ஆஸ்கார் போட்டியில் கீது நடித்த படம்

by **ayyasamy ram** Fri Nov 21, 2014 2:30 pm

‘என் பொம்முக்குட்டி அம்மாவுக்கு’ படம் மூலம்
குழந்தை நட்சத்திரமாக அறிமுகமாகி, பின்னர் கதாநாயகியாகவும்
உயர்ந்தவர் மலையாள நடிகை கீது மோகன்தாஸ்.

தமிழில் மாதவனுடன் ‘நள தமயந்தி’ படத்தில் ஜோடியாக நடித்தார்.
இப்போது இவர் ஒரு பிரபல இயக்குநராகவும் உருவெடுத்துள்ளார்.

‘லையர்ஸ் டைஸ்’ என்ற படத்தை இந்தியில் இயக்கியிருந்தார்.
ஆஸ்கார் போட்டியில் கீது நடித்த படம் WvUJ6GB8TVCHw9YPZpZz+cine-keethu

ஆஸ்கார் போட்டியில் கீது நடித்த படம் WvUJ6GB8TVCHw9YPZpZz+cine-keethu

இமயமலை அடிவாரத்தில் ஒரு கிராமத்தில் வசிக்கும் ஒரு பெண்,
காணாமல் போன தனது கணவனைத் தேடி தனது மகளுடனும்
ஒரு செல்ல ஆட்டுக்குட்டியுடனும் புறப்பட்டுச் செல்கிறாள்.
வழியில் அவளுக்கு ஏற்படும் அனுபவங்கள்தான் இந்தப்படத்தின்
கதை.

இந்தப்படத்தின் கதாநாயகி கீதாஞ்சலி தப்பா, சிறந்த நடிகைக்கான
தேசிய விருதையும், இந்தப் படத்தின் ஒளிப்பதிவாளரும்
கீது மோகன்தாஸின் கணவருமான ராஜீவ் ரவி, சிறந்த ஒளிப்
பதிவாளருக்கான தேசிய விருதையும் பெற்றனர்.

தற்போது இந்தப்படம் அடுத்து நடைபெறவிருக்கும் 87ஆவது
ஆஸ்கர் விருதுக்கான போட்டியில் சிறந்த வெளிநாட்டுத் திரைப்
படப் பிரிவில் போட்டியிட உள்ளே நுழைந்திருக்கிறது.

இந்தப் படத்துடன் இந்தியில் வெளியான ‘குயீன்’ படம் மற்றும்
‘பேன்ட்ரீ’ என்ற மராத்திய படமும் கலந்துகொள்கின்றன.
-
---------------------------------------------------------------
நன்றி: தமிழ்முரசு, சிங்கப்பூர்
.