மழைதரும் மண் சார்ந்த மரங்களும் - மழையை குறைக்கும் மண் சாரா மரங்களும்

by சரவணன் Thu May 28, 2015 11:41 am

மழைதரும் மண் சார்ந்த மரங்களும் - மழையை குறைக்கும் மண் சாரா மரங்களும்

வேம்பு, ஆலமரம், அரசமரம், புங்கை, அத்தி ஆகிய மரங்கள் நம் மண் சார்ந்த மரங்கள். இவை மழையை வரவழைப்பதில் முக்கிய பங்காற்றுகிறது. குளிர்ச்சியை உண்டுபண்ணுவதில் இந்த மரங்கள் முதன்மையானவை. ஆகவே இந்த மரங்க நட்டு மழை அளவை அதிகரிக்கசெய்யலாம். இந்த மரங்களை பற்றி மேலதிக தகவல்களை படிக்கும் முன்னர் சற்றே மண் சாரா மரங்களை பற்றி பார்த்துவிடுவோம்.

மழையை குறைக்கும், நிலத்தடி நீர் மற்றும் வளிமண்டல நீரை அதிக அளவு உருஞ்சும் மண் சாரா மரங்கள் இந்த சீமக
கருவேலம் மற்றும் யூகலிப்டஸ் என்று சொல்லப்படும் தைல மரம். இந்த தைல மரத்தை பற்றி தெரிந்தும் அரசே இதை வளர்ப்பதும், இதை வளர்ப்பதற்கு மானியம் தந்து ஊக்குவிப்பதும் வேதனையிலும் வேதனை.

இந்த மரங்கள் பூமியின் என்பது அடி ஆழத்திற்கும் மேல் சென்று நீரை உருஞ்சிவிடும். பொதுவாக இந்த மரங்கள் ஆங்கிலேயர்கள் நம் நாட்டை விட்டு செல்லும் போது இந்த விதைகளை தூவி சென்று விட்டதாக சொல்லப்படுகிறது. அதாவது நமது விவசாயத்தையும், இயற்கை வளங்களையும் சீரிழிக்க அவர்கள் செய்த சதி என்று சொல்லப்படுகிறது.
சீம கருவேலம் அதிக அளவு வளிமண்டல பிராண வாயுவை உறிஞ்சும் தன்மை கொண்டது, மேலும் அதிக அளவு கார்பன்டை ஆஹ்சைடுவையும் வெளியிடுகிறது. இது விறகுக்காக பயன்படுவதை தவிர வேறொரு பயனும் இல்லை.

நிலவுக்கும், செவ்வாய்க்கும் ஆள் அனுப்ப முடியும் என்று சொல்லும் நம் விஞ்ஞானிகளால் இதை அழிக்க களைகொல்லிகள் ஏதும் கண்டுபிடிக்க முடியவில்லையா? அல்லது அதற்கு மனமில்லையா என்று தெரியவில்லை..

மழை தரும் மண் சார்ந்த மரங்கள்:

ஆலமரம்:- மிகச்சிறிய விதை ஆனால் மிகப்பெரிய மரம். நல்ல உடல் பலத்தையும் ஆண்மையையும் கொடுக்கும் பழம் ஆலம் பழம். தந்தை மகன் உறவு பற்றி சொல்லும் போது இந்த ஆல மரத்தை ஒப்பிடுவார்கள். விழுது மரத்திற்கு துணையாவது போல தந்தையை மகன் காக்க வேண்டும் என்று சொல் வழக்கமும் உண்டு நம் நாட்டில்.

அரசமரம்:- தேவ விருட்சம் என்று சொல்லப்படும் இந்த மரமும் மனிதனுக்கு பல வகைகளில் பயனுள்ள மரம். பெண்களில் கர்ப்பப்பை சம்பந்தப்பட்ட பிரச்சனைகளுக்கு இந்த மரம் நல்ல தீர்வு. குழந்தை இல்லாத பெண்கள் அரச மரத்தை சுற்றுவது வழக்கம் அரச மரத்தின் காற்று கர்ப்பப்பையை பலப்படுத்துகிறது. மேலும் அரசம் பழம், அரச மர பட்டை இவை அனைத்தும் மருந்தாக பயன்படுகிறது. அரசனை நம்பி புருஷனை கைவிட்ட கதையாகிவிட்டது என்று வேடிக்கையாக சொல்வதுண்டு. இது குழைத்தை பெற பெண்கள் அரச மரத்தை சுற்றி வருவதை பற்றி சொல்லும் வழக்கம்.

வேம்பு: இதை பற்றி சொல்வதற்கு வார்த்தைகளே இல்லை. மிகவும் முக்கிய மருந்து பொருளாகவே இந்த மரம் விளங்குகிறது. விவசாயத்திற்கும், கால்நடைகளும், மனிதனுக்கும் மிகவும் பயனுள்ள மரங்களில் முதன்மையானது வேம்பு தான். அம்மை நோய் என்று சொன்னவுடன் சட்டெண்ட நினைவிற்கு வருவது இந்த வேம்பு தான். மேலதிக தகவல்களை தனிப் பதிவில் பாப்போம்.

அத்தி மரம்: சிம்லா அத்தி, பேயத்தி என்று அத்தி மரத்தில் சில வகைகள் உள்ளன. நம் ஊர்களில் வயல் வெளிகளில் அதிகம் காணப்படும் பேயத்தி தோல் நோய்களை குணப்படுத்த, தேக ரணங்களை குணப்படுத்த மருந்தாக பயன்படுகிறது. அத்தி பழம் ஆண்மை பலத்தை அதிகரிக்க நல்ல மருந்து.

மழைதரும் மண் சார்ந்த மரங்களும் - மழையை குறைக்கும் மண் சாரா மரங்களும் Images?q=tbn:ANd9GcQrgj7wmIrLJQ-z6tPS_9JGedqKW1MfyCDlJ1hAOsduOmVrL1Mk

மழைதரும் மண் சார்ந்த மரங்களும் - மழையை குறைக்கும் மண் சாரா மரங்களும் Images?q=tbn:ANd9GcQrgj7wmIrLJQ-z6tPS_9JGedqKW1MfyCDlJ1hAOsduOmVrL1Mk

புங்கை மரம்: வீட்டு வாசலில் இந்த மரத்தை வைத்திருப்பார்கள். வேர் அதிக பலம் இல்லாததால் வீட்டின் அருகில் இதை வளர்க்கலாம். கோடை காலங்களில் இந்த மரத்தின் கீழ் அமர்ந்தால் குளிர்ச்சியாக இருக்கும்.

இந்த மரங்கள் அனைத்தும் மழைதருவதிலும், வெயிலின் தாக்கத்தை குறைப்பதிலும் முக்க பங்காற்றுகிறது.

நான் நிறைய புங்கை, வேம்பு, பனை மரங்களை எங்கள் ஊரில் நட்டு வைத்திருக்கிறேன்.

by சரவணன் Sat May 30, 2015 4:38 pm

மழை தரும் மரங்களில் மேலும் சில:

மழைதரும் மண் சார்ந்த மரங்களும் - மழையை குறைக்கும் மண் சாரா மரங்களும் Images?q=tbn:ANd9GcR2PGjIdy5WwHA2YPqfUWfib2itGPm74ccmO70QuWrvHkSxT3dL

மழைதரும் மண் சார்ந்த மரங்களும் - மழையை குறைக்கும் மண் சாரா மரங்களும் Images?q=tbn:ANd9GcR2PGjIdy5WwHA2YPqfUWfib2itGPm74ccmO70QuWrvHkSxT3dL

பூவரசு:- பொதுவாக கிராமங்களில் அனைவர் வீட்டிலும் இந்த மரத்தை வளர்ப்பார்கள், தேக்கு மரத்திற்கு கிட்டத்தட்ட இணையான வலிமை உடையது. வீடு கட்டும் போது வீடு வாசல்-நிலை மற்றும் ஜன்னல் பூவரசு மரத்தில் இருந்தால் மிகவும் விசேஷம். மழை தருவதில் இந்த மரத்திற்கும் முக்கிய பங்கு உள்ளதாக சொல்லப்படுகிறது. மேலும் கால்நடைகளுக்கும் இது உணவாக பயன்படுகிறது.

அதிக அளவு கடுத்தா எறும்பு மற்றும் மொசுக்கட்டை என்று சொல்லப்படும் கம்பளி பூச்சு வகை இந்த மரத்தில் இருப்பாதால் வீட்டருகில் இந்த மரத்தை வளர்ப்பது சற்று தொந்தரவாக இருக்கும்.

--------------------------------

குமிழ் தேக்கு:- தேக்கு போலவே இதுவும் மர வேலைகளுக்கு பயனுள்ள மரம். இதன் இலை கால்நடைகளுக்கு நல்ல தீவனம். மேலும் மரக்கூழ், வீட்டு உபயோக பொருடகள், நிலைகதவு ஜன்னல் செய்யவும் இம்மரம் பயன்படுகிறது. டோலக்கு என்ற இசைக்கருவி இந்த மரத்தில் செய்யப்படுவதாக சொல்கின்றனர்.

இந்த மரக்கன்றுகளை மாவட்ட வன விரிவாக்க அலுவலகத்தில் இலவசமாக பெறலாம். அதற்காக உங்கள் நிலத்தின் பட்டா, சிட்டா, புகைப்படம், மற்றும் உங்கள் ஊர் கிராம அலுவலரிடம் சான்று பெற்று வன விரிவாக்க அலுவலகத்தில் கொடுக்க வேண்டும்.

by Preethika Chandrakumar Sat May 30, 2015 4:51 pm

by சரவணன் Sat May 30, 2015 5:04 pm

Preethika Chandrakumar wrote:

நன்றி பரீஸ்!

by சரவணன் Sat May 30, 2015 5:09 pm

இயல் வாகை: இந்த மரம் அநேகமாக எல்லா இடங்களிலும் காணப்படும். ஏப்ரல் மே மாதங்களில் இது மஞ்சள் நிற பூக்களால் பூத்து குலுங்கும், பார்பதற்கு மிக ரம்யமாக இருக்கும். மழை தருவதில் இந்த மரத்திற்கும் பங்கு உண்டு.

மழைதரும் மண் சார்ந்த மரங்களும் - மழையை குறைக்கும் மண் சாரா மரங்களும் Xj4t6c1YSBeANsqDFeCw+%E0%AE%87%E0%AE%AF%E0%AE%B2%E0%AF%8D%E0%AE%B5%E0%AE%BE%E0%AE%95%E0%AF%884

மழைதரும் மண் சார்ந்த மரங்களும் - மழையை குறைக்கும் மண் சாரா மரங்களும் Xj4t6c1YSBeANsqDFeCw+%E0%AE%87%E0%AE%AF%E0%AE%B2%E0%AF%8D%E0%AE%B5%E0%AE%BE%E0%AE%95%E0%AF%884

பெருங்கொன்றை , காட்டுவாகை என்றெல்லாம் அறியப்படும் ! மரப்பட்டை பல் துலக்கும் பொடி தயாரிக்கவும் , கண்ணோய்க்காகத் தடவும் மருந்து தயாரிக்கவும், தசைப் பிடிப்பைக் குணமாக்கும் மருந்து தயாரிக்கவும் பயனாகிறது; குடல் நோய்களுக்கான மருந்து தயாரிக்கவும் இம் மரப்பட்டை பயன்படுத்தப்படுகிறது ;சாலை ஓரங்களில் அழகுக்காகவும் நிழலுக்காகவும் மிகுதியாக வளர்க்கப்படுகிறது; தோல் பதப்படுத்துவதிலும் இதன் மரப்பட்டை பயனாகிறது

by Preethika Chandrakumar Sat May 30, 2015 5:13 pm

சரவணன் wrote:
Preethika Chandrakumar wrote:
நன்றி பரீஸ்!

மேற்கோள் செய்த பதிவு: 1139826
அது என்ன "பரீஸ்"?

by சரவணன் Sat May 30, 2015 5:15 pm

மழைதரும் மண் சார்ந்த மரங்களும் - மழையை குறைக்கும் மண் சாரா மரங்களும் Z

வாகை:- (தூங்கு மூஞ்சி மரம்) மாலை நேரங்களில் இந்த மரத்தின் இலைகள் மூடி (தூங்குவது போல) இருக்கும். அதனாலேயே இந்த மரத்திற்கு தூங்கு மூஞ்சி மரம் என்று பெயர். கிராமங்களி சாலை ஓரங்களிலும், வயல் வெளிகளிலும் இந்த மரம் தானாகவே வளரும். கால்நடைகள் இதனை சீண்டுவதில்லை எனவே இந்த மரம் எளிதில், எந்த தொந்தரவும் இன்றி வளர்ந்துவிடும்.

பண்டைய காலத்தில் போரில் வெற்றி பெற்ற வீரர்களுக்கு வாகை மலர் சூட்டுவது வழக்கம் என்று சங்க இலக்கியங்களில் உள்ளதாக தெரிகிறது. "வாகை சூட வா" என்று சொல்வதுண்டு. சமீபத்தில் இந்த பெயரில் திரைப்படம் வந்ததும் அனைவருக்கும் தெரிந்ததே!

by சரவணன் Sat May 30, 2015 5:15 pm

Preethika Chandrakumar wrote:
சரவணன் wrote:
Preethika Chandrakumar wrote:
நன்றி பரீஸ்!
மேற்கோள் செய்த பதிவு: 1139826
அது என்ன "பரீஸ்"?

நாங்க பெயர் எல்லாம் முழுசா கூப்பிடுவது இல்லை சார் தான்...நேரம் அவ்ளோ குறைவு எங்களிடம்..... புன்னகை

by Preethika Chandrakumar Sat May 30, 2015 5:27 pm

நாங்க மட்டும் என்ன வெட்டியாவா இருக்கோம்?
எங்க கிட்டயும் நேரம் ரொம்ப ரொம்ப குரைவுதான் அண்ணா!

by சரவணன் Sat May 30, 2015 5:41 pm

மேலும் மழை தரும் மரங்களில் காட்டுத்தீ, மஞ்சள் கொன்றை, நீர்மருது, சொர்க்கம், போன்ற மரங்களும் உள்ளன.
இவற்றை பற்றி தனி தனியே நேரம் கிடைக்கும் பொழுது பதிகிறேன்.....!

படம்: நீர்மருது மரம்:
மழைதரும் மண் சார்ந்த மரங்களும் - மழையை குறைக்கும் மண் சாரா மரங்களும் Large_41023

மழைதரும் மண் சார்ந்த மரங்களும் - மழையை குறைக்கும் மண் சாரா மரங்களும் Large_41023

நீர்மருது பற்றிய தினமலர் செய்தி:

நாகர்கோவில் : நாகர்கோவில் அருகே, 500 ஆண்டுகளாக உள்ள நீர்மருது மரத்துக்கு, தொல்காப்பியர் என்று கலெக்டர் பெயர் சூட்டினார்.

நாகர்கோவில் அருகே ஈசாந்திமங்கலத்தில் 500 ஆண்டுகள் பழமை வாய்ந்த நீர்மருது மரம் உள்ளது. 151 அடி உயரமும், 85 அடி சுற்றளவு கொண்ட இந்த மரம் ஏராளமான மருத்துவத்தன்மை கொண்டது. இந்த மரத்தின் பட்டை இதயநோய், எலும்புருக்கி, ஆஸ்துமா, கல்லீரல் வீக்கம், நுரையீரல் புண், ரணம், சொறி போன்றவற்றுக்கு மருந்தாக பயன்படுகிறது. இதன் இலை பித்த வெடிப்பு, வயிற்றுவலி போன்றவற்றுக்கு மருந்தாகிறது. இந்த மரத்தால் செய்யப்படும் வீட்டு உபயோக பொருட்கள் உடலுக்கு சுகம் தருகிறது. இப்படி பல்வேறு மருத்துவ குணங்கள் கொண்ட, பழமை வாய்ந்த மரத்துக்கு தொல்காப்பியர் என்று பெயர் வைத்து கலெக்டர் ராஜேந்திர ரத்னு நாட்டுக்கு அர்ப்பணித்தார். இந்த மரத்தை பாதுகாப்பதற்கான நடவடிக்கைகளை வனத்துறை மேற்கொண்டுள்ளது.

இதுபற்றி மாவட்ட வனஅதிகாரி சுந்தரராஜூ கூறியதாவது: நீர்மருது மரம் காம்ப்ரிடேசியே தாவர குடும்பத்தை சேர்ந்தது. இந்த மரத்தின் தாவரவியல் பெயர் டெர்மினாலியாஅர்ஜூனா. கோவில்கள், அரண்மனைகள் போன்றவற்றை பொக்கிஷமாக பாதுகாப்பது போல பழமைவாய்ந்த மரங்களையும் பொக்கிஷமாக பாதுகாக்க வேண்டியது நமது கடமை. அந்த வகையில் இந்த நீர்மருது மரமும் பாதுகாக்கப்பட்டுள்ளது. இவ்வாறு சுந்தரராஜூ கூறினார்.