வெற்றி தரும் பழமொழிகள்!

by **சிவா** Sun Jul 26, 2015 9:48 pm

பழமொழிகள் பழமையானவை என்றாலும், நம் முன்னோரின் முதிர்ந்த அனுபவத்தில் மொழிந்தவையாக இருக்கும். இளையோருக்கு அறிவுத் தெளிவைக் கொடுக்கும் உயர்ந்த நோக்கத்தில் உருவானவையே பழமொழிகள். அவை நம்மை தீயவற்றில் இருந்து விலக்கி நல்லவற்றை நோக்கி செயல்படத் தூண்டும். அத்தகைய பழமொழிகள் சிலவற்றை பார்ப்போம்..!

பருவத்தே பயிர்செய்

அவ்வையாரின் அமுதமொழி இது. ‘பருவம்’ என்பது குறிப்பிட்ட காலத்தைக் குறிக்கிறது. உரிய காலத்தில் எந்தச் செயலையும் செய்தல் வேண்டும். இல்லையென்றால், எதிர்பார்த்த பலன் கிடைக்காது. படிக்கிற பருவத்தில் செம்மையாக படிக்க வேண்டும். அதேபோல அந்தந்தப் பருவத்தில் பயிர்களை விதைத்து, மழை, காற்றில் வீணாகாமல் பருவத்தே அறுவடை செய்ய வேண்டும். இதுபோன்ற காலம் தவறாமல் செய்ய வேண்டிய கடமைகளை சரியாக செய்ய வேண்டும் என்பதையே இந்த பழமொழி உணர்த்துகிறது. ‘இளமையில் கல்’, ‘ஆடிப்பட்டம் தேடி விதை’ என்பன போன்ற பழமொழிகளும் இதே கருத்தையே வலியுறுத்துகின்றன.

காலம் பொன் போன்றது

உடல் வலிமையும், செல்வமும் மட்டும் மனிதனுக்கு வெற்றியைத் தேடித் தந்து விடாது. செய்யும் செயல்தான் வெற்றிக்கு அடிப்படை. அதையும் காலம் கருதி செய்வதே வெற்றியை கனியச் செய்யும். ஏனெனில் காலத்தை தவறவிட்டால் மீண்டும் பெற முடியாது. எனவேதான் ‘காலம் பொன் போன்றது’ என்றனர் நமது சான்றோர்கள்.

தொட்டில் பழக்கம் சுடுகாடு மட்டும்..

இளமையில் நல்லவற்றை கற்பது, மழைக் காலத்தில் நாற்று நடுவது போன்றதாகும். மாணவப் பருவத்தில் நல்ல பழக்க வழக் கங்களை வளர்த் துக் கொண்டவன், இளமைப் பருவத்தில் வெற்றிகளைக் குவிக்க முடியும். பருவம் தவறி விதைத்தால், பயனைப் பெற முடியாது. இளம் பருவத்தில் வேரூன்றும் பழக்கங்கள் வாழ்க்கை முழுவதும் தொடரும். தீய பழக்கங்களும் அப்படிப்பட்டவையே. அது ஆபத்தானது என்பதை வலியுறுத்தத்தான் ‘தொட்டில் பழக்கம் சுடுகாடு வரை’ என்றார்கள். வேண்டா பழக்கத்தை ஆரம்பத்திலே வேரறுக்காவிட்டால் தீவினையாய் முடியும்!

களவும் கற்று மற

நாம் சில விஷயங்கள் தவறு என்பதை அறியாமலேயே கற்கிறோம். பிறகு கற்றதில் நல்லதை மட்டும் வைத்துக் கொண்டு தீமையை முழுமையாக மறந்துவிட வேண்டும் என்பதையே இந்த பழமொழி வாயிலாக முன்னோர் நமக்கு உணர்த்துகிறார்கள்.

எறும்பு ஊர கல்லும் தேயும்

முயற்சி உடையவர்கள் முயற்சியை கைவிடாது தம் நோக்கத்தில் உறுதியாய் இருந்தால் வெற்றி இலக்கை நிச்சயம் அடைவார்கள் என்ற பொருளை உணர்த்து கிறது இந்த பழமொழி. கல் வலிமையானது. எறும்போ நுண்ணியது. கற்களின் வலிமைக்கு முன் எறும்பின் பலம் சொற்பமானதுதான். ஆனால் எறும்பு ஊர்ந்து ஊர்ந்து, தொடர்ந்து பயணிப்பதால் வலிமையான கல்லிலும் தேய்ந்து வழி உண்டாகும். அதுபோலவே தொடர்ந்து முயற்சித்தால் மிகக் கடினமானதாக இருக் கும் இலக்கும் எளிமையாக கைகூடி வரும் என்பதையே இந்த பழமொழி உணர்த்துகிறது.

இளமையில் கற்று, தவிர்க்க வேண்டியவற்றை தவிர்த்து, உரிய காலத்தில் உரிய செயல்களைச் செய்து வாழ்க்கையில் வெற்றி பெறுவோம் என்பதையே மேற்காணும் பழமொழிகள் நமக்கு கற்றுத் தருகின்றன.

பழமொழி வழி நிற்போம், கற்போம், வெல்வோம்.

by **krishnaamma** Sun Jul 26, 2015 11:25 pm

அருமையான பகிர்வு சிவா புன்னகை

by balakarthik Mon Jul 27, 2015 11:51 am

நல்ல தொரு பகிர்வு அருமை

பழமொழி வழி நிற்போம், கற்போம், வெல்வோம்.

எனக்கும் ஆசைத்தான் என்ன செய்வது குறுக்கே தேன்மொழி கனிமொழி என்று பல மொழிகள் க்ராஸ் ஆவதால் ரூட்டு திசை மாறிவிடுகிறது

by **ஜாஹீதாபானு** Mon Jul 27, 2015 2:45 pm

பகிர்வுக்கு நன்றி தம்பி

by **T.N.Balasubramanian** Mon Jul 27, 2015 3:07 pm

களவும் கற்று மற
நான் சமீபத்தில் படித்த விளக்கம் . கொஞ்சம் ஆர்வத்தை தூண்டியது .

"கத்து என்றால் பொய் / சூது அல்லது சூதாட்டத்தை குறிக்கும் .
.களவு=திருட்டு, கத்து=பொய், அற=ஒழி
திருட்டும் பொய்யும் ஒழி என்பதே அர்த்தமாம்
களவும் கத்தும் அற என்பது மறுவி,
களவும் கற்று மற என்றானது."

தமிழ் பண்டிதர்கள் பலர் உள்ளனர் . அவர்கள் என்ன கூறுகிறார்கள் என பார்க்கலாம் சிரி

ரமணியன்

.

by **krishnaamma** Mon Jul 27, 2015 3:09 pm

balakarthik wrote:நல்ல தொரு பகிர்வு அருமை

பழமொழி வழி நிற்போம், கற்போம், வெல்வோம்.

எனக்கும் ஆசைத்தான் என்ன செய்வது குறுக்கே தேன்மொழி கனிமொழி என்று பல மொழிகள் க்ராஸ் ஆவதால் ரூட்டு திசை மாறிவிடுகிறது

மேற்கோள் செய்த பதிவு: 1153583

சிப்பு வருது

by **ஜாஹீதாபானு** Mon Jul 27, 2015 4:26 pm

T.N.Balasubramanian wrote:களவும் கற்று மற
நான் சமீபத்தில் படித்த விளக்கம் . கொஞ்சம் ஆர்வத்தை தூண்டியது .

"கத்து என்றால் பொய் / சூது அல்லது சூதாட்டத்தை குறிக்கும் .
.களவு=திருட்டு, கத்து=பொய், அற=ஒழி
திருட்டும் பொய்யும் ஒழி என்பதே அர்த்தமாம்
களவும் கத்தும் அற என்பது மறுவி,
களவும் கற்று மற என்றானது."

தமிழ் பண்டிதர்கள் பலர் உள்ளனர் . அவர்கள் என்ன கூறுகிறார்கள் என பார்க்கலாம்

ரமணியன்

.

மேற்கோள் செய்த பதிவு: 1153604

அருமை ஐயா புன்னகை

by **ஜாஹீதாபானு** Mon Jul 27, 2015 4:27 pm

balakarthik wrote:நல்ல தொரு பகிர்வு அருமை

பழமொழி வழி நிற்போம், கற்போம், வெல்வோம்.

எனக்கும் ஆசைத்தான் என்ன செய்வது குறுக்கே தேன்மொழி கனிமொழி என்று பல மொழிகள் க்ராஸ் ஆவதால் ரூட்டு திசை மாறிவிடுகிறது

மேற்கோள் செய்த பதிவு: 1153583

தேன்மொழி கனிமொழி நினைப்புல தமிழ்மொழிய மறந்துடாதிங்க சிரிப்பு