மோடியின் அமைச்சர்களுக்கு ஒதுக்கப்பட்ட துறைகள்

by **சிவா** Tue May 27, 2014 1:42 am

நாட்டின் பிரதமராக பொறுப்பேற்றுள்ள மோடி தனது அமைச்சர்களுக்கு பல்வேறு முக்கிய துறைகளை ஒதுக்கியுள்ளார். பல்வேறு தொலைக்காட்சி நிறுவனங்கள் வெளியிட்டுள்ள அமைச்சர்களின் துறைகள் பற்றிய விவரங்கள் கீழ்கண்டவாறு

கேபினட் அமைச்சர்கள்

சுஷ்மா சுவராஜ் - வெளியுறவுத்துறை,
ஆனந்த் குமார் - பாராளுமன்ற விவகாரம் மற்றும் உரம்,
நிதின் கட்காரி - தரை வழி போக்குவரத்து மற்றும் கப்பல் போக்குவரத்து துறை,
சதானந்த கவுடா - ரயில்வே துறை,
வெங்கைய நாயுடு - ஊரக வளர்ச்சி,
ரவிசங்கர் பிரசாத் - தொலைத்தொடர்பு மற்றும் சட்டம், நீதித்துறை,
மேனகா காந்தி - பெண்கள் மற்றும் குழந்தைகள் நலன்,
நஜ்மா ஹெப்துல்லா - சிறுபான்மையினர் நலன்,
ஸ்மிரிதி இராணி - மனித வள மேம்பாடு,
ராதா மோகன் சிங் - விவசாய துறை,
நிர்மலா சீதாராமன் - வர்த்தக அமைச்சர்,
பியூஷ் கோயல் - மின் துறை,
பிரகாஷ் ஜாவேத்கர் - மாநில தகவல் தொடர்பு மற்றும் ஒலிபரப்புகள் துறை,
ராம் விலாஸ் பஸ்வான் - உணவு மற்றும் பொது விநியோக துறை,
ராஜ்நாத் சிங் - உள்துறை,
அருண் ஜெட்லி - நிதித்துறை,
உமா பாரதி - நீர்வளம்,
ஜுவல் ஓரம் - பழங்குடியினர் நலன்

ஆகிய துறைகள் ஓதுக்கப்பட்டுள்ளன.

இது தவிர தனிப் பொறுப்புடன் கூடிய அமைச்சர்களான 10 பேருக்கும், இணை அமைச்சர்களாக தமிழகத்தை சேர்ந்த பொன் ராதாகிருஷ்ணன் உள்ளிட்ட 12 பேருக்கும் வாய்ப்பு வழங்கப்ட்டுள்ளது குறிப்பிடத்தக்கது.

by **SajeevJino** Tue May 27, 2014 8:38 am

.

பாதுகாப்பு மற்றும் நிதித் துறை இரண்டையுமே அருண் ஜெட்லி கவனிப்பார்

by soplangi Tue May 27, 2014 11:06 am

நாட்டின் புதிய பிரதமராக நரேந்திர மோடி நேற்று (திங்கள்கிழமை) பொறுப்பேற்றுக் கொண்டார். அவருடன் சேர்ந்து 45 அமைச்சர் களும் பதவிப் பிரமாணம் எடுத்துக் கொண்டனர். அவர்களுக்கு குடியரசுத் தலைவர் பிரணாப் முகர்ஜி பதவிப் பிரமாணம் மற்றும் ரகசிய காப்புப் பிரமாணம் செய்து வைத்தார். இந்நிலையில், இன்று அமைச்சர்களின் இலாகாக்கள் அறிவிக்கப்பட்டுள்ளன.

மத்திய அமைச்சர்கள் இலாகா விபரங்கள் அதிகாரப்பூர்வமாக அறிவிக்கப்பட்டுள்ளன. ராஜ்நாத்துக்கு உள்துறை, ஜேட்லிக்கு நிதி, பாதுகாப்பு; சுஷ்மாவுக்கு வெளியுறவு துறை ஒதுக்கப்பட்டுள்ளன.

கேபினட் அமைச்சர்கள்:

1.ராஜ்நாத் சிங்- உள்துறை அமைச்சகம்.

2.அருண் ஜேட்லி- நிதி, பாதுகாப்பு மற்றும் கார்ப்பரேட் விவகாரத்துறை

3.சுஷ்மா ஸ்வராஜ்- வெளியுறவு அமைச்சகம்.

4.வெங்கய்ய நாயுடு- நகர்ப்புற வளர்ச்சி, வீட்டுவசதி, வறுமை ஒழிப்பு மற்றும் நாடாளுமன்ற விவகாரத் துறை.

5.கோபிநாத் முண்டே- பஞ்சாயத்து ராஜ், ஊரக வளர்ச்சித் துறை அமைச்சகங்கள்

6.ராம் விலாஸ் பாஸ்வான்- நுகர்வோர் விவகாரத்துறை மற்றும் உணவு, வழங்கல் துறை.

7.நிதின் கட்கரி- போக்குவரத்து, நெடுஞ்சாலை மற்றும் கப்பல் போக்குவரத்து துறை.

8.மேனகா காந்தி- பெண்கள் மற்றும் குழந்தைகள் முன்னேற்றத் துறை.

9.கல்ராஜ் மிஸ்ரா- சிறு, குறு மற்றும் நடுத்தர தொழில்துறை.

10.நஜ்மா ஹெப்துல்லா- சிறுபான்மை விவகாரத்துறை.

11.ஆனந்த் குமார்- ரசாயனம் மற்றும் உரத்துறை.

12.ரவிசங்கர் பிரசாத்- தொலைதொடர்பு, தகவல் தொழில்நுட்பம் மற்றும் சட்டம், நீதித் துறை.

13.ஆனந்த கீதே- கனரக தொழில்துறை மற்றும் பொதுத் துறை.

14.உமா பாரதி- நீர் வள மேலான்மை.

15.அசோக் கஜபதி ராஜூ- விமான போக்குவரத்துத் துறை.

16.ஹர்சிம்ரத் கவுர் பாதல்- உணவு பதப்படுத்துதல் துறை.

17.நரேந்திர சிங் தோமர்- சுரங்கம் மற்றும் இரும்புத் துறை; தொழில் மற்றும் வேலைவாய்ப்புத் துறை.

18.ஜூவல் ஓரம் - பழங்குடியின் விவகாரத்துறை

19.ஹர்ஷ வர்த்தன்- சுகாதாரத் துறை

20.ஸ்மிருதி இராணி- மனித வள மேம்பாடு

21.ராதா மோகன் சிங்- விவசாயம்

22.தாவர்சந்த் கெலாட்- சமூக நீதி

23. சதானந்த கவுடா- ரயில்வே அமைச்சர்

இணை அமைச்சர்கள் (தனிப்பொறுப்பு)

1. ஜெனரல் வி.கே.சிங்- வடகிழக்கு பிராந்திய வளர்ச்சி, வெளியுறவு விவகாரம், வெளிநாடு வாழ் இந்தியர் விவகார துறை.

2. இந்திரஜித் சிங் ராவ்- திட்டமிடுதல், புள்ளியல், திட்ட அமலாக்கம், பாதுகாப்பு அமைச்சகம்

3. சந்தோஷ் கங்க்வார்- ஜவுளித்துறை, நாடாளுமன்ற விவகாரத்துறை, நீர் வளம், நதிகள் மேம்பாடு, கங்கை நதி புனரமைத்தல்

4. ஸ்ரீபத் எஸ்ஸோ நாயக்- கலாச்சாரம் மற்றும் சுற்றுலா

5. தர்மேந்திர பிரதான்- பெட்ரோலியம், இயற்கை எரிவாயு

6. சர்வானந்த சோனோவல்- விளையாட்டு, தொழில்முனைவோர் மேம்பாடு, திறன்சார் மேம்பாடு

7. பிரகாஷ் ஜவடேகர்- தகவல் ஒலிபரப்பு, சுற்றுச்சூழல், வனம், பருவநிலை மாற்றம், நாடாளுமன்ற விவகாரத்துறை.

8. பியுஷ் கோயல்- மின்சாரம், நிலக்கரி, புதுப்பிக்கத்தக்க எரிசக்தி துறை

9. ஜிதேந்திர சிங்- அறிவியல் தொழில்நுட்பம், புவி அறிவியல் துறை

10. நிர்மலா சீதாராமன்- வர்த்தகம் மற்றும் தொழில்துறை மற்றும் நாடாளுமன்றத் துறை.

இணை அமைச்சர்கள்:

1. ஜி.எம்.சித்தேஸ்வரா- விமான போக்குவரத்துத் துறை

2. மனோஜ் சின்ஹா- ரயில்வே துறை

3. நிஹால் சந்த்- ரசாயனம் மற்றும் உரத் துறை.

4. உபேந்திர குஷ்வாஹா- ஊரக வளர்ச்சித் துறை, குடிநீர், சுகாதாரம், பஞ்சாயத்து ராஜ் துறை.

5. பொன்.ராதாகிருஷ்ணன்- கனரக தொழில்துறை.

6. கிரண் ரிஜிஜு- உள்துறை.

7. கிரிஷன் பால் குர்ஜார்- சாலை போக்குவரத்து, நெடுஞ்சாலை, கப்பல் போக்குவரத்து துறை.

8. சஞ்சீவ் குமார் பாலியான்- விவசாயம், உணவு பதுப்படுத்துதல் துறை.

9. மன்சுக்பாய் வாசவா- பழங்குடியின விவகாரத் துறை.

10. ராவ் சாஹிப் தான்வே- நுகர்வோர் விவகாரம், உணவு மற்றும் வழங்கல் துறை.

11. விஷ்ணுதேவ் சாய்- சுரங்கம், இரும்பு, தொழில், வேலைவாய்ப்புத் துறை.

12. சுதர்சன் பகத்- சமூக நீதித் துறை.

பிரதமராக பொறுப்பேற்றார் மோடி:

பிரதமராக நேற்று பதவியேற்றுக் கொண்ட நரேந்திர மோடி இன்று காலை முறைப்படி பிரதமர் பொறுப்பை ஏற்றுக் கொண்டார்.

காலை பிரதமர் அலுவலகத்திற்கு வந்த அவரை அதிகாரிகள் பூங்கொத்து கொடுத்து வரவேற்றனர்.

வெளியில் காத்திருந்த ஊடகவியலாளர்களைப் பார்த்து கையசைத்து விட்டு அலுவலகத்திற்குள் சென்ற மோடி, உள்ளே இருந்த மகாத்மா காந்தி புகைப்படத்திற்கு மலரஞ்சலி செலுத்திவிட்டு தனது இருக்கையில் அமர்ந்தார்.

நிதிஅமைச்சராக பொறுப்பேற்றார் அருண் ஜேட்லி:

நிதி அமைச்சராக பொறுப்பேற்ற அருண் ஜேட்லி, "தன் முன் மிகப்பெரிய சவால் காத்திருக்கிறது. வளர்ச்சியின் வேகத்தை துரிதப்படுத்துவதும் பணவீக்கத்தை கட்டுப்படுத்துவதும் தற்போதைய தேவை" என்றார்.

-- தி ஹிந்து - தமிழ்