தல வாழை இலை சாப்பாடு

by உமேரா Tue Sep 09, 2014 2:58 pm

[b]தல வாழை இலை சாப்பாடு [/b]

இன்று நாம் வாழை இலையில் சாப்பிடுவது என்பதே குதிரை கொம்பாய் போச்சு

இன்றைக்கு நாகரிகம் முன்னேறிவிட்டது என்று சொல்லி எத்தனையோ பாரம்பரியமான விஷயங்களை, நம் முன்னோர்கள் அற்புதமாய்

கண்டுபிடித்து வைத்திருக்கிற விஷயங்களை தவறவிட்டு விட்டோம். அதில் ஒன்றுதான் இந்த வாழை இலையில் சாப்பிடுவது. வாழை இலையில் சாப்பிடுவதால் என்னென்ன நன்மைகள் உண்டாகின்றன? பார்ப்போம்.முதலாவது வாழை ஒரு நல்ல நச்சு முறிப்பான் (Germ Killer) ஆகும். அதாவது நல்ல கிரிமிநாசினி என்றும் சொல்லலாம். சுடச்சுட பொங்கலையோ அல்லது சாதத்தையோ வாழையில் வைத்து சாப்பிடுவது மிகவும் நன்மை பயக்கும்.

தல வாழை இலை சாப்பாடு Ghdfjhd

தீக்காயம் பட்டவரை வாழை இலையில் கிடத்துவதை கண்டிருப்பீர்கள். வாலை இலை படுக்கையும், வாழைத்தண்டுச் சாறும், வாழைக்கிழங்கின் சாறும் நல்லதொரு நச்சு முறிப்பான்கள் ஆகும். இன்றைக்கும் கிராமங்களில் பாம்பு கடித்து விட்டால் முதலில் வாழைச்சாறு பருகக்கொடுப்பார்கள். நச்சு முறிந்துவிடும்.

காடும் காடு சார்ந்த பகுதிகளில் வாழ்ந்தவன்தான் தமிழன். எந்த வித நச்சும் முறிக்கப்படவேண்டும் என்பதற்காகத்தான் 4 பேர் கூடும் எந்த இடத்திலும் வாழைமரத்தை பயிரிட்டு தயாராக வைத்திருந்தான். ஆகவேதான் திருமணப் பந்தலிலும் வாழை மரம், இடுகாட்டுப் பாடையிலும் வாழை மரம், மக்கள் கூடும் எந்த திருவிழாக் கூட்டங்களிலும் வாழை மரம் என்று எங்கெங்கு காணினும் வாழை மரத்தை வைத்தான் நம் தமிழன். அதாவது நச்சு முறிப்புக்கு என்றுதான் அவ்வாறு செய்தான்.

இருட்டில் சமைக்க நேர்ந்து, சமைத்த உணவில் எதிர்பாராத விதமாக நச்சு கலந்திருந்தாலும், அல்லது வேறு எந்த வகையில் உண்ணும் உணவில் நச்சு கலந்திருந்தாலும் அதற்கான உடனடி நச்சு முறிப்பான் வாழை இலை மட்டுமே. அதனால்தான் வாழை இலையில் சாப்பாடு.

நாம் சாப்பிடும் தட்டை எவ்வளவு சுத்தப்படுத்துகிறோம்? தண்ணீர் விட்டு அல்லது வெந்நீர் விட்டு நன்றாக அலசி காயவைத்து எவ்வளவு சுகாதாரமாக பயன்படுத்துகிறோம். ஆனால் நமக்கும் நம்முடைய பிள்ளைகளுக்கு நோய்கள் வருகின்றன. ஆனால் வாழை இலை பயன்படுத்தி சாப்பிடுபவர்களுக்கு நோய்கள் வருவதில்லை. இதை என்றாவது யோசித்துப் பார்த்திருக்கிறீர்களா?

நம்முடைய திருவிழாக்களிலும், திருமண வீடுகள், சடங்கு வீடுகள் மற்றும் எல்லா விழாக்களிலும் சாப்பிட வாழை இலை போடும்போது கவனித்திருக்கிறீர்களா? (இப்போ பெரும்பாலும் இந்த பழக்கம் மறைந்து பேப்பரில் சாப்பிடுகிற பழக்கம் வந்து விட்டது. என்னே பரிதாபம்?!) அவ்விடங்களில் எல்லாம் வாழை இலையை முற்றிலும் சுத்தப்படுத்தியா சாப்பிடுகிறோம். ஏதோ பெயருக்கு கொஞ்சம் தண்ணீர் தெளித்து விட்டு சாப்பிட ஆரம்பித்து விடுகிறோம்.

சிலருக்கு இலைகளில் தூசி, தும்புகள், அழுக்கு என்று என்னவெல்லாமோ இருக்கும். தெளிக்கும் தண்ணீர் கூடு எவ்வளவு அசுத்தமும் கிருமிகளும் நிறைந்ததாகக் கூட இருக்கும். ஆனால் பாருங்கள். அவ்விதமாய் சாப்பிடுபவர்களுக்கு ஏதாவது வியாதி வந்து அல்லது வயிற்றுக் கோளாறு வருகிறதா? இல்லையே. காரணம் என்ன தெரியுமா? வாழை இலையின் மகிமைதான். எவ்வித கிருமியையும் அழித்துவிடக் கூடிய அதன் மருத்துவத் தன்மைதான்.

by **ராஜா** Tue Sep 09, 2014 3:35 pm

எங்கள் வீட்டில் எப்பவும் வாழை மரங்கள் இருக்கும் , இங்கு கத்தாரில் கூட வளர்க்கிறோம். ஆனால் எனக்கு வாழை இலையை வெட்டும்போது மிகவும் வருத்தமாக இருக்கும் சோகம்

.

by **சிவா** Tue Sep 09, 2014 3:40 pm

பயனுள்ள கட்டுரைக்கு நன்றி!

தலைப்பு வாழை இலையில் சாப்பிடுவதன் பயன்கள் என்று இருப்பது தானே பொருத்தமாக இருக்கும்!

by **T.N.Balasubramanian** Tue Sep 09, 2014 3:51 pm

நல்ல பகிர்வு உமேரா :
"தலை வாழை இலை சாப்பாடு " என்று
தல விருப்பம் போல், மாத்தலாமே .

ரமணியன்

by **ராஜா** Tue Sep 09, 2014 4:26 pm

சிவா wrote:பயனுள்ள கட்டுரைக்கு நன்றி!

தலைப்பு வாழை இலையில் சாப்பிடுவதன் பயன்கள் என்று இருப்பது தானே பொருத்தமாக இருக்கும்!

இது போல இன்னும் நிறைய update செய்வார் போல

by **T.N.Balasubramanian** Tue Sep 09, 2014 5:04 pm

ராஜா wrote:
சிவா wrote:பயனுள்ள கட்டுரைக்கு நன்றி!

தலைப்பு வாழை இலையில் சாப்பிடுவதன் பயன்கள் என்று இருப்பது தானே பொருத்தமாக இருக்கும்!
இது போல இன்னும் நிறைய update செய்வார் போல

மேற்கோள் செய்த பதிவு: 1085992

இருக்கும் போல இருக்கு !
ரமணியன்

by **ayyasamy ram** Tue Sep 09, 2014 8:49 pm

by **krishnaamma** Tue Sep 09, 2014 8:58 pm

நல்ல பகிர்வு உமேரா புன்னகை

by **M.M.SENTHIL** Tue Sep 09, 2014 10:31 pm

நல்ல பகிர்வு.. இப்போது மழை இல்லாத காரணமும், விவசாய நிலமெல்லாம் வீட்டு மனைகளாக ஆவதும் கூட இது போன்ற விஷயங்கள் இல்லாமல் போகிறது. முன்பெல்லாம் வீட்டின் முன் வாசல் பெரிதாக இருக்கும், ஆடு, மாடு, கோழி போன்றவை அதில் சுற்றி திரியும், அதே வாசலில் ஒரு மூலையில் வாழை மரங்கள் இருப்பதை காண்போம். ஆனால் இப்போதோ வெறும் 600 சதுரடியில் வீடு கட்டி முடித்து விடுகிறார்கள்..