முதல் பயணத்தை வெற்றிகரமாக நிறைவு செய்தது மெட்ரோ ரயில்

by **ayyasamy ram** Mon Jun 29, 2015 1:08 pm

-
சென்னை ஆலந்தூரில் இன்று நண்பகல் 12.15 மணியளவில்
தனது முதல் பயணத்தை துவக்கிய மெட்ரோ ரயில்,
வெற்றிகரமாக கோயம்பேடு ரயில் நிலையத்துக்கு வந்து
சேர்ந்தது.
-
தமிழக முதல்வர் ஜெயலலிதா மெட்ரோ ரயில் சேவையை
துவ-க்கி வைத்ததை அடுத்து, ஆலந்தூர் ரயில் நிலையத்தில்
இருந்து புறப்பட்டு கோயம்பேடு ரயில் நிலையத்துக்கு வந்து
சேர்ந்தது.
-
வேறு எந்த ரயில் நிலையங்களிலும் நிற்காமல், நேராக
கோயம்பேடு ரயில்நிலையத்தில் வந்து தனது முதல் பயணத்தை
வெற்றிகரமாக நிறைவு செய்துள்ளது மெட்ரோ ரயில்.
-
தினமணி

by **ayyasamy ram** Mon Jun 29, 2015 1:09 pm

மெட்ரோ ரயில் கட்டணம் அறிவிப்பு

=
ஆலந்தூர் - கோயம்பேடு இடையிலான முதல் மெட்ரோ ரயில் சேவை: முதல்வர் ஜெயலலிதா இன்று நண்பகல் 12 மணிக்கு காணொளி காட்சி மூலம் தொடங்கி வைக்கிறார்.
-
10 நிமிடங்களுக்கு ஒரு மெட்ரோ ரயில் இயக்கப்படும். என தெரிவிக்கப்பட்டுள்ளது. மேலும் மெட்ரோ ரயில் கட்டணம் அறிவிக்கப்பட்டுள்ளது. குறைந்த பட்ச கட்டணம் 10 ரூபாய் எனவும், அதிகபட்ச கட்டணம் 40 ரூபாய் எனவும் அறிவிக்கப்பட்டுள்ளது
-
ஆலந்தூரில் இருந்து கோயம்பேடு செல்ல இனி 19 நிமிடங்கள்தான் ஆகும். ஆலந்தூரில் இருந்து ஈக்காட்டு தாங்கல் வரை செல்ல கட்டணம் 20 ரூபாய் எனவும், ஆலந்தூரில் இருந்து வடபழனி செல்ல கட்டணம் 30 ரூபாய் எனவும் தெரிவிக்கப்பட்டுள்ளது.
-
கோயம்பேட்டில் இருந்து ஆலந்தூருக்கு முதல் ரயில் காலை 6 மணிக்கு இயக்கப்படும் எனவும் ஆலந்தூர் - கோயம்பேடு இடையே இரவு 10.30க்கு கடைசி ரயில் இயக்கப்படும் எனவும் தெரிவிக்கப்பட்டுள்ளது.