சினிமா நியூஸ் !!!!

சிவகார்த்திகேயன் – விஜய் சேதுபதி இருவரும் தற்போது நடித்துவரும் ‘ரஜினிமுருகன்’, ‘நானும் ரவுடிதான்’ படங்களில் ராஜ்கிரணும் நடித்துவருகிறாராம். ராஜ்கிரணிடம் இருவரும் ‘அவர் எப்படி நடிக்கிறார்’ என ஒருவரை ஒருவர் நலம் விசாரித்துக்கொள்கிறார்களாம்.

ரஜினி-கமல், அஜித்-விஜய் போலவே இவர்கள் இருவரும் பெருந்தன்மையோடு நடந்துகொள்வது பற்றிப் பெருமையாகப் பேசுகிறாராம் ராஜ்கிரண். அப்போ போட்டி இல்லைங்கிறீங்க..?

‘ராம் கோபால் வர்மாதான் என் குரு, எனக்கு வாழ்க்கை கொடுத்தவர்’ என கடந்த ஆண்டு புகழ்ந்து தள்ளியவர் அனைகா சோடி. ஆனால் தற்போது ராம் கோபால் வர்மா இயக்கத்தில் நடித்துவரும் அனைகா, மிகவும் கொதிப்பில் இருக்கிறார். ‘படப்பிடிப்பில் தன்னை வேண்டுமென்றே வெயிலிலும், குளிரிலும் வதைக்கிறார், இதனால் தனது உடல் மிகவும் பாதிக்கப்பட்டுள்ளது’ என்று கடுமையாக சாடியுள்ளார். இந்த அனைகா வேற யாருமில்லைங்கோ, ‘காவியத் தலைவன்’ படத்தில் வரும் ஜமீன் பொண்ணுதாங்க!

‘பெங்களூர் டேஸ்’ படத்தின் தமிழ், தெலுங்கு ரீமேக்கில் இருந்து சித்தார்த், சமந்தா ஜோடி விலகியதால் வேறு ஜோடியைப் பிடிக்க நடந்த முயற்சியில் சிக்கியிருப்பவர்கள் ராணாவும், திவ்யாவும். இவர்கள் நடிக்கப் போவது ஃபஹத் பாசில் – நஸ்ரியா நடித்த திருமண ஜோடியாக. அப்போ...?


மலையாளத்தில் ஓரளவுக்குப் பெயர் பெற்ற நடிகையாக இருந்தாலும், தமிழில் அறிமுகமான ‘தில்லு முல்லு’ இஷா தல்வாருக்கு சறுக்கல்தான். தமிழில் ஜெயிக்க நிறைய கதைகளைக் கேட்ட இஷா, கடைசியில் மலையாளத்தில் பெயர் வாங்கிக் கொடுத்த தனது முதல் படமான ‘தட்டத்தின் மறையத்து’வின் தமிழ் ரீமேக்கில் நடிக்க ஆசைப்பட்டு, நடித்துக்கொண்டிருக்கிறார். இந்தப் படம் தமிழில் நிலையான இடத்தைப் பெற்றுத்தரும் என தனக்கு நெருக்கமானவர்களிடம் கூறிவருகிறாராம். பார்க்கத்தானே போறோம்!

‘விஸ்வரூபம்’, ‘விஸ்வரூபம் 2’, ‘உத்தமவில்லன்’ என 3 படங்களில் நடித்த பூஜாகுமாருக்கு கமலுடன் ஏற்பட்ட கெமிஸ்ட்ரியைவிட ஆண்ட்ரியாவுடன்தான் நல்ல கெமிஸ்ட்ரியாம். விளைவு பூஜாவும், ஆண்ட்ரியாவும் இப்போது நல்ல தோழிகள். பூஜாவுக்கு தமிழ் ஆசான் ஆண்ட்ரியா. சென்னை வந்தால் தவறாமல் ஆண்ட்ரியாவை சந்தித்துவிட்டுத்தான் போகிறாராம் பூஜா குமார். நடிகைகள் நட்பா இருக்கிறதே நியூஸ்தானே!

‘எனக்குள் ஒருவன்’ படத்துக்குப் பிறகு தமிழில் தன் முழு கவனத்தையும் செலுத்த இருக்கிறாரம் சித்தார்த். அடுத்து நடிக்கும் படத்துக்கு வடிவேலுவின் மிக பிரபலமான வசனமான ‘ஜில் ஜங்க் ஜக்’ என வித்தியாசமாகத் தலைப்பிட்டுள்ளனராம். முழுக்க காமெடி படமாகத் தயாராகிறதாம். புதுமுக இயக்குநர் ஒருவர் இயக்குவார் என தெரிகிறது. ‘வட போச்சே’னு ஆகாம இருக்கணும்!



‘இசை’ படத்தில் கவர்ச்சியினைக் காட்டோ காட்டென்று காட்டி அனைவரையும் கவர்ந்த சாவித்திரிக்கு நிறைய பட வாய்ப்புக்கள் வருகின்றனவாம். ஆனால் சாவித்திரி தன் குருநாதர் எஸ்.ஜே.சூர்யாவின் அறிவுரைப்படி மிகவும் யோசித்து முடிவெடுக்கத் திட்டமிட்டுள்ளாராம். அனேகமாக எஸ்.ஜே. சூர்யாவின் ‘ஏழுமலை சித்ரா’வில் இவர்தான் ‘சித்ரா’ என கிசுகிசுக்கிறது கோலிவுட் வட்டாரம். தெளிவுதான் உன்னை உயர்த்தும் குமாரு!

சமீபகாலமாக நடிகைகளுக்குப் பெரிய தலைவலியாக இருப்பது இணையத்தில் அவர்களின் அந்தரங்க வீடியோக்கள் லீக் ஆவதுதான். இவைகள் பெரும்பாலும் ஹோட்டல் அறைகளில் இருந்து எடுக்கப்பட்டவை என்பதால், எல்லா நாயகிகளும் ஹோட்டலில் தங்குவதற்கு அஞ்சுகிறார்களாம். தயாரிப்பாளர்களிடம் தங்குவதற்கு வீடு ஏற்பாடு செய்து கொடுக்கச் சொல்லிக் கேட்கிறார்களாம். செஞ்சு கொடுங்க புரொடியூஸர்ஸ்!

‘புலி’ படத்தின் ஒரு ஸ்டில்கூட வெளியாகவில்லை, ஆனாலும் படத்தின் கதை பற்றி நமது இணையதள வாசிகள் பக்கம் பக்கமாக எழுதிவருகிறார்கள். அதில் விஜய் கார்ட்டூனிஸ்ட், மாவீரன் மற்றும் குள்ளனாக மூன்று ரோலில் வருகிறாராம். கார்ட்டூனிஸ்ட் வரையும் ஓவியங்களில் இருந்து உயிர் பெற்று டைம் ட்ராவலில் வரும் கதாபாத்திரங்கள்தான் மற்ற இரண்டு பேரும். குள்ளன் ரோல்தான் படத்தின் ஹைலைட்டாம். இப்படிப் போகுது இணையத்தில் வெளியான கதை. விட்டா இவிங்களே டைரக்டர் ஆகிடுவாங்க போல!

அஜித் இரட்டை வேடங்களில் நடித்தாலே ஹிட்தான் என்ற சென்டிமென்ட் கோடம்பாக்கத்தில் உண்டு. ‘சிறுத்தை’ சிவா இயக்கத்தில் அஜித் நடிக்கவிருக்கும் படத்திலும் அஜித்துக்கு இரட்டை வேடங்களாம். ஒரு அஜித்துக்கு ஜோடி ஸ்ருதிஹாசன். இன்னொரு அஜித்துக்கு ஜோடி கிடையாதாம். ஒரு வேளை வில்லனாக இருப்பாரோ?

தனுஷ் இசையமைப்பாளர் அனிருத்தை ஹீரோவாக்கப் போகிறார். ஹீரோவாக நடிக்கவந்த வாய்ப்புகளை எல்லாம் முதலில் உதறித் தள்ளிய அனிருத்துக்கு தற்போது விருப்பம் வர ஹீரோ ஆசையை தனுஷிடம் வெளிப்படுத்த, அவருக்காகக் கதை கேட்க ஆரம்பித்துவிட்டாராம் தனுஷ். ஹீரோ தயாரிப்பு ஃபேக்டரி வெச்சிருக்காரா தனுஷ்?

செல்வராகவன் இயக்கத்தில், தனுஷ் தயாரிக்கும் படத்தில் நடிப்பது, நிக் ஆர்ட்ஸ் சக்ரவர்த்தியிடம் ‘வாலு’ படத்தின் சம்பளம் இப்போதைக்கு வேண்டாம் என நிராகரித்தது, ‘நெடுஞ்சாலை’ ஹீரோ ஆரி, என்னைப் போன்ற வளரும் நடிகர்களுக்கு மறைமுகமாக சிம்பு எவ்வளவோ நன்மைகள் செய்துவருகிறார் என சொன்னது என்று கோடம்பாக்கத்தில் சிம்புவுக்கு நல்லவன் இமேஜ் ஏற்பட்டுள்ளது. அப்போ கெட்டவன்?

நன்றி-டைம் பாஸ்