இன்று முதல் உயர்கிறது டாஸ்மாக் மதுபான விலை

by **ayyasamy ram** Sat Nov 01, 2014 11:32 am

கொள்முதல் விலை உயர்த்தப்படுவதைத் தொடர்ந்து, டாஸ்மாக் மதுபானங்களின் விலையும் சனிக்கிழமை (நவ.1) முதல் உயர்கிறது. ரூ.8 முதல் ரூ.80 வரை இந்த விலை உயர்வு இருக்கும் எனத் தெரிகிறது.

டாஸ்மாக் மதுபானக் கடைகளில் பீர், பிராந்தி, விஸ்கி உள்ளிட்ட 100-க்கும் மேற்பட்ட மது வகைகள் விற்கப்படுகின்றன. சாதாரண ரகம், நடுத்தர ரகம், உயர் ரகம் என மூன்று வகைகளில் விற்கப்படும் இந்த மதுபானங்களின் விலையை தமிழக அரசு கடந்த ஆகஸ்ட் மாதம் உயர்த்தியது.

இந்த நிலையில், டாஸ்மாக் மதுபானங்களின் விலை மீண்டும் உயர்த்தப்படுகிறது. இந்த விலை உயர்வு சனிக்கிழமை முதல் (நவ.1) அமலுக்கு வருகிறது. இதன்படி, சாதாரண ரக மதுபானங்கள் ரூ.8 முதல் ரூ.32 வரையிலும், நடுத்தர ரக மது வகைகள் ரூ.10 முதல் ரூ.40 வரையிலும், உயர் ரக மதுபானங்கள் ரூ.20 முதல் ரூ.80 வரையிலும் விலை உயர்கிறது. பீர் விலையும் ரூ.10 அதிகரிக்கிறது.

மதுபான உற்பத்தி நிறுவனங்களின் கொள்முதல் விலை, பெட்டி ஒன்றுக்கு ரூ.110 அளவுக்கு அதிகரிக்கப்படுவதே இந்த விலை உயர்வுக்கு முக்கியக் காரணம் என்று டாஸ்மாக் ஊழியர்கள் தெரிவித்தனர். தற்போதைய விலை உயர்வுடன் சேர்த்து, டாஸ்மாக் மதுபானங்களின் விலை கடந்த மூன்று ஆண்டுகளில் மூன்று முறை உயர்த்தப்பட்டுள்ளது குறிப்பிடத்தக்கது.
-----
--தினமணி

by **M.M.SENTHIL** Sat Nov 01, 2014 12:33 pm

என்னதான் ஏத்தினாலும் கந்து வட்டிக்கு கடன் வாங்கியாச்சும், குடிப்பவன் குடித்தே தீருவான்... இருப்பினும் நம்ம மக்கள் மேல தமிழக அரசுக்கும், அரசியல் கட்சி தலைவருக்கும் அக்கறையே இல்ல.. பின்னே, அடிக்கடி விலையேத்துனா எப்படி குடிக்கிறது... எதிர் கட்சிகள் ஏன் இந்த விலையேற்றத்துக்கு சவுண்டே கொடுக்கல???

by **M.Saranya** Sat Nov 01, 2014 3:22 pm

விக்கிறதே தப்பு..இதுல விலைஏற்றம் வேறு...நம் மக்கள் திருந்துவார்களா???

கூழானாலும் குளித்து குடி ஆனால் நம் தமிழ் நாட்டில்

பீரிலேயே குளிப்பார்கள் பாவம் என்ன கொடுமை சார் இது