இரண்டாம் உலகப்போரில் ஹிரோஷிமாவில் அணுகுண்டு வீசிய வீரர் மரணம்

by **ayyasamy ram** Thu Jul 31, 2014 9:09 am

-

வாஷிங்டன்

இரண்டாம் உலகப்போரின் போது
(1945–ம் வருடம், ஆகஸ்டு 6–ந் தேதி) ஜப்பானின்
ஹிரோஷிமா நகர் மீது அணுகுண்டு வீசப்பட்டது.
இதில் ஒருலட்சத்து 40 ஆயிரம் பேர் கொல்லப்பட்டனர்.

‘குட்டிப்பையன்’ என்று அழைக்கப்பட்ட இந்த
அணுகுண்டை ‘பி–29 சூப்பர் போர்ட்ரஸ்’ போர்
விமானத்தில் இருந்து வீசிய அமெரிக்க வீரர்களில்
ஒருவர் தியோடர் வேன் கிர்க் (வயது 94).
அப்போது இவருக்கு வயது 24.

அமெரிக்காவில் ஜார்ஜியாவில் வசித்து வந்த தியோடர்,
தனது 94 வயதில், வயோதிகத்தின் காரணமாக
கடந்த 28–ந் தேதி மரணம் அடைந்தார்.

அவரது மறைவு குறித்து மகன் டாம், ‘‘என் தந்தை
ஒரு போர் நாயகனாக அங்கீகரிக்கப்பட்டார்.
ஆனால் நாங்கள் அவரை ஒரு அருமையான
தந்தையாகத்தான் அறிவோம். அப்படி ஒரு
அற்புதமான தந்தை அவர்’’ என குறிப்பிட்டார்.

தியோடரின் இறுதிச்சடங்குகள் வரும் 5–ந் தேதி,
அவரது சொந்த ஊரான பென்சில்வேனியா
மாகாணத்தின் நார்தம்பர்லேண்டில் நடைபெறும்
என அறிவிக்கப்பட்டுள்ளது. அங்கே அவரது
மனைவியின் கல்லறை அருகே தியோடரின் உடல்
நல்லடக்கம் செய்யப்படும்.
-
---------------------------------
--தினத்தந்தி

by **M.M.SENTHIL** Thu Jul 31, 2014 2:18 pm

லட்சம் பேரை கொன்றவர் - இருந்தாலும் ஆழ்ந்த அனுதாபங்கள்.

இரண்டாம் உலகப்போரில் ஹிரோஷிமாவில் அணுகுண்டு வீசிய வீரர் மரணம்

இரண்டாம் உலகப்போரில் ஹிரோஷிமாவில் அணுகுண்டு வீசிய வீரர் மரணம்

Re: இரண்டாம் உலகப்போரில் ஹிரோஷிமாவில் அணுகுண்டு வீசிய வீரர் மரணம்