முதியோர் இல்லத்தில் நடந்த காதல் திருமணம்

by **ayyasamy ram** Mon Dec 01, 2014 5:36 am

--

முதியோர் இல்லத்தில் நடந்த காதல் திருமணம் ISa7TtWhQI6uOI5CcOTZ+WR_20141201014558

-
திருச்சி :
வாழ்வின் கடைசி காலத்தில், நிம்மதியான வாழ்க்கை
அமைய வேண்டும் என்றால், திருமண பந்தம் அவசியம்
என்பதை உணர்த்தும் வகையில், திருச்சியில்,
81 வயது முதியவர் ஒருவர், 60 வயது மூதாட்டியை திருமணம்
செய்தார்.
-
திருச்சி மாவட்ட சமூக நலத்துறை சார்பில், உலக முதியோர்
தின விழா, கன்டோன்மென்ட் ஒய்.டபுள்யூ.சி.ஏ., அரங்கத்தில்,
மாவட்ட கலெக்டர் ஜெயஸ்ரீ தலைமையில் நடந்தது.
-
பார்வையற்றவர்:
-
மாவட்டத்தின் பல்வேறு பகுதிகளில் உள்ள ஆதரவற்ற
முதியோர் இல்லங்களில் உள்ளவர்கள் கலந்து கொண்டனர்.
நிகழ்ச்சியில், மிக சந்தோஷமாக காணப்பட்ட ஒரு தம்பதியர்,
கலெக்டர் உட்பட விழாவுக்கு வந்த அனைவரின் கவனத்தையும்
ஈர்த்தனர்.முதியவர் கண் பார்வையற்றவர்; மூதாட்டிக்கு நடக்க
முடியாத நிலை.

இருப்பினும், விழா நிகழ்ச்சிகளில், மிக மகிழ்ச்சியாக பங்கெடுத்துக்
கொண்டனர். தள்ளாத வயதில் இணை பிரியாத, அந்த ஜோடி
பற்றி விசாரித்த போது, அவர்கள் காதல் திருமணம் செய்தவர்கள்
என்பது தெரியவந்தது.
-
கடந்த, ஐந்து ஆண்டுகளாக தம்பதியாக வாழ்ந்து வரும்
அவர்கள் தான், மாவட்ட சமூக நலத்துறை சார்பில் நடந்த உலக
முதியோர் தின விழாவில் கலந்து கொண்டு, அனைவரின்
கவனத்தைஈர்த்தனர்.
-
-தினமலர்