வலைதளங்களினால் ஏற்படும் நன்மைகள்: -

பல்வேறுபட்ட மனிதர்களின் நட்பு கிடைக்கிறது.
அதன் மூலம் அவர்களிடம் இருந்து பல நல்ல
விஷயங்களைத் தெரிந்து கொள்ளும் வாய்ப்பு
ஏற்படுகிறது.
–
—————————————–
–
யூ ட்யுப் மூலமாக நம்முடைய பதிவுகளைப் புகைப்
படங்களுடன் அப்லோட் செய்ய முடிகிறது.
–
———————————————-
–
சமையல் பற்றிய குறிப்புகளை யூ ட்யுப் மூலமாகப்
பார்க்கும் பொழுது ஸ்டெப் பை ஸ்டெப்பாக சொல்லித்
தருவதால் நாம் எதையும் செய்ய முடிகிறது.
உதாரணத்திற்குச் சொல்ல வேண்டும் என்றால் என்
பெண் இப்போது தான் திருமணமாகித் தனிக்குடித்தனம்
சென்றாள். சமையலில் சந்தேகம் ஏற்பட்டால் என்னிடம்
போன் செய்து கேட்பாள்.

தவிர ப்ளாக், யூ ட்யுப் போன்றவைகளில் பார்த்தும் சமையல்
செய்து இன்று நன்றாகவே சமைக்க ஆரம்பித்து விட்டாள்.
(6 மாதங்களுக்குள்).
–
—————————————————
–
சமையல் தான் என்றில்லை. கோலம், கைவேலைப்பாடு,
சங்கீதம், …………….இப்படிப் பல துறைகளிலும் நாம் நம்மை
மேம்படுத்திக் கொள்ள உதவுகிறது.
–
—————————————————–
–
உலகின் எந்த மூலையில் இருந்தாலும் அவர்களுடன் தொடர்பு
கொள்ள முடிகிறது . உதாரணத்திற்குச் சொல்ல வேண்டும்
என்றால் நமது ஃபேஸ் புக் சாட் தோழி மல்லிகா சண்முகம்
அவர்கள் வெளிநாட்டில் இருக்கிறார்கள். அவர்களுடன் தொடர்பு
கொண்டு உரையாட முடிகிறது.
–
———————————————————
–
நம்முடைய பள்ளிக்காலத்தில் நம்முடன் படித்தவர்களை
இனம் கண்டு நட்பு கொள்ள முடிகிறது.
–
——————————————————
–
இருந்த இடத்தில் இருந்து கொண்டே எல்லா இடங்களையும்
பார்க்க முடிகிறது. அங்கு உள்ளவர்களுடன் உரையாட முடிகிறது.
–
————————————————————
–
இன்று வேலை நிமித்தமாகப் பல ஆண்களும், பெண்களும்
பெற்றோரை விட்டுத் தனித்து இருக்க வேண்டிய சூழ்நிலை.
இந்நிலையில் அவர்களுக்குப் பொழுது போக்காக அமைகிறது
இந்த மாதிரியான சமூக வலைதளங்கள் தான்.
–
———————————————————-
–
ஜி மெயில் சாட் மூலமாக நமக்கு வேண்டிய நபர்களுடன்
உரையாடல் செய்ய முடிகிறது.

வெளிநாட்டில்/வெளியூரில் நம்முடைய பிள்ளையோ, பெண்ணோ
இருந்தால் ஸ்கைப் மூலமாகப் பேச முடிகிறது. (அதுவும் அவர்களைப்
பார்த்து). போன வாரம் என் பெண்ணும் மாப்பிள்ளையும் வண்டியில்
அலுவலகம் செல்லும் போது ஆட்டோ ஒன்றின் மீது மோதி
சிறு விபத்து ஏற்பட்டு விட்டது. அவள் என்னிடம் போன் பேசும் போது
“எங்களுக்கு ஒன்றும் ஜாஸ்தி அடிபடவில்லை; சிறு சிராய்ப்பு தான்,
பயப்பட வேண்டாம்” என்றாள்.

நான் உடனே கிளம்பி வரவா என்றால் வேண்டாம் என்று சொல்லி
விட்டாள். உடனே ஸ்கைப்பில் வரச் சொல்லிப் பார்த்துப் பேசியவுடன்
எனக்குக் கொஞ்சம் ஆறுதலாக இருந்தது.
–
———————————————————–

படித்ததில் பிடித்தது