வாழைப்பூ டீன் ஏஜ் பெண்களின் சிநேகிதி!

by **சிவா** Mon May 05, 2014 4:38 pm

"டீன் ஏஜ்' பெண்களின் மாதவிலக்கு, வயிற்றுவலி குணமாக, ஒரு கொத்து வாழைப்பூவை மட்டும் எடுத்து அதன் நடுக்காம்பை நீக்கி ஒரு தம்ளர் தண்ணீர் ஊற்றி வேகவிட்டு வடிகட்டி அருந்துங்கள். வயிற்றுவலி பறந்தோடிவிடும்.

* மாதவிலக்கு காலத்தில் வாழைப்பூச் சாற்றில் சிறிது மிளகுத்தூள் சேர்த்துக் கொதிக்க வைத்து, அத்துடன் பனங்கற்கண்டு கலந்து அருந்தி வந்தால் உதிரப்போக்கு கட்டுப்படும். உடல் அசதி, வயிற்றுவலி குறையும்.

* வாழைப்பூவை ரசம் செய்து அருந்தினால் வெள்ளைப்படுதல் கட்டுப்படும். வறட்டு இருமல் அடங்கும்.

* நீரிழிவு நோயாளிகள் வாழைப்பூவைச் சுத்தம் செய்து நறுக்கி, அத்துடன் சின்ன வெங்காயம், பூண்டு, மிளகு சேர்த்து பொரியல் செய்து சாப்பிட்டு வந்தால் கணையம் வலுப்பெற்று இன்சுலினைச் சுரக்கச் செய்யும்.

* ரத்தமூலம் நோயால் பாதிக்கப்பட்டவர்கள் அடிக்கடி வாழைப்பூவை உணவில் சேர்த்து வந்தால் ரத்தமூலம் வெகுவிரைவில் குணமாகும்.

* அதுபோல உடல் சூடு உள்ளவர்கள் வாழைப்பூவுடன் பாசிப்பருப்புச் சேர்த்துக் கடைந்து நெய் சேர்த்துச் சாப்பிட உடல் குளிர்ச்சியடையும்.

* கை, கால் எரிச்சலால் அவதிப்படுபவர்கள் வாழைப்பூவை இடித்து அத்துடன் சிற்றாமணக்கு எண்ணெய் சேர்த்து வதக்கி எரிச்சல் உள்ள பகுதிகளில் ஒத்தடம் கொடுக்க நல்ல நிவாரணம் கிடைக்கும்.

* வாழைப்பூவை அடிக்கடி உணவில் சேர்த்து வந்தால் மலட்டுத்தன்மை போகும்.