நாளை முதல் விற்பனைக்கு வருகிறது 'அம்மா உப்பு'

தமிழக அரசின் மலிவு விலையிலான அம்மா உப்பு நாளை முதல் விற்பனைக்கு வரும் என்று அறிவிக்கப்பட்டுள்ளது. அம்மா உப்பு திட்டத்தை முதல்வர் ஜெயலலிதா நாளை சென்னையில் தொடங்கி வைக்கிறார்.

தமிழ்நாடு உப்பு நிறுவனம் 3 வகைகளில் அம்மா உப்பை உற்பத்தி செய்துவருகிறது. குறைந்த அளவு சோடியம் உள்ள அம்மா உப்பு கிலோ ரூ.10க்கும், இரும்பு, அயோடின் கலந்த அம்மா உப்பு கிலோ ரூ.16க்கும், சுத்திகரிக்கப்பட்ட அயோடின் கலந்த அம்மா உப்பு கிலோ ரூ.21க்கும் கடைகளில் விற்பனை செய்யப்பட உள்ளது.

-- தினகரன்

உப்பிட்டவரை உள்ளளவும் நினை...இந்த சொலவடையை இனி எல்லா தேர்தலிலும் முழக்கமாக ரத்தத்தின் ரத்தங்கள் முழங்குவார்கள்...அடா சாமீ...அநியாயமா யோசிக்கிறீங்களே...

ரா.ரா3275 wrote:உப்பிட்டவரை உள்ளளவும் நினை...இந்த சொலவடையை இனி எல்லா தேர்தலிலும் முழக்கமாக ரத்தத்தின் ரத்தங்கள் முழங்குவார்கள்...அடா சாமீ...அநியாயமா யோசிக்கிறீங்களே...

ஓ..! அம்மாவுக்கு நீங்கள் தான் மறைமுக ஆலோசகரா?

விமந்தனி wrote:

ரா.ரா3275 wrote:உப்பிட்டவரை உள்ளளவும் நினை...இந்த சொலவடையை இனி எல்லா தேர்தலிலும் முழக்கமாக ரத்தத்தின் ரத்தங்கள் முழங்குவார்கள்...அடா சாமீ...அநியாயமா யோசிக்கிறீங்களே...

ஓ..! அம்மாவுக்கு நீங்கள் தான் மறைமுக ஆலோசகரா?

மேற்கோள் செய்த பதிவு: 1068473

அம்மாவையே கிண்டல் செய்யும் முயற்சி இது...ஆட்டோ அனுப்பிட வேண்டியதுதான்...

ஜெயலலிதா முதல்– அமைச்சராக பதவி ஏற்றதும் ஏழைகளுக்கு உதவும் வகையில் மாதந்தோறும் 20 கிலோ இலவச அரிசி திட்டத்தை அறிவித்தார்.

இதையடுத்து கிராமப்புற மக்கள் வாழ்வாதாரம் பெற இலவச ஆடு, மாடுகள் வழங்கப்பட்டன. அதுபோல இலவச மிக்சி, கிரைண்டர், மின்விசிறி திட்டமும் நடைமுறையில் உள்ளது. இதற்கிடையே அம்மா உணவகம், அம்மா குடிநீர் மற்றும் மலிவு விலை காய்கறி விற்பனை திட்டங்கள் கொண்டு வரப்பட்டன.

இந்தியாவுக்கே வழி காட்டும் வகையில் இந்த திட்டங்கள் அமைந்துள்ளன. இதன் தொடர்ச்சியாக ‘அம்மா உப்பு’ என்ற பெயரில் மலிவு விலையில் உப்பை விற்பனை செய்ய தமிழக அரசு ஏற்பாடு செய்துள்ளது.

முதல் கட்டமாக அமுதம் அங்காடிகளில் அம்மா உப்பு விற்பனை செய்யப்படும். பிறகு மாவட்டந்தோறும் வினியோகஸ்தர்கள் நியமித்து எல்லா ஊர்களிலும் கடைகளில் விற்பனை செய்ய நடவடிக்கை எடுக்கப்பட்டு வருகிறது.

அம்மா உப்பு 3 வகைகளில் விற்பனை செய்யப்படுகிறது. இந்த திட்டத்தை முதல்–அமைச்சர் ஜெயலலிதா இன்று தொடங்கி வைத்தார். இது தொடர்பாக தமிழக அரசு வெளியிட்டுள்ள செய்தி குறிப்பில் கூறியிருப்பதாவது:–

தமிழ்நாடு உப்பு நிறுவனம் பொதுமக்கள் பயன்பெறும் பொருட்டு ஏற்கெனவே அயோடின் கலந்த உப்பு தயாரித்து நியாய விலைக் கடைகளின் மூலம் விற்பனைக்கு வழங்கி வருகிறது. முன் கழுத்துக் கழலை மற்றும் இரத்த சோகை நோயைத் தடுக்க உதவும் இரும்பு மற்றும் அயோடின் சத்துக்கள் கலந்த இரட்டை செறிவூட்டப்பட்ட உப்பும், இரத்த அழுத்த நோயைக் கட்டுப்படுத்த குறைந்த அளவு சோடியம் கொண்ட உப்பும் தமிழ்நாட்டில் வெளிச் சந்தையில் அறிமுகப்படுத்திட முதல்–அமைச்சர் ஜெயலலிதா உத்தரவிட்டிருந்தார்.

அதன்படி, தமிழ்நாடு உப்பு நிறுவனத்தின் மூலம் ‘‘அம்மா உப்பு’’ என்ற பெயரில் தயாரிக்கப்பட்டுள்ள இரும்பு மற்றும் அயோடின் சத்துக்கள் கலந்த “இரட்டை செறிவூட்டப்பட்ட உப்பு”, “குறைந்த அளவு சோடியம் கொண்ட உப்பு” மற்றும் “சுத்திகரிக்கப்பட்ட அயோடின் கலந்த உப்பு” ஆகிய உப்பு வகைகளை முதல்–அமைச்சர் ஜெயலலிதா அறிமுகப்படுத்தி வெளிச்சந்தை விற்பனையினைத் துவக்கி வைத்தார்.

தனியார் நிறுவனங்களால் தயாரிக்கப்படும் உப்பு வகைகளான இரட்டை செறிவூட்டப்பட்ட உப்பு கிலோ 21 ரூபாய்க்கும், குறைந்த அளவு சோடியம் கொண்ட உப்பு கிலோ 25 ரூபாய்க்கும் மற்றும் சுத்தி கரிக்கப்பட்ட அயோடின் கலந்த உப்பு கிலோ 14 ரூபாய் முதல் 21 ரூபாய் வரையிலும் வெளிச்சந்தையில் விற்பனை செய்யப்படும் நிலையில் வெளிச்சந்தையில் ‘‘அம்மா உப்பு’’ என்ற பெயரில் விற்பனைக்கு அறிமுகப்படுத்தப்பட்டுள்ள உப்பு வகைகள் முறையே 14 ரூபாய், 21 ரூபாய் மற்றும் 10 ரூபாய் என குறைந்த விலையில் விற்கப்படும்.

சிப்காட் தொழிற்பேட்டைக்கு அருகில் அமைந்த பகுதிகளிலுள்ள குடும்பங்களைச் சேர்ந்த இளைஞர்களின் திறமைகளை மேம்படுத்துவதற்காக, அந்த பகுதிகளில் சிப்காட் நிறுவனம் மூலம் பயிற்சி மையங்களை ஏற்படுத்திட முதல்–அமைச்சர் ஜெயலலிதா தலைமையிலான அரசு வழி வகை செய்துள்ளது.

இப்பயிற்சி மையங்களில் சிப்காட் தொழில் வளாகங்கள் அமைப்பதற்காக கையகப்படுத்தப்பட்ட நிலத்தின் உரிமையாளர்கள் குடும்பத்தைச் சார்ந்த இளைஞர்களுக்கு முன்னுரிமை அளிக்கப்படும்.

இப்பயிற்சி மையங்களை காஞ்சிபுரம் மாவட்டம் ஒரகடம், திருநெல்வேலி மாவட்டம் கங்கை கொண்டான் மற்றும் திருவள்ளூர் மாவட்டம் தேர்வாய்க்கண்டிகை ஆகிய இடங்களில் அமைக்க சிப்காட் நிறுவனம் நடவடிக்கை எடுத்து வருகிறது.

அதன் முதற்கட்டமாக, காஞ்சிபுரம் மாவட்டம், ஒரகடத்தை சுற்றியுள்ள பகுதிகளில் வசிக்கும் இளைஞர்களின் தொழில் திறமையை மேம்படுத்தும் வகையில் ஒரகடத்தில் அமைந்துள்ள சிப்காட் தொழில் வளர்ச்சி மையத்தில் 2.52 ஏக்கர் நிலப்பரப்பில் 9160 சதுர அடி கட்டுமான பரப்பளவில் 1 கோடியே 80 லட்சம் ரூபாய் மதிப்பீட்டில், பயிற்சி வகுப்பு அறை, ஆய்வுக்கூடம், நூலகம், கணினி அறை, அலுவலக அறை, நேர்காணல் அறை, சமையலறை, உணவுக்கூடம், கழிப்பறை, வாகன நிறுத்து மிடம், பாதுகாவலர் அறை, வரவேற்பறை உள்ளிட்ட வசதிகளுடன் கட்டப்பட்டுள்ள திறன் மேம்பாட்டு மையத்தை முதல்–அமைச்சர் ஜெயலலிதா இன்று திறந்து வைத்தார். இந்தத் திறன் மேம்பாட்டு மையத்தின் வாயிலாக வருடத்திற்கு 1200 நபர்களுக்கு பயிற்சி வழங்கப்படும்.

நிகழ்ச்சியில் தொழில் துறை அமைச்சர் பி. தங்க மணி, தலைமைச் செயலாளர் மோகன் வர்கீஸ் சுங்கத், தமிழ்நாடு அரசு ஆலோசகர் ஷீலா பாலகிருஷ்ணன், தொழில்துறை முதன்மைச் செயலாளர் ச.வி. சங்கர், சிப்காட் தலைவர் மற்றும் நிர்வாக இயக்குநர் (பொறுப்பு) / முதன்மைச் செயலாளர் முகமது நசீமுத்தின், தமிழ்நாடு உப்பு நிறுவனத்தின் மேலாண்மை இயக்குநர் சி. காமராஜ், மற்றும் அரசு உயர் அலுவலர்கள் கலந்து கொண்டார்கள்.

-- மாலைமலர்

அம்மா சும்மாவே இருக்க மாட்டாங்களா?

உப்பு வாங்கிறதுக்கே இந்தக்குனி குனியுறீங்களே ! இந்த உப்பை சாப்பிட்டாவது சொரணை வரட்டும்.,, உங்களையெல்லாம் எத்தனை காந்தி, பெரியார் வந்தாலும் என்ன உப்புச்சத்தியாகிரகம் செஞ்சாலும் திருத்தவே முடியாதுப்பா...!

அம்மா உப்பு போட்டு சாப்பிடறவங்க இனிமே வெக்கம் மானம் சூடு சொரணை இருந்தா டாஸ்மாக் பக்கம் போகாதீங்கப்பா

ரா.ரா3275 wrote:

விமந்தனி wrote:

ரா.ரா3275 wrote:உப்பிட்டவரை உள்ளளவும் நினை...இந்த சொலவடையை இனி எல்லா தேர்தலிலும் முழக்கமாக ரத்தத்தின் ரத்தங்கள் முழங்குவார்கள்...அடா சாமீ...அநியாயமா யோசிக்கிறீங்களே...

ஓ..! அம்மாவுக்கு நீங்கள் தான் மறைமுக ஆலோசகரா?

அம்மாவையே கிண்டல் செய்யும் முயற்சி இது...ஆட்டோ அனுப்பிட வேண்டியதுதான்...

அதென்ன ஆன்னா.. ஊன்னா.... ஆட்டோ அனுப்ப தயாராயிடறீங்க?
ஓ..! வலது கையும் அம்மாவுக்கு நீங்கள் தானா...? கொஞ்சம் எச்சரிக்கையா தான் இருக்கனும்.  

ஜாஹீதாபானு wrote:அம்மா சும்மாவே இருக்க மாட்டாங்களா?

சும்மா இருக்க அம்மாவுக்கு வயசாயிடுச்சா(!) என்ன?
அதுவுமில்லாம அம்மாவுக்கு  90 வயசா ஆகிவிட்டது சும்மா இருக்க?