மன நலம் பாதிக்கப்பட்டவர் தப்பித்து விட்டாரா ..?

by **ayyasamy ram** Fri Oct 31, 2014 9:02 am

அதிகாலை , மனநல மருத்துவ தலைமை அலுவலகத்தில்
ஒரு தொலைபேசி அழைப்பு
“ஐயா தங்களுடய மருத்துவமனையிலிருந்து ஏதாவது
மன நலம் பாதிக்கப்பட்டவர் தப்பித்து விட்டாரா ? ” எனக்
கேட்டார் ஒருவர்.
-
“இல்லை” என்றார் மருத்துவமனை ஊழியர்
-
அப்படியென்றால் உங்கள் கீழ் உள்ள மற்ற மருத்துவ
மனைகளிலிருந்து யாரவது தப்பியதாக செய்தி உண்டா ?
என மீண்டும் கேட்டார்.
-
” இல்லை சார் அப்படி ஏதும் செய்திகள் இதுவரை வர
வில்லை ” என்று பதில் சொன்னார் ஊழியர்.
-
“ நன்றாக பார்த்து சொல்லுங்கள் , கண்டிப்பாக ஏதாவது
மனநிலை பாதிக்கப்பட்டவர் தப்பியிருக்ககூடும் “ என
விடாமல் கேட்டார் தொலைபேசி அழைப்பாளர்
-
“ யார் சார் நீங்கள்… காலையில் இப்படி போன் செய்து
உயிரை வாங்குகிறிர்கள் ? ஏதாவது மனநலம்
பாதிக்கப்பட்டவரை வழியில் பார்த்திங்களா ? “ எனக்
கேட்டார் ஊழியர்.
-
“ இல்லை ! ஆனால் எனது மனைவி யாருடனோ நேற்று
இரவு ஓடிவிட்டாள் ! அதுதான் அந்த பாவப்பட்டவரை
தேடிக்கொண்டிருக்கிறேன் ! “ என்றார் அழைப்பாளர்.
——————————————————————————

by **T.N.Balasubramanian** Fri Oct 31, 2014 11:14 am

மனைவிகள் என்றால் கேவலமாக போய் விட்டது . MCP .

ரமணியன்

by **ayyasamy ram** Fri Oct 31, 2014 1:20 pm

T.N.Balasubramanian wrote:மனைவிகள் என்றால் கேவலமாக போய் விட்டது . MCP .

ரமணியன்

மேற்கோள் செய்த பதிவு: 1100618
-
இது ஆணாதிக்க உலகம்...
-
காதலனுக்கு கணவன் அந்தஸ்து கொடுத்ததும் அவன்
நடந்து கொள்ளும் விதம் குறித்து ஒரு பெண் கவிதை
எழுதி இருக்கிறார்:
-
(கோபமாக படிக்கவும்)
-
கொஞ்சங்கூட அலுக்காமல்
அதிகாரம் செய்கிறாய்
-
சிறிதும் சலிக்காமல்
குறை கூறுகிறாய்
-
சங்கடமே இல்லாமல்
சந்தேகிக்கிறாய்
-
வெட்டியாய் கவுரவத்தை
கையில் பிடித்து வீதியில் செல்லுகிறாய்
-
உனக்கு கணவன் என்ற பதவியை
கொடுத்தது என் தவறா?
எருமை மாடு மேல் நிற்கும்
எமன் போல எண்ணி
என்னை எட்டி உதைக்கிறாய்
-
உன்னை காலம் முழுதும்
காதலனாகவே வைத்திருக்க வேண்டும்
-
கணவன் என்ற பதவி
காதலின் கண்ணை மறைக்கிறது..!
-
------------------------
--சரளாதேவி

by **krishnaamma** Fri Oct 31, 2014 8:39 pm

“ இல்லை ! ஆனால் எனது மனைவி யாருடனோ நேற்று
இரவு ஓடிவிட்டாள் ! அதுதான் அந்த பாவப்பட்டவரை
தேடிக்கொண்டிருக்கிறேன் ! “ என்றார் அழைப்பாளர்.

சரி இவருக்குத்தான் அவ வேண்டாமே......அப்புறம் எதுக்கு தேடணும்???????????????? கோபம்

by **ராஜா** Fri Oct 31, 2014 8:43 pm

எப்படி படித்தாலும் சிரிப்பு வரலையே என்ன பண்ணுவது சோகம்

by **T.N.Balasubramanian** Fri Oct 31, 2014 8:43 pm

krishnaamma wrote:
“ இல்லை ! ஆனால் எனது மனைவி யாருடனோ நேற்று
இரவு ஓடிவிட்டாள் ! அதுதான் அந்த பாவப்பட்டவரை
தேடிக்கொண்டிருக்கிறேன் ! “ என்றார் அழைப்பாளர்.

சரி இவருக்குத்தான் அவ வேண்டாமே......அப்புறம் எதுக்கு தேடணும்????????????????

மேற்கோள் செய்த பதிவு: 1100750

மாலை போட்டு பூச்செண்டு கொடுக்கத்தான்

ரமணியன்