‘அம்மா திரையரங்கம்’ விரைவில் சென்னையில் திறக்கப்படும்!

by **சிவா** Mon 18 May 2015 - 16:59

ஜெயலலிதா முதல்வராக இருந்த போது அம்மா உணவகங்கள் திறக்கப்பட்டது. இதே போல் அம்மா குடிநீர் பாட்டில், அம்மா மருந்தகம், அம்மா சிமெண்ட், அம்மா உப்பு ஆகியவையும் மக்களுக்காக மலிவு விலையில் வழங்குப்படும் திட்டம் தொடங்கப்பட்டது.

இதற்கு மக்கள் மத்தியில் அமோக வரவேற்பு கிடைத்ததால் மேலும் பல திட்டங்கள் அம்மா பெயரில் துவங்க ஏற்பாடுகள் நடந்து வந்தது.

அந்த வரிசையில் சென்னையில் அம்மா திரையரங்குகள் கட்டப்படும் என்று மாநகராட்சி சார்பில் ஏற்கனவே அறிவிப்பு வெளியிடப்பட்டிருந்தது.

இதற்காக தியாகராயநகர் பேருந்து நிலையம் அருகே வணிக வளாகங்களுடன் கூடிய அம்மா திரையரங்குகள் கட்ட இடம் தேர்வு செய்யப்பட்டிருந்தது.

இதே போல் கோடம்பாக்கம், கோட்டூர்புரம், ராமாபுரம், புளியந்தோப்பு, வால்டாக்ஸ் ரோடு, பேசின் பிரிட்ஜ் ஆகிய இடங்களிலும் அம்மா திரையரங்குகள் கட்ட இடம் தேர்வு செய்யப்பட்டுள்ளது.

மேற்கண்ட 7 இடங்களில் கட்டப்பட உள்ள அம்மா திரையரங்குகளுக்கு அரசின் அனுமதி வேண்டி திட்டம் தயாரிக்கப்பட்டு அனுப்பி வைக்கப்பட்டுள்ளது. அனுமதி கிடைத்ததும் திரையரங்குகள் கட்டும் பணி உடனடியாக தொடங்கப்படும் என்று அதிகாரிகள் தெரிவித்தனர்.

குளீர்சாதன வசதியுடன் கட்டப்படும் அம்மா திரையரங்குகளில் அனுமதிச்சீட்டுக் கட்டணம் மற்ற திரையரங்குகளை விட 25 சதவீதம் குறைவாக இருக்கும் என எதிர்பார்க்கப்படுகிறது.

முதல்வராக மீண்டும் ஜெயலலிதா பதவி ஏற்க உள்ளதால் ‘அம்மா’ திரையரங்குகள் விரைவில் கட்டப்பட்டு விடும் என்று அதிகாரிகள் நம்பிக்கை தெரிவித்தனர்.

இதே போல் சென்னை மாநகராட்சி ரிப்பன் மாளிகை பின்புறம் தரைதளம் மற்றும் 6 தளங்கள் கொண்ட இணைப்பு கட்டிடம் கடந்த 2009-ஆம் ஆண்டு முதல் கட்டப்பட்டு வந்தது.

1 லட்சத்து 50 ஆயிரம் சதுரஅடி பரப்பளவில் சுமார் ரூ. 33 கோடி செலவில் கட்டப்பட்ட இந்த கட்டிடத்தில் ஒரு கலையரங்கம், கலந்தாய்வு கூடம் உள்ளிட்ட ஏராளமான அலுவலங்கள் உள்ளன. கட்டிட பணி முடிந்து தற்போது மேஜை, நாற்காலிகள் போடும் பணி நடந்து வருகிறது.

இந்த கட்டிடத்துக்கு கடந்த ஆகஸ்டு மாதம் ‘அம்மா’ மாளிகை என்று பெயர் சூட்டி விரைவில் திறக்கப்படும் என்று மாநகராட்சி அறிவித்தது. அம்மா மாளிகை திறப்பதற்கான நிர்வாக ஒப்புதலுக்கு கடிதமும் அனுப்பப்பட்டுள்ளது.

எனவே ஜெயலலிதா மீண்டும் முதல்வர் பதவி ஏற்ற ஓரிரு நாளில் அவரது கையால் அம்மா மாளிகை மற்றும் அம்மா திரையரங்குகள் திறக்கப்படும் என எதிர்பார்க்கப்படுகிறது.

by **T.N.Balasubramanian** Mon 18 May 2015 - 17:27

இதே போல் சென்னை மாநகராட்சி ரிப்பன் மாளிகை பின்புறம் தரைதளம் மற்றும் 6 தளங்கள் கொண்ட இணைப்பு கட்டிடம் கடந்த 2009-ஆம் ஆண்டு முதல் கட்டப்பட்டு வந்தது.

அம்மாடி , அம்மாடி ஆறு மாடியா ?

ரமணியன்

by **krishnaamma** Mon 18 May 2015 - 17:39

இப்போ இவங்க பேர் வெக்கக்கூடாது என்று சட்டம் இருக்கே, .......என்ன பண்ணுவாங்க பாவம் சோகம்

................ கண்ணடி

by **மாணிக்கம் நடேசன்** Mon 18 May 2015 - 17:45

அடுத்து அப்பா திரையறங்கம் எப்போ திறப்பாங்க?

by **T.N.Balasubramanian** Mon 18 May 2015 - 18:03

krishnaamma wrote:இப்போ இவங்க பேர் வெக்கக்கூடாது என்று சட்டம் இருக்கே, .......என்ன பண்ணுவாங்க பாவம் சோகம் ................ கண்ணடி

அப்பிடியா ???????????

ரமணியன்

by **krishnaamma** Mon 18 May 2015 - 18:06

T.N.Balasubramanian wrote:
krishnaamma wrote:இப்போ இவங்க பேர் வெக்கக்கூடாது என்று சட்டம் இருக்கே, .......என்ன பண்ணுவாங்க பாவம் சோகம் ................ கண்ணடி

அப்பிடியா ???????????

ரமணியன்

மேற்கோள் செய்த பதிவு: 1137186

"அரசு விளம்பரங்களில் அரசியல் தலைவர்கள் புகைப்படத்துக்கு தடை!".................என்று இருப்பதால் இதற்கும் பொருந்தும் என்று நினைத்து எழுதினேன் ஐயா புன்னகை

by **T.N.Balasubramanian** Mon 18 May 2015 - 18:23

krishnaamma wrote:
T.N.Balasubramanian wrote:
krishnaamma wrote:இப்போ இவங்க பேர் வெக்கக்கூடாது என்று சட்டம் இருக்கே, .......என்ன பண்ணுவாங்க பாவம் சோகம் ................ கண்ணடி

அப்பிடியா ???????????

ரமணியன்
மேற்கோள் செய்த பதிவு: 1137186

"அரசு விளம்பரங்களில் அரசியல் தலைவர்கள் புகைப்படத்துக்கு தடை!".................என்று இருப்பதால் இதற்கும் பொருந்தும் என்று நினைத்து எழுதினேன் ஐயா

மேற்கோள் செய்த பதிவு: 1137187

மத்திய அரசு கொண்டு வந்துள்ள சட்டத்தில் , அரசு விளம்பரங்களில் ஜனாதிபதி , பிரதமர் ,
உச்ச நீதி மன்ற தலைமை நீதிபதி , மூவரின் படம்தான் இடம் பெறவேண்டும் , என்று உள்ளது .
அதற்கு எதிர்ப்பு உள்ளது பல்வேறு இடங்களில் இருந்து .
மாநில அரசில், இது மத்திய அரசின் தலையீடு என்று கூறி , மாநில அரசு விளம்பரங்களுக்கு
இது கட்டுபடுத்தாது என்று கூறுகின்றனர் . தெளிந்த முடிவு வரவில்லை என நினைக்கிறேன் .

விளம்பரங்களில் படம் போடுவது வேறு ,
பெயர் சூட்டுவது என்பது வேறு .

காமராஜர் ஆட்சி செய்த போது , உயிருடன் இருக்கும் தலைவர்களுக்கு ,சிலை எழுப்பக் கூடாது
மாளிகைகளுக்கு அவர்கள் பெயர் வைக்ககூடாது என்று கூறி இருந்து ,கடைப் பிடித்தார் .

அது ஒரு பொற்காலம் !

ரமணியன்

by **krishnaamma** Mon 18 May 2015 - 18:26

ம்ம்....

........உங்கள் உடல் நலம் தேவலாமா ஐயா? புன்னகை

by **T.N.Balasubramanian** Mon 18 May 2015 - 18:45

krishnaamma wrote:ம்ம்............உங்கள் உடல் நலம் தேவலாமா ஐயா?

மேற்கோள் செய்த பதிவு: 1137190

நன்றி ,க்ரிஷ்ணாம்மா !
வீட்டை விட்டு வெளியே போனால்தான் தும்மல் வருகிறது.
வீட்டிற்குள் இருந்தால் கண்கள் சிவக்கின்றன .
இருந்தாலும் சில கடமைகள் தவிர்கமுடியாதவை அல்லவா !
ரமணியன்

by **krishnaamma** Mon 18 May 2015 - 18:50

T.N.Balasubramanian wrote:
krishnaamma wrote:ம்ம்............உங்கள் உடல் நலம் தேவலாமா ஐயா?
மேற்கோள் செய்த பதிவு: 1137190

நன்றி ,க்ரிஷ்ணாம்மா !
வீட்டை விட்டு வெளியே போனால்தான் தும்மல் வருகிறது.
வீட்டிற்குள் இருந்தால் கண்கள் சிவக்கின்றன .
இருந்தாலும் சில கடமைகள் தவிர்கமுடியாதவை அல்லவா !
ரமணியன்

மேற்கோள் செய்த பதிவு: 1137195

பேசாமல் டாக்டரை பார்த்துடுங்கோ, விளையாட்டு போல உங்கள் கைவைத்தியம் ஆரம்பித்து 4 - 5 நாளாகிவிட்டது சோகம்

..............டேக் கேர் !