திருப்பதி லட்டு

by **T.N.Balasubramanian** Sat Jan 31, 2015 1:06 pm

திருப்பதி லட்டு

திருப்பதியில் வரும் திங்கள்கிழமை (பிப்ரவரி 2) முதல், பக்தர்களுக்கு 4 கூடுதல் லட்டு பிரசாதம் வழங்க தேவஸ்தானம் முடிவு செய்துள்ளது.

திருப்பதி ஏழுமலையான் கோயிலில், சர்வ தரிசனம் செய்யும் பக்தர்களுக்கு ஒரு லட்டு ரூ. 10 விலையில் 2 லட்டுகள் வழங்கப் படுகின்றன. திவ்ய தரிசனம் எனப்படும் நடைபாதை பக்தர்களுக்கு ரூ. 10 விலையில் 2 லட்டுகளும், 1 இலவச லட்டும் வழங்கப்படுகிறது. ரூ. 50 சுதர் சன டிக்கெட் பக்தர்களுக்கு தலா 2 லட்டுகள் இலவசமாக வழங்கப்படுகின்றன. மேலும் அனைத்து ஆர்ஜித சேவைகளில் பங்கேற்கும் பக்தர்களுக்கு ஒரு டிக்கெட்டுக்கு 2 லட்டுகள் இலவசமாக வழங்கப்படுகின்றன.

கூடுதல் லட்டு தேவைப்படும் பக்தர்களுக்கு ஒரு லட்டு ரூ. 25 விலையில் 4 லட்டுகள் வழங்கப்பட்டு வந்தது. ஆனால் இது சமீப காலமாக 2 ஆக குறைக்கப்பட்டது. இதற்கு பக்தர்களிடையே கடும் எதிர்ப்பு கிளம்பியது.

இந்நிலையில் நேற்று லட்டு கவுன்டர்களில் பக்தர்கள் பலர் தங்களுக்கு வழக்கம்போல் ரூ. 25 விலையில் 4 கூடுதல் லட்டுகள் வழங்க வேண்டும் என வாக்குவாதத்தில் ஈடுபட்டனர்.

இதை அறிந்த திருமலை-திருப்பதி தேவஸ்தான தலைமை நிர்வாக அதிகாரி சாம்பசிவ ராவ், வரும் திங்கள்கிழமை முதல், தலா 4 கூடுதல் லட்டு பிரசாதம் வழங்கப்படும் என அறிவித்தார்.

நன்றி தி ஹிந்து

ரமணியன்

by யினியவன் Sat Jan 31, 2015 1:16 pm

லட்டு தயாரிப்பவரின் மகள் கல்யாணம் இப்ப தான் நடந்தது - பாவம் செலவு ஜாஸ்த்தியா ஆயிருக்கும் - தேவஸ்தானம் அவருக்கு உதவுவதற்காக ஆர்டரை அதிகப்படுத்தி இருக்குமோ?

by **krishnaamma** Sat Jan 31, 2015 1:22 pm

யினியவன் wrote:லட்டு தயாரிப்பவரின் மகள் கல்யாணம் இப்ப தான் நடந்தது - பாவம் செலவு ஜாஸ்த்தியா ஆயிருக்கும் - தேவஸ்தானம் அவருக்கு உதவுவதற்காக ஆர்டரை அதிகப்படுத்தி இருக்குமோ?

மேற்கோள் செய்த பதிவு: 1118041

இருக்கும் ..இருக்கும்.......அந்த லட்டில் கொஞ்சம் இங்கும் அனுப்பி வையுங்கப்பா புன்னகை

by **M.Saranya** Sat Jan 31, 2015 2:59 pm

திருப்பதி லட்டு ருசி எங்குமே வருவதில்லை .....
அது ஏனென்றே தெரியவில்லை....

எனக்கும் கொஞ்சம் தந்தால் நன்றாக இருக்கும் அம்மா .....
பெருமாளையும் கும்பிட்டு விட்டு பிரசாதத்தையும் உண்டால் அந்த அமிர்தமே உண்ட களிப்பு தான் எனக்கு ஏற்படும்...

by **Dr.S.Soundarapandian** Sat Jan 31, 2015 4:57 pm

எம். சரண்யா கூறுவது நூற்றுக்கு நூறு உண்மை !

இலட்டு - இதுதான் ஆழ்வார் பாடல்களில் வந்துள்ளது !

by **T.N.Balasubramanian** Sat Jan 31, 2015 6:44 pm

Dr.S.Soundarapandian wrote:எம். சரண்யா கூறுவது நூற்றுக்கு நூறு உண்மை !

இலட்டு - இதுதான் ஆழ்வார் பாடல்களில் வந்துள்ளது !

மேற்கோள் செய்த பதிவு: 1118071

இலட்டு ஒன்று இந்தப்பக்கம் ப்ளீஸ்!

( "ல ",'ர' இலக்கண ரீதியாக முதலாம் எழுத்தாக வரக்கூடாது என்றும் "இல " என்றே ஆரம்பிக்கவேண்டும் என்பர் , என்று என் சிற்றறிவு கூறுகிறது. சரியா ? இலக்குமணன் , இராகவன் என்று கூறுவார் உண்டு ,
லட்டோ /இலட்டோ என்னை மறவாதீர் !)

ரமணியன்

by சிவனாசான் Sat Jan 31, 2015 8:09 pm

போராடு வோம் வெற்றி பெறுவோம்...வெற்றி நமதே ..என்ற சங்கங்களின்அரைகூவல் ...வெற்றி தந்தது.....ஏழுமலையானுக்கு சிரம் தாழ்ந்த நன்றி செலுத்துவோம்.

by murugesan Sat Jan 31, 2015 8:13 pm

இலட்டு அப்படினா இ மெயிலில் அனுப்பப்படும் லட்டு... அதனால ரமணியன் அய்யா இலட்டு ஒன்று இந்தப்பக்கம் ப்ளீஸ்! என்று கேட்டதுக்கு இதோ வருகிறது மெயிலில்.. உண்டு மகிழுங்கள்...