காபி குடிப்பதால் புத்துணர்ச்சி பெண்களுக்கு விர்.. ஆண்களுக்கு சர்..

by **ayyasamy ram** Tue Aug 26, 2014 6:33 am

-
பிரிஸ்டல்: டென்ஷனான வேளைகளில் ஸ்ட்ராங் காபி குடிப்பது ஆண்களைவிட பெண்களையே அதிகளவில் உற்சாகமாக்கும் என்று ஆய்வில் தெரியவந்துள்ளது. அலுவலகங்களில் பணியை முடிக்க வேண்டிய நேரத்தில் டென்ஷன் உச்சகட்டமாக இருக்கும். அப்போது ஸ்ட்ராங்கா, ஆவி பறக்க காபி குடித்தால், சோர்வடைந்த மூளை சுறுசுறுப்பானது போல தோன்றும். இதற்கு காரணம் காபியில் இருக்கும் காபின் என்ற வேதிப்பொருள். இது மூளையை முடுக்கி விடுகிறது. ஆனால் காபி பெண்களை தான் உற்சாகப்படுத்துகிறது, ஆண்களிடம் அதன் பாச்சா பலிப்பதில்லை. மாறாக எதிர்மறையான விளைவையே ஏற்படுத்துகிறது என்று இங்கிலாந்து ஆராய்ச்சியாளர்கள் புதிய தகவல் சொல்கின்றனர்.
-
இங்கிலாந்தின் பிரிஸ்டல் பல்கலைக்கழக மனோதத்துவ ஆராய்ச்சியாளர்கள் ஆண், பெண் என 64 பேரை ‘காபி’ ஆராய்ச்சிக்காக தேர்வு செய்தனர். அனைவரையும் ஆண்&ஆண், பெண்&பெண் என்று ஜோடி ஜோடியாக பிரித்தனர். அந்த ஜோடிகளுக்கு புதிய திட்டங்களை உருவாக்குதல், குழப்பமான சூழ்நிலைகளுக்கு தீர்வு சொல்லுதல், பிரச்னைகளை சமாளித்தல் போன்ற ஒரே மாதிரியான, நெருக்கடியான பணிகள் தரப்பட்டன. அவர்களுக்கு தருவதற்காக வழக்கமாக காபினுடன் கூடிய காபி, காபின் நீக்கப்பட்ட காபி என இரண்டு வகை காபிகள் ரெடி செய்யப்பட்டன. சிக்கல்களை தீர்க்க முடியாமல் அவர்களிடம் டென்ஷன் எகிறிய நேரத்தில் சில ஜோடிகளுக்கு காபின் கலந்த காபியும், சிலருக்கு காபின் இல்லாத காபியும் கொடுக்கப்பட்டது.

காபின் காபி குடித்த பெண்களிடம் உற்சாகம் அதிகரித்திருந்தது. மற்றவர்களைவிட 100 விநாடி முன்பாகவே அவர்கள் வேலையை முடித்தனர். ஆண்கள் விஷயத்தில் இது உல்டாவாக இருந்தது. காபின் இல்லாத காபியை குடித்த ஆண்கள் முதலில் வேலையை முடித்துவிட.. சாதா காபி குடித்த ஆண்கள் 20 வினாடி கழித்து அதே வேலையை முடித்துள்ளனர். ஆண்களைவிட பெண்களுக்கே அதிக உற்சாகத்தையும் புத்துணர்ச்சியையும் காபி தருகிறது என்று ‘தீர்ப்பு’ கூறியிருக்கிறார்கள் ஆராய்ச்சியாளர்கள்.
===================
--தமிழ் முரசு

by **மாணிக்கம் நடேசன்** Tue Aug 26, 2014 6:41 am

ஐயையோ, இது நாள் நான் காப்பி குடித்து வந்தது எல்லாம் வீணாப் போச்சா? இனி வெறும் தண்ணி ( பச்சத்தண்ணீங்க ) குட்ச்சாத்தான் சரியா இருக்கும் போல தெரியுது.

by **ayyasamy ram** Tue Aug 26, 2014 6:45 am

கவலை வேண்டாம்...
-
வேற எந்த விஞ்ஞானியாவது தீர்ப்பை மாத்தி
சொல்லவும் வாய்ப்பு இருக்கிறது...!!
-

by **krishnaamma** Tue Aug 26, 2014 8:28 am

ayyasamy ram wrote:கவலை வேண்டாம்...
-
வேற எந்த விஞ்ஞானியாவது தீர்ப்பை மாத்தி
சொல்லவும் வாய்ப்பு இருக்கிறது...!!
-

மேற்கோள் செய்த பதிவு: 1082410

ரொம்ப சரி ராம் அண்ணா புன்னகை

உங்க பதிலை பார்த்ததும் 100 வயது காரார் கதை தான் நினைவுக்கு வருகிறது புன்னகை

by **Dr.S.Soundarapandian** Tue Aug 26, 2014 9:40 am

by jesifer Tue Aug 26, 2014 11:48 am

மாணிக்கம் நடேசன் wrote:ஐயையோ, இது நாள் நான் காப்பி குடித்து வந்தது எல்லாம் வீணாப் போச்சா? இனி வெறும் தண்ணி ( பச்சத்தண்ணீங்க ) குட்ச்சாத்தான் சரியா இருக்கும் போல தெரியுது.

மேற்கோள் செய்த பதிவு: 1082407

அப்ப நான்..........ஒரு நாளைக்கு 4 அல்லது 5 தடவை குடிப்பேன்.....பலனில்லாமலா இம்மட்டு குடிச்சேன்...
என்ன கொடுமை சார் இது