ராமாயணம் என்னும் வாழ்வியல் நூல்!

by **ayyasamy ram** Wed Oct 29, 2014 6:16 am

-
ராமன்+அயனம் என்பதே ராமாயணம் ஆயிற்று.
ராமன் காட்டிய வழி, என்று இதற்குப் பெயர்.
அதற்காக "ராமன் காட்டிற்கு மனைவியுடன்
சென்றானே அதுபோல் நாமும் போகவேண்டுமா?'
என எண்ணக் கூடாது.
-
"காட்டிற்குப் போ 14 வருடங்கள் இரு' என்று தந்தை
சொன்னவுடன் ஏன்? எதற்கு என்ற கேள்வி கேளாமல்
மலர்ந்த முகத்துடன் ராமன் புறப்பட்டான்
பிள்ளைகள் தந்தை சொல்லைக் கேட்க வேண்டும்
என்பதை இது உணர்த்துகிறது.
-
கணவன் புறப்பட்டவுடன் மனைவி பின்னால் போனாள்.
இதைத்தான் ராமன் இருக்குமிடம் சீதைக்கு அயோத்தி
என்றார்கள்.

கண்ணைக் கசக்கிக் கொண்டு என் மாமனார் இப்படிச்
செய்து விட்டாரே. இவரெல்லாம் ஒரு மனுஷனா? என்று
கதறிக் கொண்டு தகப்பனார் வீட்டுக்கு சீதா ஓடவில்லை.
கணவனின் மனமறிந்து நடக்கும் வீட்டில் சண்டைக்கு
இடமில்லை. மாமியார்கள் யாரும் சீதையை கொடுமைப்
படுத்தவில்லை. நீ இங்கேயிருந்து எங்களுக்கு சேவகம்
செய் என அதிகாரம் செய்யவில்லை.
-
மாமியார்கள் மருமகள்களை கொடுமை செய்யக்கூடாது
என்பதை இது உணர்த்துகிறது.
-
மைத்தனர்கள் அண்ணன் மனைவியைத் தாயாக மதிக்க
வேண்டும் என்பதை லட்சுமணன் பரத சத்ருக்னர்களின்
கதாபாத்திரங்கள் சுட்டிக் காட்டுகின்றன. ஆணும்
பெண்ணும் எப்படி இருக்கக்கூடாது என்பதை
உணர்த்துகின்றன ராவண சூர்ப்பனகை பாத்திரங்கள்.
இப்படி அன்றாட வாழ்வில் அடிப்படைத் தத்துவங்களை
எடுத்துச் சொல்லும் நூல் ராமாயணம்.
-
-------------------------------------------

- வி. இராமலட்சுமி, திருநெல்வேலி.
நன்றி: மங்கையர் மலர்