தமிழர் நாகரிகம்

வேர் : கிறிஸ்த்து பிறப்பதிற்கு முன்னாலிருந்து இன்றுவரை தொடர்ந்து வாழ்ந்து வரும் திராவிட நாகரிகம்.

மொழி : நவீன திராவிட மொழிக் குடும்பத்தின் தாயாகவும் இன்றும் இளமையுடன் விளங்கி தமிழரது திராவிட நாகரிகத்தை காத்து வரும் தமிழ்.

கருவான நிகழ்ச்சி : கி.மு. 1000 ல் எழுதப்பட்ட தமிழரது வாழ்வுக்கும் மொழிக்கும் ஒருங்கே இலக்கணம் வகுத்த தொல்காப்பியம் என்ற நூலின் தோற்றம்.

பண்பாடு : தமிழர் கண்ட அகம் புறம் என்ற வாழ்வியல் அணுகு முறைகள்.

நூல் : மானுடம் நோக்கி கி.மு. முதல் நூற்றாண்டில் இயற்றப்பட்ட தமிழ்ப் பொது மறை திருக்குறள்.

சமயம் : திருக்குறள் காட்டும் உள்ளிருக்கும் இறைமையை - உள்ளொளியை உணர அவரவர் தேர்ந்தெடுக்கும் அனைத்து வழிபாடுகளும் பாதைகளும்.

இசை : கி.பி. இரண்டாம் நூற்றாண்டில் சிலப்பதிகாரம் கூறும் தமிழ் மரபிசை இலக்கணங்கள்.

நடனம் : சிலப்பதிகாரம் நவிலும் நாட்டியம் (பரத) - கூத்து.

கலை : ஆல்பர்ட் ஐன்ஸ்டீன் கூறி வியந்தபடி இறைவனை உருவகப்படுத்தும் தமிழ்க் கலைஞனின் ஒப்பற்ற சிவ நடராச வடிவம்.

கோட்பாடு :
எல்லா ஊரும் எனது ஊரே, எல்லோரும் எனது நண்பர்களே எனக் கூறும் 'யாதும் ஊரே
யாவரும் கேளிர்' என்ற (இரண்டாயிரம் ஆண்டுகளுக்கு முன் கூறிய) தமிழ்க்
கவிஞனின் முழக்கம்.

தமிழினம் :
தமிழர் வரலாறு தொல் பழங்காலத்தில் மறைந்த லெமூரியா கண்டத்தில் தொடங்கி,
பின்னர் வடக்கு நோக்கி கபாடபுரத்தில் இடைச்சங்கத் தொல்காப்பியமாக
மலர்ந்தது (கி.மு.1000). மீண்டும் கடல் கொண்டதால் வடக்கு நோக்கி மதுரையை
வந்தடைந்தது (கி.மு.100). இன்று கிடைத்துள்ள பழந் தமிழ் இலக்கியங்கள்
பெரும்பாலும் இக்காலகட்டத்தில் எழுதப்பட்டவையே. இன்று தமிழர்கள்
பெருமளவில் தமிழ் நாட்டிலும் ஈழத்திலும், சிறு அளவில் மற்றெங்கும்
வாழ்கிறார்கள்.

மக்கள் : இன்று 7 கோடித் தமிழர்கள் 75க்கும் மேற்பட்ட நாடுகளில் வாழ்கிறார்கள்.

தமிழர் கடமை :
தமிழர் நாகரிகம் காட்டும் பண்பாட்டை, முதிர்ச்சியை, வாழ்வியல் உண்மைகளை
இனம் கண்டு கொண்டு வாழ்ந்து காட்ட வேண்டும். தமிழ்த் தனித்துவத்தை உணர
வேண்டும். தமிழ் நாகரிகத்தைக் கண்டு அறியுங்கள். உங்களுடையதாக்கிக்
கொள்ளுங்கள். அது உங்களுக்கு உன்னதத்தைக் கொடுத்து அதன் மூலம் பிறர்
உங்களை மதிக்க வைக்கும். உன்னதமான செயலாற்றல் எதுவாக இருந்தாலும், அது
மற்றவர்கள் கவனத்தை உங்கள்பால் செலுத்தி, அதன் மூலம் உங்களது தமிழ்
நாகரிகத்தை முன்னிறுத்தி பாராட்ட வைக்கும். வெற்றி அடைந்த பிறகு உங்களைத்
தமிழன் என உலகம் இனம் கண்டு பாராட்ட அனுமதிக்காதீர்கள். தமிழனாக முதலில்
இருங்கள். அது உங்களை வெற்றி அடையச் செய்யும். தமிழர் நாகரிக
அடித்தளத்திலிருந்து நீங்கள் இயங்கி உங்கள் செயல்கள் உரக்கப் பேசட்டும்.

நல்ல அருமையான தகவல் தண்டாயுதபாணி... நன்றி...

உங்கல பத்தி சொல்லுங்க.... நீங்க திருமணம் ஆனவரா? இல்லையா? படிக்கிரிங்கலா? வேலைக்கு போரிங்கலா?