யாரைப் போல் சாப்பிடுவீங்க?

by **ayyasamy ram** Thu Mar 27, 2014 11:23 am

-

காலை நேரப் பாடங்களை முடித்துக் கொண்டு
மதிய உணவிற்குத் தயாராகிக் கொண்டிருந்த
சீடர்களைப் பார்த்துக் குரு கேட்டார்,
-
“நீங்கள் மனிதர்களைப் போல் சாப்பிட
விரும்புகிறீர்களா? அல்லது மிருகங்களைப் போலவா?’
என்றார்.
-
இதென்ன கேள்வி? நாங்கள் மனிதர்கள். விலங்குகளைப்
போல் ஏன் சாப்பிட வேண்டும்?
“மனிதர்களைப்போல்தான்!’ என்று பதிலளித்தனர்.
-
“உங்கள் பதில் தவறு’ என்றார் குரு. சீடர்கள் திகைத்துப்
போய் அவரிடமே விளக்கம் கேட்டனர். அதற்கு குரு,
“ஒரு மிருகம், சிங்கம் என்று வைத்துக் கொள்ளலாம்.
ஒரு மானை வேட்டையாடுகிறது. தனக்கு வேண்டிய
அளவு மட்டும் சாப்பிட்டுவிட்டு மீதி இரையை அங்கேயே
விட்டு விட்டுப் போய்விடுகிறது.

மறுநாளைக்குக்கூடச் சேமித்து வைப்பதில்லை. அதன்
பிறகு ஓநாய், நரி போன்ற விலங்குகள் வந்து சாப்பிடுகின்றன.
ஒவ்வொரு விலங்கும் தன் தேவைக்கு மட்டும் தின்றுவிட்டு
மீதியை அப்படியே விட்டுச் செல்கிறது.
கடைசியில் எறும்பு போன்ற பூச்சிகள் மிச்சமுள்ள உணவைப்
புசிக்கின்றன.

ஆனால், நாம்? பசியில்லாதபோதும் ருசிக்காகச்
சாப்பிடுகிறோம்; வேண்டாதவற்றை வயிற்றில் திணிக்கிறோம்!’
சொல்லி முடித்தார் குரு.

சீடர்கள் உணவை வீணாக்குவது மகாபாவம் என்று உணர்ந்து
தெளிவடைந்தனர்.
-
———————————-
- கே. நிருபமா, பெங்களூரு.
நன்றி: மங்கையர் மலர்

by பாலாஜி Thu Mar 27, 2014 11:33 am

நல்ல பதிவு

by **சிவா** Thu Mar 27, 2014 11:44 am

அனைவரும் மிருகங்களைப் போல் சாப்பிட்டால் நன்றாகத்தான் இருக்கும்!

நான் புலி போல் சாப்பிடுகிறேன்! (வயிறு நிறைந்ததும் அதன் உணவை ஒளித்து வைத்துவிட்டுச் செல்லும், மீண்டும் பசியெடுத்ததும் வந்து சாப்பிடும்)

by **மாணிக்கம் நடேசன்** Thu Mar 27, 2014 11:47 am

நாங்க எல்லாம் சாப்படுவதே இல்லை, அது எப்படி புலி மாதிரி சாப்பிடுறது.

by **ஜாஹீதாபானு** Thu Mar 27, 2014 12:43 pm

பகிர்வு அருமை

by **ராஜா** Thu Mar 27, 2014 12:49 pm

நான் முதலை போல அப்படியே விழுங்குறது சோகம்

கல்லூரிக்கு போக ஆரம்பித்த போது நேரமின்மையால் அவசரம் அவசரமாக சாப்பிட்டுவிட்டு சைக்கிள்லில் போகவேண்டும் அப்போ ஏற்பட்ட பழக்கம் இது பெரிய கெட்டபழக்கம் என்று தெரிந்தும் மாற்றமுடியவில்லை,

நம்ம பாலாஜி ஒட்டகம் போல ~~சாப்பிடுவார்~~ குடிப்பார் (தண்ணீரை சொன்னேங்க) எல்லோரும் தப்பா எடுத்துக்காதீங்க (எடுத்துக்குங்க நானும் அதையே தான் சொன்னேன்) கண்ணடி

by **ayyamperumal** Thu Mar 27, 2014 12:55 pm

எப்படி வேண்டுமானாலும் சாப்பிடுங்க ஆனா

முன்னொருமுறை ஈகரை பதிவாளர் சந்திப்பு முடிந்தபின் ஜாகிதா அக்கா சரவணபவனில் சாப்பிட்டது போல யாரும் சாப்பிடவேண்டாம். ( நான் அலைபேசியின் இணைப்பில் இருந்தபோதும் சாப்பிடுவதையே இலக்காக வைத்திருந்தார் )

by **ராஜா** Thu Mar 27, 2014 1:03 pm

ayyamperumal wrote:
எப்படி வேண்டுமானாலும் சாப்பிடுங்க ஆனா

முன்னொருமுறை ஈகரை பதிவாளர் சந்திப்பு முடிந்தபின் ஜாகிதா அக்கா சரவணபவனில் சாப்பிட்டது போல யாரும் சாப்பிடவேண்டாம். ( நான் அலைபேசியின் இணைப்பில் இருந்தபோதும் சாப்பிடுவதையே இலக்காக வைத்திருந்தார் )

ஹா ஹா ஹா ........................

by பாலாஜி Thu Mar 27, 2014 1:15 pm

ராஜா wrote:நான் முதலை போல அப்படியே விழுங்குறது கல்லூரிக்கு போக ஆரம்பித்த போது நேரமின்மையால் அவசரம் அவசரமாக சாப்பிட்டுவிட்டு சைக்கிள்லில் போகவேண்டும் அப்போ ஏற்பட்ட பழக்கம் இது பெரிய கெட்டபழக்கம் என்று தெரிந்தும் மாற்றமுடியவில்லை,

நம்ம பாலாஜி ஒட்டகம் போல ~~சாப்பிடுவார்~~ குடிப்பார் (தண்ணீரை சொன்னேங்க) எல்லோரும் தப்பா எடுத்துக்காதீங்க (எடுத்துக்குங்க நானும் அதையே தான் சொன்னேன்)

நல்லா சொல்லுறங்கப்பா டீட்டைலு