சர்க்கரை வியாதி அவதியில் இருந்து தப்பிக்க...

by **சிவா** Sun Jun 21, 2015 3:33 pm

நீரிழிவு நோய் எனப்படும் சர்க்கரை வியாதியால் பாதிக்கப்படுபவர்களின் எண்ணிக்கை அதிகரித்தே வருகிறது.

சர்க்கரை வியாதி, நாம் உண்ணும் உணவுக்கு ஏற்றவாறு தாக்கத்தைக் காட்டும். இதை ஆரம்பத்திலேயே கவனித்துக் கட்டுப்படுத்தாவிட்டால் உயிருக்கே ஆபத்தாக முடிந்துவிடும்.

சர்க்கரை வியாதியைத் தடுக்க உணவு முறையில் சில கட்டுப்பாடுகள் அவசியம். அத்துடன் வேறு சில விஷயங்களிலும் கவனத்தைச் செலுத்தினால் சர்க்கரை வியாதி நம்மை நெருங்காது.

உடற்பயிற்சி

வாதம், மெட்டபாலிக் சிண்ட்ரோம், டைப் 2 சர்க்கரை நோய் உட்பட பல நோய்களைத் தடுக்க சீரான உடற்பயிற்சி அவசியம். உடற்பயிற்சி செய்யும்போது, எச்.டி.எல். எனப்படும் நல்ல கொலஸ்ட்ரால் மேம்படுத்தப்பட்டு, ஆரோக்கியமற்ற டிரைகிளிசரைடுகள் குறையும். இதனால் ரத்த ஓட்டம் சீராகி, இதயம் சம்பந்தப்பட்ட நோய்களால் ஏற்படும் இடர்பாடும் குறையும்.

உணவுக் கட்டுப்பாடு

கொழுப்புகள் நிறைந்த உணவுகளைத் தவிர்க்க வேண்டும். இந்தக் கொழுப்புகள் உடல் பருமன், தமனித் தடிப்பு, உயர் ரத்த அழுத்தம், சர்க்கரை நோய் மற்றும் இதய நோய்கள் போன்ற பிரச்சினைகளை உண்டாக்கும். இத்தகைய கொழுப்புகள், தற்போது பலராலும் விரும்பி உண்ணப்படும் துரிதவகை உணவுகளில் அதிகம் காணப்படுகிறது. துரிதவகை உணவுகளை உண்ணுவதால் சர்க்கரை நோய் ஏற்படுவதற்கான அபாயம் அதிகம் என்பதால், முடிந்தவரை அவற்றைத் தவிர்த்திட வேண்டும்.

ரத்த சர்க்கரை மதிப்பீடு

35 வயதைத் தாண்டியவர்கள், சீரான இடைவெளியில் தங்கள் ரத்தத்தில் உள்ள சர்க்கரையின் அளவைச் சோதித்துக் கொள்ளலாம். இதற்கு ஏற்றவாறு உடற்பயிற்சி மூலமாகவும், உணவுக் கட்டுப்பாடு மூலமாகவும் சர்க்கரையின் அளவை கட்டுப்படுத்தலாம். இவ்வாறு விழிப்புணர்வுடன் செயல்பட்டு வந்தால் சர்க்கரை அளவும் கட்டுப்பாட்டில் இருக்கும்.

மன அழுத்தம்

இன்றைய காலகட்டத்தில் பல நோய்கள் உருவாவதற்கு மன அழுத்தமே பிரதான காரணமாக இருக்கிறது. குறிப்பாக சர்க்கரை நோய் தாக்கத்தில் மனஅழுத்தம் முக்கியப் பங்காற்றுகிறது. தொடர்ச்சியான பயணம், சீரற்ற அலுவலக நேரம் போன்ற வாழ்க்கை முறை மாற்றங்கள் உடலின் இயல்பான செயல்பாட்டைப் பாதித்து சர்க்கரை நோயையும் உண்டாக்குகின்றன.

சர்க்கரை நோய் பாதிப்பு கண்டுபிடிக்கப்பட்டவர்கள் தங்கள் பாதங்களை தினமும் சோதனை செய்துகொள்வது அவசியம். பாதத்தில் புண் போன்றவை ஏற்பட்டால் அவற்றை சீக்கிரமாக குணப்படுத்த முயற்சிக்க வேண்டும்.

by **T.N.Balasubramanian** Sun Jun 21, 2015 4:13 pm

எனது உறவினர் ,இருவர் ,
இருவருக்கும் சுகர் உண்டு .
உடற்பயிற்சியில் அவ்வளவாக நம்பிக்கை இல்லை /
ஒருவர் சமீபத்தில் ஓய்வு பெற்றார் .
எல்லோரும் சொல்லி சொல்லி , இப்போது 2 மாதமாக
யோகா/ நடைபயிற்சி தினமும் மேற்கொண்டு ,
சுகர் லெவல் கட்டுப்பாடிற்குள்ளாக வந்து விட ,
அவரது துணையும் இப்போது நடைபயிற்சி தொடங்கி விட்டார் .

சுகர் தொல்லை உள்ள ஈகரை உறவுகளே , நடைபயிற்சியை
இன்றே தொடங்குங்கள் .

ரமணியன்

by **ayyasamy ram** Sun Jun 21, 2015 4:45 pm

by **ayyasamy ram** Sun Jun 21, 2015 4:49 pm

காலை 9 மணி முதல் 11 மணிவரை
மண்ணீரல் வேலை செய்யும் நேரம்.

இந்த நேரத்தில் எதுவும் சாப்பிடாமல், தண்ணீர்கூட
குடிக்காமல் ஒரு விரதம் போன்று இருந்தோமானால்
எப்படிப்பட்ட சர்க்கரை நோயும் விரைவில் கட்டுக்குள்
வந்துவிடும்.

by **T.N.Balasubramanian** Sun Jun 21, 2015 5:59 pm

அப்பிடியா ,நல்ல செய்தி .

நன்றி ராம் .

ரமணியன்

by **ayyasamy ram** Sun Jun 21, 2015 6:22 pm

ராஜபாளையத்தைச் சேர்ந்த “அக்குபஞ்சர்’
மருத்துவரான கனகதுர்கா லட்சுமி அவர்கள்
சொன்ன மருத்துவ தகவல்களையும் படியுங்கள்...

--

http://www.eegarai.net/t121837-topic#1146704
-

by ஈகரைச்செல்வி Sun Jun 21, 2015 6:58 pm

ayyasamy ram wrote:ராஜபாளையத்தைச் சேர்ந்த “அக்குபஞ்சர்’
மருத்துவரான கனகதுர்கா லட்சுமி அவர்கள்
சொன்ன மருத்துவ தகவல்களையும் படியுங்கள்...

--

http://www.eegarai.net/t121837-topic#1146704
-

மேற்கோள் செய்த பதிவு: 1146705 சர்க்கரை வியாதி அவதியில் இருந்து தப்பிக்க... 3838410834