நான்கு வயது குழந்தைக்கு மது ஊற்றிக் கொடுக்கும் கொடுமை

by **Aathira** Mon Jul 06, 2015 6:24 pm

குழந்தைக்கு மதுவை கொடுத்து ரசித்த இளைஞர்கள்: தமிழகத்தில் நடந்த கொடுமை!

சென்னை: நான்கு வயது குழந்தைக்கு மதுவை குடிக்க வைத்திருக்கின்றனர் இளைஞர்கள். குழந்தை மது குடிப்பதை இளைஞர்கள் ரசிக்கும் வீடியோ காட்சி வெளியாகி இருப்பது தமிழகத்தில் பெரும் அதிர்ச்சியையும், பரபரப்பை ஏற்படுத்தியுள்ளது.

தமிழகத்தில் தனியாரிடம் மதுக்கடை இருந்தபோது இளைஞர்கள் மத்தியில் பயம் இருந்தது. காரணம், காவல்துறையினர் பிடித்து சென்று விடுவார்கள் என்பதுதான்.

தற்போது அரசே நடத்துவதால் சாலை மற்றும் கிடைக்கும் இடங்களில் எல்லாம் குடிமன்னர்கள் குடித்துவிட்டு அலங்கோலமான நிலையில்தான் கிடக்கிறார்கள். இவர்களை காவல்துறையினரும் கண்டு கொள்வதில்லை. பள்ளிகள், கோயில்கள் இருக்கும் இடங்களிலும் கூட தமிழக அரசு மதுக்கடைகளை திறந்து வைத்திருக்கிறது.

இத்தகைய கொடுமை ஒரு பக்கம் இருக்கும் நிலையில், சிறு குழந்தைக்கு மதுவை கொடுத்து இளைஞர்கள் ரசிக்கும் வீடியோ ஒன்று வெளியாகி பெரும் பரபரப்பை ஏற்படுத்தியுள்ளது.

ஒரு காட்டுப்பகுதியில் 4 வயதுடைய குழந்தையை சுற்றி 5 க்கும் மேற்பட்ட இளைஞர்கள் சுற்றி நிற்கின்றனர். நடுவில் இருக்கும் குழந்தைக்கு ஒரு பிளாஸ்டிக் டம்ளரில் மதுவை கொடுத்து குடிக்க வைக்கின்றனர் இளைஞர்கள். குழந்தையின் அருகில் TN25AJ 8209 என்ற பதிவு எண் கொண்ட இருசக்கர வாகனம் நிறுத்தப்பட்டுள்ளது. இந்த கொடுமையான சம்பவம் திருவண்ணாமலை மாவட்டம், மேல்சோழங்குப்பத்தில் நடந்துள்ளது.

இந்த வீடியோ காட்சி பரபரப்பை ஏற்படுத்தி வரும் நிலையில், சம்பவம் நடந்த கிராமத்திற்கு போளூர் டிஎஸ்பி தலைமையில் காவல்துறையினர் விரைந்துள்ளனர்.

டாஸ்மாக்கை திறந்து வைத்து இளைஞர்களை வாழ்க்கையை சீரழிக்கும் தமிழக அரசு, தற்போது குழந்தைகளையும் குடிக்க வைக்கும் நிலைக்கு தள்ளியுள்ளது மக்களிடையே பெரும் ஆதங்கத்தை ஏற்படுத்தி உள்ளது.

(வயிறெல்லாம் பற்றி எரிகிறது)

விகடன் இணையதளம்

by **T.N.Balasubramanian** Mon Jul 06, 2015 7:03 pm

ஒரு மணி முன்னதாக தந்தி சேனலில் பார்த்த போது,
மனம் மிக துன்பப்பட்டது .
இதில் அந்த ஆண்களின் வக்கிர குணம்தான் தெரிகிறது .
இவர்களுக்கு என்ன தண்டனை தரலாம் .
முட்ட முட்ட இவர்களுக்கு தண்ணி காட்டி , (மதுவை கொடுத்து )
இவர்களை சாகடிக்க வேண்டும் .

ரமணியன்

by **Aathira** Mon Jul 06, 2015 7:10 pm

T.N.Balasubramanian wrote:ஒரு மணி முன்னதாக தந்தி சேனலில் பார்த்த போது,
மனம் மிக துன்பப்பட்டது .
இதில் அந்த ஆண்களின் வக்கிர குணம்தான் தெரிகிறது .
இவர்களுக்கு என்ன தண்டனை தரலாம் .
முட்ட முட்ட இவர்களுக்கு தண்ணி காட்டி , (மதுவை கொடுத்து )
இவர்களை சாகடிக்க வேண்டும் .

ரமணியன்

மேற்கோள் செய்த பதிவு: 1149712
எனக்கும் அதே வேதனைதான் ரமணியன் சார். என்ன வக்கிரமான இளைஞர்கள். நெஞ்சு பொறுக்குதில்லை.

by **krishnaamma** Mon Jul 06, 2015 7:51 pm

அடப்பாவிகளா................. கோபம்

.
.
.
.
அந்த குழந்தை என்ன ஆனது?.....ஆஅச்பத்திரி இல் சேர்த்தார்களா?...............மேல் விவரம் எதுவும் தெரியுமா ஆதிரா?................

by **Aathira** Mon Jul 06, 2015 7:53 pm

krishnaamma wrote:அடப்பாவிகளா.................
.
.
.
.
அந்த குழந்தை என்ன ஆனது?.....ஆஅச்பத்திரி இல் சேர்த்தார்களா?...............மேல் விவரம் எதுவும் தெரியுமா ஆதிரா?................

மேற்கோள் செய்த பதிவு: 1149724
இது நடந்து மூன்று நான்கு நாட்கள் ஆகிவிட்டது போல. குழந்தை நன்றாக உள்ளது. வேலு என்ற ஒருவரை கைது செய்து விட்டார்கள். அந்த வண்டி எண்ணை வைத்து கண்டு பிடித்துள்ளார்கள். அந்தக் கொடூரன் அந்தக் குழந்தையின் மாமாவாம்.

by **Aathira** Mon Jul 06, 2015 7:58 pm

ஆறு பேரைக் கைது செய்துள்ளார்களாம்

by **krishnaamma** Mon Jul 06, 2015 8:01 pm

Aathira wrote:
krishnaamma wrote:அடப்பாவிகளா.................
.
.
.
.
அந்த குழந்தை என்ன ஆனது?.....ஆஅச்பத்திரி இல் சேர்த்தார்களா?...............மேல் விவரம் எதுவும் தெரியுமா ஆதிரா?................
மேற்கோள் செய்த பதிவு: 1149724
இது நடந்து மூன்று நான்கு நாட்கள் ஆகிவிட்டது போல. குழந்தை நன்றாக உள்ளது. வேலு என்ற ஒருவரை கைது செய்து விட்டார்கள். அந்த வண்டி எண்ணை வைத்து கண்டு பிடித்துள்ளார்கள். அந்தக் கொடூரன் அந்தக் குழந்தையின் மாமாவாம்.

மேற்கோள் செய்த பதிவு: 1149728

அடப்பாவி, லூசா அவன்?.....குழந்தைக்கு தந்திருக்கானே ................
.
.
நல்ல காலம் குழந்தை பிழைத்தது புன்னகை

by **Aathira** Mon Jul 06, 2015 8:12 pm

இதைப் பற்றியும் அரசியல்வாதிகளை வைத்து கருத்துரையாடல் நடத்துகிறது புதிய தலைமுறை தொலைக்காட்சி.

இதைப் பார்த்து பதை பதைத்துப் போன ஒரு தாய்மாரும் கிடைக்கவில்லை. ஒரு தகப்பனும் பொது மக்களில் கிடைக்கவில்லை. இதையும் வைத்து அரசியல் பேசும் இது போன்ற தொலைக்காட்சிகளை முதலில் முடக்க வேண்டும்.

by **ayyasamy ram** Mon Jul 06, 2015 9:04 pm

by rksivam Mon Jul 06, 2015 10:22 pm

இன்றைக்கு இந்த நிகழ்ச்சியை முன்னிறுத்தி தந்தி மற்றும் புதிய தலை முறை தொலைகாட்சிகளில் கருத்து கூட்டம் நடைபெற்றது. அ இ அ தி மு க மற்றும் அதன் கூட்டணி கட்சிகள் செய்த விவாதம் ஆனந்தமாய் இருந்தது.அவர்கள் நாசமாய் போக. தி மு க மதுவை ஆட்சிக்கு வந்தால் கொஞ்சம் கொஞ்சமாக ஒழிப்பார் களாம் (எப்போ தமிழ் நாடு நாசமாய் போனதுக்கப்புறமா). ஆக இருவரும் தமிழ்நாடும் தமிழர்களும் மூளை மரத்து போய் நிரந்தர குடிகாரர்களானதும் வோட்டு வாங்க வீட்டுக்கு ஒரு ஹாப். தண்ணீர் பாக்கெட், சைடு எல்லாம் supply பண்ணுவார்கள் போல் இருக்கிறது. இவர்களுக்கும் தேவை பதவி பணம், அதிகாரம். மக்கள் நாசமாய் போனால் கவலை இல்லை. வாழ்க திராவிட பாரம்பர்யம். வாழ்க திராவிட இயக்கங்கள்.

சிவம்