கட்சி தொடங்கிய வரலாற்றில் மதுரை பாராளுமன்ற தொகுதியில் முதல் முறையாக அ.தி.மு.க. வெற்றி

மதுரை

கட்சி தொடங்கிய வரலாற்றில் மதுரை பாராளுமன்ற தொகுதியில் முதல்முறையாக அ.தி.மு.க. வெற்றி பெற்றுள்ளது. ஒரு லட்சத்து 99 ஆயிரத்து 424 வாக்கு வித்தியாசத்தில் அ.தி.மு.க. வேட்பாளர் இரா.கோபாலகிருஷ்ணன் அமோக வெற்றி பெற்றார்.



துப்பாக்கி பாதுகாப்பு

மதுரை பாராளுமன்ற தொகுதியில் மதுரை கிழக்கு, மேற்கு, தெற்கு, வடக்கு, மத்தி, மேலூர் ஆகிய 6 சட்டமன்ற தொகுதிகள் அடங்கி உள்ளன. கடந்த மாதம் (ஏப்ரல்) 24–ந்தேதி ஓட்டுப்பதிவு நடந்தது. 68.4 சதவீத ஓட்டுகள் பதிவாகின.

மதுரை பாராளுமன்ற தொகுதி ஓட்டு எண்ணிக்கை மதுரை மருத்துவக்கல்லூரியில் நேற்று காலை 8மணிக்கு தொடங்கியது. காலையில் தொடங்கி 20 சுற்றுகள் வரை இரவு 7மணி வரை ஓட்டு எண்ணிக்கை நடைபெற்றது. முடிவில் அ.தி.மு.க. வேட்பாளர்கள் இரா.கோபாலகிருஷ்ணன் ஒரு லட்சத்து 99 ஆயிரத்து 424 ஓட்டுகள் வித்தியாசத்தில் அமோக வெற்றி பெற்றார்.

முதல் முறையாக கிடைத்த வெற்றி

கட்சி தொடங்கப்பட்டது முதல் மதுரை பாராளுமன்ற தொகுதியில் அ.தி.மு.க. வெற்றி பெற்றதில்லை. கடந்த தேர்தல்களில் எல்லாம் கூட்டணிக் கட்சிகளுக்கே இந்த தொகுதி ஒதுக்கப்பட்டு வெற்றி, தோல்வியை சந்தித்து வந்துள்ளது. முதல்முறையாக தற்போது நடந்த தேர்தலில் தான் மதுரை பாராளுமன்ற தொகுதியில் அ.தி.மு.க. போட்டியிட்டு வெற்றி பெற்றுள்ளது. அதுவும் கூட்டணிக் கட்சிகள் எதுவுமின்றி தனித்துப் போட்டியிட்டு அ.தி.மு.க. மகத்தான வெற்றி பெற்று இருப்பது குறிப்பிடத்தக்கது.

ஓட்டு விவரம்

பதிவானவை – 9,76,338

தபால் ஓட்டுகளில் செல்லாதவை – 1,529

செல்லத்தக்கவை 9,55,044

1. இரா. கோபாலகிருஷ்ணன் (அ.தி.மு.க,) – 4,53,785

2. வ.வேலுச்சாமி (தி.மு.க.) – 2,54,361

3. டி.சிவமுத்துக்குமார் (தே.மு.தி.க.) – 1,46,751

4. டி.என்.பாரத் நாச்சியப்பன் (காங்கிரஸ்) – 32,154

5. பா.விக்ரமன் (மார்க்சிஸ்ட் கம்யூனிஸ்டு) – 30,126

6. பி.கோபாலகிருஷ்ணன் (சுயே) – 6,289

7. எம்.கமாசிஸ் (ஆம் ஆத்மி) – 5,378

8. வி.ஆண்டிச்சாமி (சுயே) – 4,467

9. எம்.கோபாலகிருஷ்ணன் (சுயே) – 2,754

10. வி.ஜி.ராம்தாஸ் (சுயே) – 2,740

11. வி.கருப்பையா (சுயே) – 2,054

12. ஜே.மணிகண்டேசுவரன் (சுயே) – 1,563

13. கே.ராஜா (தேசியபார்வர்டு பிளாக்) – 1,474

14. ஏ.தவமணி (பகுஜன் சமாஜ்) – 1,253

15. பாரதிகண்ணம்மா (சுயே) – 1,226

16. பி.ஜெயக்குமார் (சுயே) 957

17. எம்.முகம்மது அலி (சமதா கட்சி) – 900

18. பி.சந்திரபோஸ் (சுயே) – 719

19. கே.தங்கப்பாண்டி (சுயே) – 666

20. பி.ராமசுப்பிரமணியன் (சுயே) – 572

21. ஜி.மரியஜோசப் சேவியர் (சுயே) – 565

22. ஜி.கண்ணன் (சுயே) – 556

23. என்.அழகுமுத்துவேலாயுதம் (சுயே) – 483

24. எஸ்.அறிவுடைநம்பி (சுயே) – 448

25. எம்.மீனாட்சிசுந்தரம் (சுயே) – 432

26. டி.ராமசாமி (சுயே) – 430

27. கே.கே.ரமேஷ் (சுயே) – 424

28. ஏ.கண்ணன் (சுயே) – 423

29. எம்.வெங்கடேசன் (சுயே) – 392

30. எஸ்.கணேசன் (சுயே) – 363

31. எஸ்.மாணிக்கவாசகம் (சுயே) – 339

நோட்டா –19,765

(தே.மு.தி.க, காங், மா.கம்யூ, ஆம் ஆத்மி உள்பட 29 பேர் டெபாசிட் இழந்தனர்).௦.