ராஜபக்சேவின் இரத்தக்கறை கழுவ கோயில் கோயிலாய் சுற்றும்

http://www.meenagam.org/?p=15755
ராஜபக்சேவின் இரத்தக்கறை கழுவ கோயில் கோயிலாய் சுற்றும் திருக்குமரன் நடேசனுக்கு இராமேஸ்வரம், மதுரையில் கடும் எதிர்ப்பு தமிழீழ ஆதரவாளர்கள் கைது
எழுதியவர்ஏதிலி on November 9, 2009
பிரிவு: காணொளி, செய்திகள்

Nirupama-Rajapaksha[காணொளி] ராஜபக்சேவின் இரத்தக்கறை கழுவ கோயில் கோயிலாய் சுற்றும் திருக்குமரன் நடேசனுக்கு மதுரையிலும் கடும் எதிர்ப்பு தெரிவித்த தமிழீழ ஆதரவாளர்கள் கைது.

இராமேஸ்வரத்தில்…

லட்சக்கணக்கான தமிழர்களை கொன்றழித்த ராசபக்சேவின் உறவினர் திருக்குமரன் நடேசன் ராஜபக்சேவின் இரத்தக்கறையை கழுவ இரமேஸ்வரம் இராமநாத சுவாமி கோயிலிக்கு வந்த செய்தி கேட்ட சீமானின் நாம் தமிழர் இயக்கத்தமிழர்கள் திரளாக திரண்டு கடும் எதிர்ப்பு தெரிவித்தனர். ராஜபக்சேவின் கைக்கூலியே வெளியேறு என்ற கோஷத்துடன் திரண்ட நாம் தமிழர் இயக்கத்தமிழர்கள் டோம்னிக் ரவி, மயில்சாமி ஜேரோன் குமார், நம்பு குமார், ஜேகன், விஜயன் உட்பட பலர் கைது செய்யப்பட்டனர்.

மீனவர்களான எமது சகோதரர்களையும் எமது இனத்தையும் கொன்றழிக்கும் வெறியன் ராஜபக்சேவின் நிழலைக்கூட தமிழகத்தில் அனுமதிக்க மாட்டோம் என்றும் தமிழின விரோதிகளுக்கு எதிரான எமது போராட்டம் கடுமையாக தொடரும் என்றும் காவல் நிலையத்தில் அவர்களை சந்தித்த எமது செய்தியாளரிடம் தெரிவித்தனர்.

மதுரையில்….

லட்சக்கணக்கான தமிழர்களை கொன்றழித்த ராசபக்சேவின் உறவினர் திருக்குமரன் நடேசன் ராஜபக்சேவின் இரத்தக்கறையை கழுவ இரமேஸ்வரம் இராமநாத சுவாமி கோயிலிக்கு வந்த செய்தி கேட்ட சீமானின் நாம் தமிழர் இயக்கத்தமிழர்கள் திரளாக திரண்டு கடும் எதிர்ப்பு தெரிவித்து கைதானதை அடுத்து திருக்குமரன் நடேசன் அவசர அவசரமாய் மதுரைக்கு கிளம்பினார். இந்த செய்தி அறிந்த மதுரை நாம் தமிழர் இயக்கத் தமிழர்கள் மாநில ஒருங்கிணைப்பாளர் பொறியாளர் வெற்றிக்குமரன், செந்தில் பாண்டியன், அரங்க குமார், இளவரசன்,

பாலாஜி, வேல் முருகன், ஜெயராஜ், சிலம்பு ராஜா உட்பட பலர் திரளாக திரண்டு.

தமிழின துரோகி ராஜபக்சேவின் கைக்கூலியே தமிழகத்தை விட்டு வெளியேறு,

தமிழனை கருவறுத்த தமிழச்சியை அசிங்கப்படுத்திய சிங்கள அடிவருடியே வெளியேறு,

தமிழக அரசே இந்திய அரசே அனுமதியாதே அனுமதியாதே தமிழின விரோதிகளை அனுமதியாதே என்ற கோஷத்துடன் கடும் எதிர்ப்பை தெரிவித்ததை தொடர்ந்து மதுரையில் காவல் துறையினரால் கைது செய்யப்பட்டு சிறையில் அடைக்கபட்டனர்.

”லட்சக்கணககான தமிழர்களை கொன்றிழத்து எமது இனத்தை முட்கம்பி வேலிக்குள் முடக்கிய கயவர்கள் எமது மண்ணில் சுதந்திரமாய் நடமாடுவது இனி சாத்தியமே இல்லை. எமது இன விரோதிகளுக்கு எதிரான போராட்டம் அண்ணன் சீமான் தலைமையில் கடுமையாக களமாட நாம் இயக்கத் தமிழ்ர்கள் எப்போதும் தயாராக இருப்போம்” என எமது செய்தியாளர்களிடம் கைதான தமிழர்கள் உணர்ச்சி பொங்க தெரிவித்தனர்.

செய்தி: நாம் தமிழர்.ஆர்க்

நன்றி: வீடியோ மதுரை கண்ணன் & பாமினி
(Visited 124 times, 124 visits today)