குடும்ப அட்டைகள் ஓராண்டு நீட்டிப்பு

by **ayyasamy ram** Tue Nov 25, 2014 11:17 am

-
குடும்ப அட்டைகளின் செல்லுபடியாகும் காலத்தை
மேலும் ஓராண்டுக்கு நீட்டிக்கும் (2015-ஆம் ஆண்டு)
வகையில், உள்தாள்களை ஒட்ட தமிழக அரசு உத்தரவிட்டது.
-
புதிய குடும்ப அட்டைகளை வழங்கவும்,
போலி குடும்ப அட்டைகளைக் களையவும், கணினி
மயமாக்கும் நடவடிக்கைகள் மேற்கொள்ளப்பட்டு
வருகின்றன.
-
பயோ-மெட்ரிக் அடிப்படையில் குடும்ப அட்டைகளை
வழங்குவதற்காக, இதுவரை தேசிய மக்கள்தொகை
பதிவேட்டின்படி, 5 கோடியே 87 ஆயிரத்து 395 பேருக்கு
உடற்கூறு பதிவுகளைச் சேகரிக்கும் பணி மேற்கொள்ளப்
பட்டுள்ளது. இதில் 4 கோடியே 71 லட்சத்து 75 ஆயிரத்து
490 நபர்களுக்கு ஆதார் எண் வழங்கப்பட்டுள்ளது.
-
எனவே, இப்போது புழக்கத்தில் உள்ள குடும்ப அட்டைகளை
வரும் ஆண்டுக்கும் (2015) புதுப்பிக்கும் வகையில் உள்
தாள்கள் அச்சிடப்பட்டு, குடும்ப அட்டையில் இணைக்கப்படும்.
அதன்படி குடும்ப அட்டையின் செல்லத்தக்க காலம் 2015-ஆம்
ஆண்டு ஜனவரி 1-ஆம் தேதி முதல் டிசம்பர் 31-ஆம் தேதி
வரை இருக்கும்.

எந்தப் பொருளும் வேண்டாத குடும்ப அட்டைகள்
வைத்திருப்பவர்கள் கணினி மூலம் புதுப்பித்துக் கொள்ளவும்
வழிவகை செய்யப்பட்டுள்ளது.
-

by **T.N.Balasubramanian** Tue Nov 25, 2014 12:20 pm

பயோ-மெட்ரிக் அடிப்படையில் குடும்ப அட்டைகளை
வழங்குவதற்காக, இதுவரை தேசிய மக்கள்தொகை
பதிவேட்டு குழு ,பாதி கிணறே தாண்டி உள்ளது .
2015 க்குள் அமல் படுத்தமுடியுமா பெரிய கேள்விக்குறி .!
ரமணியன்

by **ஜாஹீதாபானு** Tue Nov 25, 2014 12:27 pm

இன்னும் இதை முடிவுக்குக் கொண்டு வரலையா?

by **ராஜா** Tue Nov 25, 2014 1:01 pm

இதில் கொள்ளை அடிக்க முடியாதே , அதுனால தான் எவனும் புதிய அட்டை கொடுக்க முயற்சி எடுக்க மாட்டேன்குறான்... எல்லாம் கொள்ளைகார அரசியல் வியாதிகள் என்ன கொடுமை சார் இது

by **M.M.SENTHIL** Tue Nov 25, 2014 1:35 pm

ராஜா wrote:இதில் கொள்ளை அடிக்க முடியாதே , அதுனால தான் எவனும் புதிய அட்டை கொடுக்க முயற்சி எடுக்க மாட்டேன்குறான்... எல்லாம் கொள்ளைகார அரசியல் வியாதிகள்

மேற்கோள் செய்த பதிவு: 1106065

முடியும் தல, ஒரு ரேசன் கார்டுக்கு ஆயிரம் ரூபாய் தந்தால்தான் கொடுப்பேன் என்று பியூன் சொல்லுவான்...

அதில் கொஞ்சம் தாசில்தாருக்கு, கொஞ்சம் அரசியல் வியாபாரிக்கு