிவா wrote:
நொறுக்குத்தீனி, குளிர்பானங்கள் போன்றவைகளை உட்கொள்ளாமல் கட்டுப்பாட்டோடு இருந்தால், இரண்டு வாரங்களுக்குள் அழகான மாற்றம் தெரியும்

நாம் அனைவரும் செய்யும் முதல் தவறு, உடனடியாக, உடற்பயிற்சி இன்றி உடல் எடையைக் குறைக்க விரும்புவதுதான்.

இரண்டு வாரத்தில் உடலில் என்ன மாற்றம் வந்துவிடப் போகிறது?
தினமும் அரை மணி நேரம் நடந்தாலே போதும். உடல் எடையைக் கட்டுப் படுத்தலாம். ஆனால் அதற்கு குறைந்தது 6 மாதங்களாவது காத்திருக்க வேண்டும்.

மேற்கோள் செய்த பதிவு: 1154223 அழுகை

நீங்க உடல் எடையை குறைத்துவிட்ட சந்தோஷத்தில் பேசுறிங்களா .. இருங்க இருங்க நானும் எப்படியாவது குறைத்துவிட்டு அதன்பிறகு பேசுகிறேன் .