பிரிட்டனில் காந்தி சிலை திறப்பு ; ஜெட்லி- அமிதாப்- கேமரூன் பங்கேற்பு

-

-

-

லண்டன்:
இது வரை இல்லாத அளவிற்கு மகாத்மா காந்திக்கு
பிரிட்டன் நிர்வாகம் பெரும் கவுரவம் அளித்துள்ளது.
இந்திய சுதந்திரத்திற்கு போராடிய மகாத்மாவை
அக்காலத்தில் அதிகமாக விமர்சித்த பிரிட்டன்,
அந்நாட்டு பார்லி., அருகே இந்த சிலையை
நிறுவியுள்ளது.
-
2 நாள் பயணமாக மத்திய நிதி அமைச்சர் அருண்ஜெட்லி
பிரிட்டன் சென்றுள்ளார். இதில் முதல் நாள் நிகழ்ச்சியாக
காந்தி சிலை திறப்பு விழா நடந்தது.
-
விழாவில் பிரிட்டன் பிரதமர் டேவிட் கேமரூன், பாலிவுட் நடிகர்
அமிதாப், காந்தியின் பேரன் கோபால கிருஷ்ண காந்தி ஆகியோர்
கலந்து கொண்டனர்.
-
ஜெட்லி பெருமை :விழாவில் கலந்து கொண்டு பேசிய
மத்திய நிதியமைச்சர் அருண் ஜெட்லி, உலகின் பெரியதும்,
பழமையானதுமான ஜனநாயகத்தை இணைத்தவர் காந்தி.
அவரது சிலை திறப்பு விழாவில் கலந்து கொள்வது பெருமை
அளிக்கிறது என தெரிவித்துள்ளார்.
-
விழாவில் பேசிய பிரிட்டன் பிரதமர் டேவிட் கேமரூன்,
இந்த சிலை திறப்பு உலகின் பழமையான ஜனநாயகத்துடன்,
உலகின் பெரிய ஜனநாயக நாடு கொண்டாடும் விழா. வரலாற்றில்
உலக அரசியலில் பெரிய தூண்களாக திகழ்பவர்களில் காந்தியும்
ஒருவர். காந்தி உலக அரசியல் வரலாற்றில் மறக்க முடியாத நபர்.
என கூறினார்.
-
மனித நேயத்தின் மீதான நம்பிக்கை குறைய கூடாது.மனித நேயம்
என்பது ஒரு கடலை போன்றது. இந்த கடலில் சில துளி அழுக்குகள்
இருப்பதால் கடலே அழுக்காகி விட முடியாது என காந்தி கூறியதை
அதிபர் கேமரூன் நினைவு கூர்ந்தார்.
-
அரை நிர்வாண பக்கிரி; 9 அடி உயரமுள்ள காந்தியின்
வெண்கல சிலை, வின்ஸ்டன் சர்ச்சில் சிலை அருகே நிறுவப்பட்டுள்ளது.
பிரிட்டன் பிரதமராக இருந்த சர்ச்சில், காந்தியை பார்த்து அரை நிர்வாண
பக்கிரி என கேலி செய்தார். தற்போது அவரது சிலை அருகிலேயே
காந்திக்கும் சிலை அமைக்கப்பட்டுள்ளது.
-
---------------------------------------------
புகைப்படங்கள்: இணையம்- bbc.co.uk/
------------------------------------

எளியவர் 
இந்தப் படத்தை எவரும் வரையமுடியும் .
எவரும் இவர் வழி நடக்க முடியும் , என்பதற்கு எடுத்துக் காட்டு .
ரமணியன்