முஸ்லிம்கள் வாக்குரிமையை ரத்து செய்ய வேண்டும்: சிவசேனா!

by **சிவா** Sun Apr 12, 2015 10:50 pm

மும்பை: வாக்கு வங்கி அரசியலுக்கு முற்றுப்புள்ளி வைக்க வேண்டுமானால் முஸ்லிம்களுக்கு வழங்கப்பட்டுள்ள வாக்குரிமையை ரத்து செய்ய வேண்டும் என சிவசேனா கட்சி தெரிவித்துள்ளது கடும் விமர்சனத்தை எழுப்பியுள்ளது.

சிவா சேனாவின் அதிகாரப்பூர்வ பத்திரிகையான `சாம்னா`வில் வெளியான ஒரு கட்டுரையில் சிவசேனா மூத்த தலைவர் சஞ்சய் ரவுத் இவ்வாறு கருத்து தெரிவித்துள்ளார்.

அண்மையில் மும்பையில் ஒரு பொதுக்கூட்டத்தில் பேசிய ஏ.ஐ.எம்.ஐ.எம் இயக்கத்தின் தலைவர் ஒவாய்ஸி, சிவ சேனா கட்சியை கடுமையாக விமர்சித்திருந்தார். மேலும், "தைரியம் இருந்தால் உத்தவ் தாக்கரே ஹைதராபாத்துக்கு வரட்டும்" என மிரட்டும் தொணியில் பேசியிருந்தார்.

இந்நிலையில் இதற்கு பதிலடி கொடுக்கும் வகையில், சஞ்சய ரவுத் எழுதியுள்ள கட்டுரையில், "சகோதரர் ஒவாய்ஸி அவர்களே. முஸ்லிம் வாக்குகள் விற்கப்படும் வரை அந்தச் சமூகம் பின் தங்கியே இருக்கும். ஆனால், அச்சமூகத்தின் தலைவர்கள் மட்டும் பணக்காரர்களாக இருப்பார்கள்.

நீங்கள், முஸ்லிம் வாக்கு வங்கியை வைத்து அரசியல் செய்வதால் உங்கள் சமூகத்துக்கு ஏதாவது நன்மை கிடைக்குமா? என்றால் அதற்கு என்னிடம் பதிலில்லை. ஆனால், வாக்கு வங்கி அரசியல் தேசத்துக்குக் கேடு விளைவிக்கும்.

எனவே, வாக்கு வங்கி அரசியலுக்கு முற்றுப்புள்ளி வைக்க வேண்டுமானால் முஸ்லிம்களுக்கு வழங்கப்பட்டுள்ள வாக்குரிமையை ரத்து செய்ய வேண்டும். இக்கருத்தை சிவசேனாவை உருவாக்கிய பால் தாக்கரேவும் ஆதரித்தார்" என குறிப்பிட்டுள்ளார்.

by **ayyasamy ram** Mon Apr 13, 2015 6:21 pm

நடைமுறைக்கு சாத்தியமில்லாத கருத்துகள்...

by **ராஜா** Mon Apr 13, 2015 6:53 pm

ayyasamy ram wrote:நடைமுறைக்கு சாத்தியமில்லாத கருத்துகள்...

இது அனைத்து அரசியல் வாதிகளுக்கும் தெரியும் புன்னகை

, என்ன பண்ணுவது அவர்களும் கடையை நடத்த வேண்டுமே

இப்படி அப்பப்ப எதாவது அறிக்கைவிட்டா தான் மக்களுக்கு இவர்கள் இருப்பது தெரியும் , இந்த விஷயத்தில் அனைத்து கட்சிகள் , சாதி , மத சங்கங்களும் ஒரே மாதிரி தான்

by Sponsored content

முஸ்லிம்கள் வாக்குரிமையை ரத்து செய்ய வேண்டும்: சிவசேனா!

முஸ்லிம்கள் வாக்குரிமையை ரத்து செய்ய வேண்டும்: சிவசேனா!

Re: முஸ்லிம்கள் வாக்குரிமையை ரத்து செய்ய வேண்டும்: சிவசேனா!

Re: முஸ்லிம்கள் வாக்குரிமையை ரத்து செய்ய வேண்டும்: சிவசேனா!

Re: முஸ்லிம்கள் வாக்குரிமையை ரத்து செய்ய வேண்டும்: சிவசேனா!