காலை மிதித்து சைகை செய்தும் புரிந்து கொள்ளாத கணவன்..!!

by **ayyasamy ram** Wed Jun 24, 2015 10:37 am

நீண்ட நாள் கழித்து நண்பன் ஒருவன் எதிர் பாராத
விதமாக வீட்டிற்கு வந்து விட்டான்.வீட்டுக்காரன்
மனைவியிடம் தன் நண்பனுக்கு உணவளிக்க
சொன்னான்.
-
நண்பர்கள் இருவரும் மேஜையில் சாப்பிட அமர்ந்தனர்.
நண்பனுக்கு நல்ல பசி.குறிப்பறிந்த வீட்டுக்காரன்
'இன்னும் கொஞ்சம் வை,'என்று இரண்டு தடவை
சொல்லி விட்டான்.
-
சாப்பாடு தீரும் நிலை.அடுத்த முறை 'இன்னும் கொஞ்சம்
வை' என்று கணவன் சொன்னபோது,நிலையை விளக்க
அவன் காலை ஒரு மிதி மிதித்தாள்.
-
அப்படி இருந்தும் மறுபடியும் கணவன்,'இன்னும் கொஞ்சம்
வை,'என்றான்.இம்முறை சற்று ஓங்கி மிதித்துவிட்டு மீதி
இருந்த சாதத்தை எல்லாம் நண்பனுக்கு வைத்து விட்டாள்.
-
ஒரு வழியாக சாப்பிட்டு முடித்த நண்பன் உடனே
கிளம்புவதாக சொன்னான். வீட்டுக்காரன்,''இரவில் இவ்வளவு
நேரம் ஆகி விட்டது.எனவே இங்கு தங்கி காலை
செல்லலாமே?''என்று கேட்டான்.நண்பனோ முக்கிய வேலை
இருப்பதாக சொல்லி விடை பெற்று சென்று விட்டான்.
-
அவன் தலை மறைந்ததும் மனைவி கணவனிடம்
கோபத்துடன்,''சாதம் கொஞ்சம்தான் மீதி இருக்கிறது என்று
உங்கள் காலை மிதித்து சைகை செய்தும் நீங்கள் விடாப்
பிடியாக,'இன்னும் கொஞ்சம் வை'என்று சொல்கிறீர்களே,
உங்களுக்கு அறிவு இருக்கிறதா?''என்று கேட்டாள்.
-
கணவன் பதட்டத்துடன்,''அய்யையோ,நீ என் காலை
மிதிக்கவில்லையே!அப்படியானால்....ஓ,அதுதான் அவன்
அவ்வளவு வேகமாக ஓடி விட்டானா!''என்றான்.
-
-----------------------------