அரிசியின் வேறு வகைகள் மற்றும் அவற்றின் நன்மை, தீமை குணங்கள்

by **ayyasamy ram** Wed Jul 08, 2015 4:51 am

--

கோதுமை:

நல்ல பலம் தரும். விந்து விருத்தி பெறு செய்யும். வாத கோபத்தையும், பிரமேகத்தையும் நீக்கும்.

திப்பிலி:

இது கபம், வயிற்று உப்புசம், மேகம், வாத சுரம், ரோகம் இவற்றை போக்கும். விந்து கோளாறுகளை போக்கும்.

சவ்வரிசி:

பிரமேகம், இரத்த பிரமேகம், வெண்மேகம், இவை நீங்கும். கபம் விளையும்.

மூங்கில் அரிசி:

பாயாசம், பலகாரம் முதலியன செய்வதற்கு உகந்தது. இரத்த பித்தம், சுரம், ரோகம் ஆகியவற்றை விலக்கும்.

கேழ்வரகு:

பஞ்சம் தாங்கி என்னும் கேழ்வரகானது சுத்த வாதத்தை உண்டாக்கும் அல்லது பித்த வாதத்தையாவது உண்டாக்கும்.

கம்பு:

நெருங்கிய நமைச்சலையும், சிரங்குகளையும், வீரியத்தையும் உண்டாக்கும். உடல் வெப்பத்தை அகற்றும். குளிர்ச்சி என்பர்.

சாமை:

தாக சுரம், பிரமேகம், மகாவாத நோய், சோபா ரோகம் ஆகியவை நீங்கும். தேக வலிமை உண்டாகும்.

திணை:

சந்நிபாத சுரம், கபரோகம், சுத்த வாதம், சோபா ரோகம் ஆகியவை நீங்கும். பித்தத்தையும், பசியையும் உண்டாக்கும்.

செஞ்சோளம்:

அற்ப கிரந்திகள், விரணங்கள், மந்த ரோகம், கரப்பான் ஆகியவை அதிகரிக்கும். அழகும், பசியும் நீங்கும்.

கருஞ்சோளம்:

நமைச்சல், கிரந்தி, விரணம், அயர்வு இவற்றை உண்டாக்கும். அழகை கெடுக்கும்.
----
இவை அனைத்தும் அரிசியின் வேறு வகைகள் மற்றும் அவற்றின் நன்மை, தீமை குணங்கள் ஆகும். இவற்றை அறிந்து கொண்டு ஆரோக்கியமாக வாழ்வோம்.
-
-----------------------
பாட்டி வைத்தியம்