தந்தையர் தின வாழ்த்துக்கள்

by **விமந்தனி** Sun Jun 21, 2015 12:02 am

இன்று தந்தையர் தினம் - 2015 ‘ ஜூன் 21 தந்தையர் தின வாழ்த்துக்கள் FdWfYLG

தந்தையர் தினம் என்பது தந்தையர்களை கெளரவிப்பதற்காக கொண்டாப்படும் ஒரு நாளாகும். உலகின் 52 நாடுகளில் ஜூன் மாதத்தின் மூன்றாவது ஞாயிற்றுக் கிழமையிலும் வேறுபகுதிகளில் பிற நாட்களிலிலும் இந்த தினம் கொண்டாப்படுகிறது.

இருபதாம் நூற்றாண்டின் முற்பகுதியில் அன்னையர் தினத்தை முழுமைப்படுத்த தந்தை ஸ்தானம் மற்றும் தந்தையைக் கொண்டாடுவதற்காக தந்தையர் தினம் என்ற கொண்டாட்டம் தொடங்கி வைக்கப்பட்டது.

உலகளவில் தந்தையர் தினம் பல்வேறு தேதிகளில் கொண்டாப்படுகிறது. மேலும் இந்த நாளில் தந்தையருக்கு பரிசுகளைக் கொடுப்பது, சிறந்த இரவு விருந்து அளிப்பது மற்றும் குடும்ப-உறவுகள் செயல்பாடுகளில் ஈடுபடுவது போன்றவை மேற்கொள்ளப்படும்.

ஸ்போகேனில் சோனோரா டோடின் முயற்சியால் ஜூன் 19, 1910 அன்று முதல் தந்தையர் தினம் அனுசரிக்கப்பட்டதாக நம்பப்படுகிறது.

வாஷிங்டனைச் சேர்ந்த சோனோரா ஸ்மார்ட் டோட் என்பவர் 1909 ஆம் ஆண்டில் விடுமுறை நாளான ஒரு ஞாயிற்றுக் கிழமையில் ஸ்போக்கனில் உள்ள சென்ட்ரல் மெத்தோடிஸ்ட் எபிஸ்கோபால் தேவாலயத்தில் அன்னையர் தினம் சமய போதனையைக் கேட்டுக் கொண்டிருந்த போது இதைப் பற்றி அவருக்கு தோன்றியது.

மேலும் ஜூன் 19, 1910 அன்று அவருடைய தந்தைக்காக ஒரு புகழுரையை ஏற்பாடு செய்தார். அதிகார்வப்பூர்வமாக தந்தையர் தினத்தை கடைப்பிடித்து அனைத்து தந்தையர்களையும் கெளரவப்படுத்துவதற்கான யோசனையை இவரே முதன்முதலில் பரிந்துரைத்தார்.

தந்தையர் தின வாழ்த்துக்கள் XywRwqrSzOZJ3hM0uzeN+Coming-Soon

by **மாணிக்கம் நடேசன்** Sun Jun 21, 2015 8:35 am

இங்கு, தந்தையர் பட்டம் வாங்கிய அனைத்து தந்தையர்களுக்கும் இனிய வாழ்த்துகள்.

by **ayyasamy ram** Sun Jun 21, 2015 9:05 am

by **krishnaamma** Sun Jun 21, 2015 10:17 am

தந்தையர் தின வாழ்த்துக்கள் ITEiT7WkT36Cqqb5FVlA+download

அனைத்து தந்தைகளுக்கும் அன்பான தந்தையர் தின வாழ்த்துகள் புன்னகை

தந்தையர் தின வாழ்த்துக்கள் BQ8bJAunTW7vYlextsJE+f0ca508538ec04a5406470d96fdb651d

தந்தையர் தின வாழ்த்துக்கள் LmX1EQ0uRgKelNz1s69q+Happy-Fathers-Day-Images-1

by **ராஜா** Sun Jun 21, 2015 12:23 pm

அனைவருக்கும் தந்தையர் தின வாழ்த்துகள்

by **ayyasamy ram** Sun Jun 21, 2015 12:24 pm

-
—-

நான் பட்ட கஷ்டம், என் பிள்ளைகளும் படக்கூடாது’
எனக் கருதி தன் வாழ்நாள் முழுவதையும்
குடும்பத்துக்காகவும், பிள்ளைகளின் முன்னேற்றத்துக்காகவும்
அர்ப்பணிப்பவரே தந்தை.

அனைவரின் முதல் ரோல் மாடலும், முதல் ஹீரோவுமான
அந்த தந்தையை போற்றும் வகையில் அவர்களுக்கு
மரியாதை செலுத்தும் தினமாக ஆண்டுதோறும் தந்தையர்
தினம் கொண்டாடப்படுகிறது.

ஜூன் மாதத்தின் 3வது ஞாயிற்றுக் கிழமையை தந்தையர்
தினமாக கொண்டாடும் வழக்கம் இந்தியா உள்ளிட்ட
பல்வேறு நாடுகளில் கடைபிடிக்கப்பட்டு வருகிறது.

எப்படி தோன்றியது?:

கடந்த 1862ம் ஆண்டுகளில் அமெரிக்க ராணுவ வீரராக
இருந்தவர் வில்லியம் ஜாக்சன் ஸ்மார்ட்.
இவர் வாஷிங்டன் அருகே உள்ள ஸ்போகேனே என்ற
நகரில் மனைவி எல்லன் விக்டோரியா சீக் ஸ்மார்ட்டுடன்
வசித்து வந்தார்.

இந்த தம்பதியின் முதல் குழந்தையாக மகள்
சொனாரா ஸ்மார்ட் டோட் 1882ல் பிறந்தார். சொனாராவுக்கு
16 வயதாகும் போது, எல்லன் 6வது முறையாக கர்ப்பமடைந்து
ஆண் குழந்தையை பிரசவித்து இறந்து போனார்.

பிறந்த குழந்தையுடன், 4 மகன்களையும், மகள் சொனாரா
என 6 பிள்ளைகளையும் தனி ஆளாக போராடி காப்பாற்றுவதை
தனது வாழ்க்கையின் லட்சியமாக ஏற்றார் வில்லியம் ஜாக்சன்.

அதனால் மறுமணம்கூட செய்து கொள்ளாமல் குழந்தைகளை
பராமரிப்பதிலேயே கவனம் செலுத்தினார். கைக்குழந்தையை
வைத்துக் கொண்டு தந்தை படும் சிரமங்களை நேரில் பார்த்து
வளர்ந்த மகள் சொனாராவுக்கு தந்தையின் மீது அளவு கடந்த
பாசமும் மரியாதையும் ஏற்பட்டது.

இந்நிலையில், 1909ம் ஆண்டு அமெரிக்காவில் அன்னையர்
தினம் ஏற்றுக் கொள்ளப்பட்டதை அறிந்த சொனாரா,
தனது தந்தை போன்றவர்களின் தியாகத்தை போற்றும்
வகையில் தந்தையர் தினம் கொண்டாட வேண்டும் என
1910ம் ஆண்டில் கோரிக்கை விடுத்தார்.

தனது தந்தையின் பிறந்த நாளான ஜூன் 5ம் தேதி கொண்டாட
தேவாலயத்தில் அனுமதி கோரினார். ஆனால், ஏற்பாடுகளை
செய்ய கால அவகாசம் தேவைப்பட்டதால்,
முதல் தந்தையர் தினம் ஜூன் 19, 1910ம் ஆண்டில் ஸ்போகேனே
நகரில் கொண்டாடப்பட்டது. அதைத்தொடர்ந்து ஆண்டு தோறும்,
ஜூன் மாதத்தின் 3வது ஞாயிற்றுக்கிழமையை தந்தையர்
தினமாக கொண்டாடி அதை பிரபலப்படுத்தி வந்தார் சொனாரா.

நாடு முழுவதும் தந்தையர் தினம் கொண்டாடப்பட வேண்டுமென
கருதிய சொனாரா இது குறித்து அரசுக்கு கோரிக்கை விடுத்தார்.
அவரின் கோரிக்கை நிறைவேற 50 ஆண்டுகளுக்கு மேல் ஆனது.

1966ம் ஆண்டு அமெரிக்க அதிபர் ஜான்சன் ஜூன் மாதம் 3வது
ஞாயிற்றுக் கிழமையை தந்தையர் தினம் என அறிவிக்கலாம்
என சட்ட முன் வடிவில் கையொப்பமிட்டார்.

அதற்கு 6 ஆண்டுகளுக்குப்பிறகு ஆட்சிப் பொறுப்பை ஏற்ற
அதிபர் ரிச்சர்ட் நிக்சன் 1972ல் அதிகாரப்பூர்வமாக தேசிய அளவில்
தந்தையர் தினம் அனுசரிக்க ஆணை பிறப்பித்தார்.

இன்றைக்கு அமெரிக்காவில் மட்டுமல்ல பெரும்பாலான நாடுகள்
தந்தையர் தினம் என்று உச்சரிக்கத் துவங்கியுள்ளதை
சொனாராவின் முயற்சிக்குக் கிடைத்த வெற்றி என்றே சொல்லலாம்.

சிறு வயதிலேயே குழந்தைகளுக்கு, தந்தையை மதிக்க கற்றுத்
தருவதே இத்தினத்தின் நோக்கம். எனவே இந்த நன்னாளில்
உங்களின் தந்தை உங்களுக்காக செய்த தியாகங்களையும், பட்ட
கஷ்டங்களையும் எண்ணிப் பாருங்கள். அவருக்கு மரியாதை
செய்யுங்கள்.
–
———————————-
நன்றி- தினகரன்