புதிய கள்ளுண்ணாமை

by **M.Jagadeesan** Fri Jul 10, 2015 4:29 pm

1 . பிஞ்சுவின் வாயில் மதுவினை ஊற்றுதல்
.....பஞ்சமா பாதகம் தான் .

2 . கடைவிரித்தார் வீதியிலே மாணவிகள் போதையிலே
.....நெஞ்சம் கொதிக்குதே வெந்து .

3 . போதையின் பாதையில் தள்ளாடும் தாய்நாடே
.....வேதனைக்கு மாற்றுண்டோ கூறு .

4 . ஓட்டுகள் வாங்கிடவே ஊற்றிக் கொடுக்கின்ற
.....கூட்டத்தை வேரறுப்போம் வா .

5 . படிக்கின்ற பள்ளிக்குப் பக்கம் மதுவின்
.....நெடிவீசல் கல்விக்கு ஊறு .

6 . குடிப்பவர்கள் இல்லாமல் செய்கின்ற கட்சியை
.....நாடியே ஓட்டளிப்போம் வா .

7 . அறுபட்ட தாலிகள் போதாதா இன்னும்
.....தடைசெய்ய தாமதம் ஏன் .

8 . தன்னை அழித்துக் குடும்பத்தைச் சய்த்திடுமே
.....இன்னுமா வேண்டும் மது .

9 . குடிக்கின்றார் பெண்ணை அடிக்கின்றார் பிள்ளைப்
.....படிப்புக்கும் வந்ததே கேடு .

10 . எல்லா அரசும் அரசல்ல கள்ளுன்பார்
.......இல்லா அரசே அரசு .

by **ayyasamy ram** Fri Jul 10, 2015 6:11 pm

-
இரண்டாயிரம் ஆண்டுகளுக்கு முன்னர்
திருவள்ளுவர் சொன்னார்...
-
அவருக்கு கோட்டம் எழுப்பினோம்..., சிலைகள்
வைத்தோம்...ஆனால் அவர் சொன்ன அறிவுரைகளை
மட்டும் கேட்டு நடக்க மறந்தோம்...!!
-
இப்ப, குஜராத்திலேயே மதுவிலக்கை தளர்த்தலாமா என யோசித்து வருவதாக சொல்கிறார்கள்....
-
2016 ல் தேர்தலை எதிர்கொள்ளும் வலிமையான
கட்சிகள் மது விலக்கை கொண்டு வருவோம் என
கூறப்போவதில்லை....!!
-
ம்...ம்...கனவாவது காணுவோம்..!!
-