உயிரை காப்பாற்றிய டாக்டர்களுக்கு கவுரவம்: ஒரு கோடி மதிப்புள்ள நிலம் தந்த விவசாயி !

சிம்தேகா (ஜார்க்கண்ட்): தன் உயிரை காப்பாற்றிய டாக்டர்களுக்கு, ஒரு கோடி ரூபாய் மதிப்புள்ள, 12 ஏக்கர் நிலத்தை தானமாக வழங்கினார் விவசாயி. அந்த நிலத்தில், தற்போது, நரம்பியல் அறுவைச் சிகிச்சை மருத்துவமனை கட்டும் பணி நடந்து வருகிறது.

ஜார்க்கண்ட் மாநிலம், சிம்தேகா மாவட்டத்தைச் சேர்ந்த விவசாயி, ஜோகன் குல்லு. இவர் பஸ்சின் மேற்கூரை மீது அமர்ந்து பயணம் செய்த போது, கீழே விழுந்தார். இதில், தலையில் பலத்த காயமடைந்து, மிகவும் ஆபத்தான நிலைக்கு சென்றார். ஆனாலும், ஒடிசா மாநிலம், ரூர்கேலா பகுதியில் உள்ள, இஸ்பத் பொது மருத்துவமனை டாக்டர்கள், அவரின் உயிரை காப்பாற்றினர்.

இதனால், மகிழ்ச்சி அடைந்த குல்லு, ஜார்க்கண்டின் சிம்தேகா மாவட்டத்தில், நரம்பியல் அறுவைச் சிகிச்சை மருத்துவமனை கட்டுவதற்காக, தனக்கு சிகிச்சை அளித்த டாக்டர்களுக்கு, தன், 12 ஏக்கர் நிலத்தை தானமாக வழங்கினார். அந்த நிலத்தின் மதிப்பு, ஒரு கோடி ரூபாய் என, கூறப்படுகிறது. விவசாயி குல்லு தானமாகக் கொடுத்த நிலத்தில், தற்போது மருத்துவமனை கட்டப்பட்டு வருவதாக கூறப்படுகிறது.

நிலம் தானம் பற்றி, குல்லுவின் மனைவி கூறுகையில், ''என் கணவரை, இஸ்பத் மருத்துவமனை டாக்டர்கள் தான், உயிர் பிழைக்க வைத்தனர். எங்கள் பகுதியில், அதுபோன்ற மருத்துவமனை இல்லாததால், வெகுதூரம் செல்ல வேண்டி உள்ளது. அதனால், மருத்துவமனை கட்டுவதற்காக, நிலத்தை தானமாக கொடுத்துள்ளோம். டாக்டர்களுக்காக கொடுக்கவில்லை,'' என்றார்.

மிக மிக அருமையான மனிதன் அவர்.நிஜமாகவே அற்புதப் பதிவு-பகிர்வு...நன்றி...

இருக்கும் நிலத்தின் மதிப்பைவிட, உயிரின் மதிப்பு அதிகம் என்பதை உணர்ந்தவர்

ரா.ரா3275 wrote:[link="/t110316-topic#1064215"]மிக மிக அருமையான மனிதன் அவர்.நிஜமாகவே அற்புதப் பதிவு-பகிர்வு...நன்றி...

அதென்ன நிஜமாகவே அற்புத பதிவு சேகரன்? இவ்வளவுநாள் சும்மா வே சொல்லி இருக்கிங்களா அற்புதப் பதிவு அது இது என்று?

கிருஷ்ணா wrote:[link="/t110316-topic#1064219"]இருக்கும் நிலத்தின் மதிப்பைவிட, உயிரின் மதிப்பு அதிகம் என்பதை உணர்ந்தவர்

நிஜம் கிருஷ்ணா

நல்ல மனுஷன் தான் , இருந்தாலும் பேருந்துக்குள் அமர்ந்து பயணம் செய்திருந்தால் ஒரு கோடி மிஞ்சிருக்கும்

krishnaamma wrote:[link="/t110316-topic#1064221"]

ரா.ரா3275 wrote:[link="/t110316-topic#1064215"]மிக மிக அருமையான மனிதன் அவர்.நிஜமாகவே அற்புதப் பதிவு-பகிர்வு...நன்றி...

அதென்ன நிஜமாகவே அற்புத பதிவு சேகரன்? இவ்வளவுநாள் சும்மா வே சொல்லி இருக்கிங்களா அற்புதப் பதிவு அது இது என்று?

தமிழ் ஜனங்க இப்பல்லாம் தப்பர்த்தம் தருவதில் முனைப்போடிருக்கின்றனரோ?...
தமிழக தேர்தல் முடிவு போல புரியாமலே பேசுகின்றீரே...

ராஜா wrote:[link="/t110316-topic#1064225"]நல்ல மனுஷன் தான் , இருந்தாலும் பேருந்துக்குள் அமர்ந்து பயணம் செய்திருந்தால் ஒரு கோடி மிஞ்சிருக்கும்

அடப்பாவிகளா.......