மெட்ரோ ரயிலில் பயணித்த மோடி: ஸ்ரீதரனுக்கு பாராட்டு

-
–

புதுடில்லி:
டில்லியில் துவாரகா பகுதியில், நேற்று நடைபெற்ற
நிகழ்ச்சி ஒன்றில் பங்கேற்கச் சென்ற, பிரதமர்
நரேந்திர மோடி, முதன் முறையாக டில்லி மெட்ரோ
ரயிலில் பயணித்தார்.

தவுலாகான் ரயில் நிலையத்தில் இருந்து துவாரகா
வரை சென்றார்.டில்லியில் துவாரகா பகுதியில்,
தேசிய புலனாய்வு நிறுவனத்தின் பயிற்சி மையம்
உள்ளது. இங்கு நடைபெற்ற நிகழ்ச்சி ஒன்றில் பங்கேற்க,
நேற்று பிரதமர், காரில் செல்லாமல், மெட்ரோ ரயிலில்
பயணித்தார்.
–
மகிழ்ச்சிகரமான பயணம்:
–
பிரதமர் காரில் சென்றால், பாதுகாப்பு ஏற்பாடுகள்
காரணமாக, போக்குவரத்து நிறுத்தப்பட்டு,
பொதுமக்களுக்கு சிரமம் ஏற்படும் என்று, அவர்
மெட்ரோ ரயிலில் பயணித்ததாக, அவருக்கு
நெருக்கமான வட்டாரங்கள் தெரிவித்தன.
–
மோடியுடன், தேசிய பாதுகாப்பு ஆலோசகர்
அஜித் தோவலும் பயணித்தார். மெட்ரோ ரயில்
பயணத்தை மிகவும் ரசித்த மோடி, சமூக வலை
தளத்தில் உள்ள தன் வலைப்பக்கத்தில் கூறி
உள்ளதாவது:
–
டில்லி மெட்ரோ ரயில் கழகத்தின் முன்னாள்
தலைவர் ஸ்ரீதரன், என்னி டம் பேசும் போதெல்லாம்,
‘மெட்ரோ ரயிலில் பயணித்துப் பாருங்கள்’ என,
கூறுவார். அவர் சொல்லியபடி, மெட்ரோ ரயிலில்
பயணிக்கும் வாய்ப்பு இன்று தான் கிடைத்தது,
–
துவாரகாவுக்கு மெட்ரோ ரயிலில் பயணித்தேன்.
அந்தப் பயணம் உண்மையிலேயே மகிழ்ச்சிகரமான
பயணமாக அமைந்தது. மெட்ரோ ரயிலுக்கும்,
ஸ்ரீதரனுக்கும் நன்றி. இவ்வாறு, மோடி தெரிவித்துள்ளார்.
–
இதற்கிடையில், டில்லியில் நிகழ்ச்சி ஒன்றில்
பங்கேற்ற, மத்திய சுற்றுச் சூழல் துறை இணை
அமைச்சர் பிரகாஷ் ஜாவடேகர் கூறியதாவது:
டில்லியில் காற்று மாசு அதிக அளவில் இருப்பதற்கு,
தனியார் வாகனங்கள் அதிக அளவில் பயன்பாட்டில்
உள்ளதே காரணம்.

டில்லி மெட்ரோ ரயிலில் பயணித்ததன் மூலம்,
பொதுமக்கள், பொது போக்குவரத்து வசதிகளை
பயன்படுத்த வேண்டும் என, பிரதமர் நரேந்திர மோடி
சூசகமாக தெரிவித்துள்ளார்.
–
பயன்படுத்த வேண்டும்:
–
பருவநிலை மாற்றம் குறித்து, உலக நாடுகள்
விவாதித்து வருகின்றன. அதனால், சுற்றுச்சூழலை
பாதுகாப்பதில், இந்திய முறையை பின்பற்ற வேண்டும்
என, பிரதமர் மோடி கூறி வருகிறார். அத்துடன்,
மெட்ரோ ரயில் போன்ற பொது போக்குவரத்து வசதிகளை
மக்கள் பயன்படுத்த வேண்டும் என்றும் விரும்புகிறார்.

சில நேரங்களில் சைக்கிள்களையும் பயன்படுத்த வேண்டும்
என, ஏற்கனவே கூறியுள்ளார் என்பது குறிப்பிடத்தக்கது.
இவ்வாறு, பிரகாஷ் ஜாவடேகர் தெரிவித்தார்
–
————————————–
வாரமலர்

அருமை!பதிவிற்கு நன்றி!