இஸ்லாம் அல்லாத மாணவர்களைச் சிறுநீரைக் குடிக்கச் சொன்ன ஆசிரியர்!

by **சிவா** Wed Jun 24, 2015 1:26 am

கெடா மாநிலம் சுங்கைப் பட்டாணியில் உள்ள ஆரம்பப் பள்ளி ஒன்றில் இஸ்லாம் அல்லாத மாணவர்களை வகுப்பறையில் தண்ணீர் அருந்தக்கூடாது என்றும், கழிவறைக்குச் சென்று தண்ணீர் அருந்தும் படியும் மூத்த ஆசியர் ஒருவர் கூறியிருப்பது சர்ச்சையை ஏற்படுத்தியுள்ளது.

மாணவ விவகாரங்களுக்குப் பொறுப்பு வகிக்கும் அந்த மூத்த ஆசிரியர் மாணவர்கள் முன், தண்ணீர் கொண்டு வரவில்லையென்றால், ‘குழாயில் இருந்து தண்ணீர் குடியுங்கள் அல்லது சிறுநீரைக் குடியுடிங்கள்’ என்று கூறியுள்ளதாக நேற்று நட்பு ஊடகங்களில் பரவிய புகார் கடிதம் ஒன்றில் கூறப்பட்டுள்ளது.

“அந்த ஆசிரியர் கூறியிருப்பது காட்டுமிராண்டித் தனமாகவும், அருவருக்கத்தக்க வகையிலும் உள்ளது. இஸ்லாம் அல்லாத மாணவர்களிடத்தில் இப்படிப்பட்ட பேச்சு இனவாதத்தைத் தூண்டிவிடுவதாக உள்ளது. அந்த ஆசிரியர் இஸ்லாம் அல்லாத மாணவர்கள், ஆசிரியர்கள் மற்றும் உறவினர்களின் உணர்வுகளுக்குச் சிறிதும் மதிப்பளிக்கவில்லை என்று இதன் மூலம் தெரிகின்றது.” இவ்வாறு அந்தக் கடிதத்தில் கூறப்பட்டுள்ளதாக மலேசியாகினி தெரிவித்துள்ளது.

இது குறித்துத் தனது டிவிட்டர் பக்கத்தில் கருத்துத் தெரிவித்துள்ள கல்வித் துணையமைச்சர் கமலநாதன்,

சம்பந்தப்பட்ட பள்ளியில் விசாரணை முடுக்கிவிடப்பட்டுள்ளதாகவும், அது உண்மையாக இருக்கும் பட்சத்தில் கெடா மாநிலக் கல்வித்துறை உடனடியாக நடவடிக்கை எடுக்கும் என்றும் தெரிவித்துள்ளார்.

by **ராஜா** Wed Jun 24, 2015 11:43 am

இது போல ஒரு சில கீழ்பிறவிகளால் தான் மத நல்லிணக்கம் என்பதே கெட்டுபோகிறது தல.

இங்கு எங்கள் அலுவலகத்தில் சாப்பிடுவதற்கு / தண்ணீர் அருந்துவதற்கும் எந்தவித தடையும் இல்லை. எனக்கு தேநீர் / தண்ணீர் கொண்டு வரும் பையனே பங்களாதேஷ் தான். நீ கொண்டு வரவேண்டாம் "அல்லாம்" என்று சொன்னால் , பரவாயில்லை சார் எனக்கு தானே Fasting உங்களுக்கு ஒன்னுமில்லையே என்று சொல்லுவான். எனக்கு தான் கஷ்டமாக இருக்கும். நானாக போன் பண்ணி தண்ணீர் கேட்கமாட்டேன் அவனாக காலையில் கொண்டு வைக்கும் தண்ணீரோடு சரி. அதன் பிறகு வேண்டுமானால் இன்னொரு நேபாளி (புத்திஸ்ட்) இருக்கிறான் அவனை கூப்பிட்டு தண்ணீர் கொண்டு வா என்று சொல்லுவேன்.

by **மாணிக்கம் நடேசன்** Wed Jun 24, 2015 1:26 pm

இதை அம்மாநில ஒரு அம்னோ ஆட்சிக் குழு உறுப்பினர் இது நகைச்சுவைக்காக சொன்னதாக கருத்து கூறி இருக்கிறான். இது போன்ற அறிவு குறைந்த அரசியல்வாதிகளால்தான் இந்த நாட்டில் வளர்ச்சி குன்றி குப்பை மேடாக ஆகிவிட்டது. இந்த நாட்டில் உள்ள இந்தியர்களை பிரதிநிதி என்று மார் தட்டிக்கொள்ளும் ம.இ.கா (மதி இல்லாத கட்சி) இதைப் பற்றி கவலைப் பட்டதாக தெரியவில்லை, மேலும், இந்நாட்டின் துணை கல்வி அமைச்சர் ம.இ.காவை சேர்ந்த அரசியல் குள்ளநரி என்பதுவமு இங்கு குறிப்படத் தக்கது. தங்களுக்குள் அடித்துக் கொள்ளுவதும் கடித்துக் கொள்ளவதும் அந்த அரசியல் கட்சியின் முக்கிய நிகழ்வாக இருக்கிறது. இந்தியர்களின் பிரச்சனைகளை பற்றி இந்தக் கட்சியினர் அக்கறை எடுத்துக் கொள்ளுவதே இல்லை.

by Sponsored content

இஸ்லாம் அல்லாத மாணவர்களைச் சிறுநீரைக் குடிக்கச் சொன்ன ஆசிரியர்!

இஸ்லாம் அல்லாத மாணவர்களைச் சிறுநீரைக் குடிக்கச் சொன்ன ஆசிரியர்!

Re: இஸ்லாம் அல்லாத மாணவர்களைச் சிறுநீரைக் குடிக்கச் சொன்ன ஆசிரியர்!

Re: இஸ்லாம் அல்லாத மாணவர்களைச் சிறுநீரைக் குடிக்கச் சொன்ன ஆசிரியர்!

Re: இஸ்லாம் அல்லாத மாணவர்களைச் சிறுநீரைக் குடிக்கச் சொன்ன ஆசிரியர்!