கமலின் உத்தம வில்லன்

by soplangi Tue Mar 04, 2014 8:37 am

விஸ்வரூபம்-2 பணிகள் அனைத்தும் முடிவடைந்து ரிலீசுக்கு ரெடியாகிவிட்டது. நண்பர் ரஜினிகாந்தின் கோச்டையான் ரிலீசை எதிர்பார்த்துக் கொண்டிருக்கிறார் கமல். கோச்சடையானும், விஸ்வரூபம் 2வும் மோதவேண்டாம் என்பதில் உறுதியாக இருக்கிறார். கோச்சடையான் ரிலீஸ் தேதி உறுதியான பிறகு அதற்கு முன்பா, பின்பா என்பதை கமல் முடிவு செய்ய இருக்கிறார்.

இந்த நிலையில் தனது அடுத்த படமான உத்தம வில்லனை துவக்கி விட்டார். இன்று ராஜ்கமல் பிலிம்ஸ் அலுவலத்தில் முறைப்படி படப்பிடிப்பு துவங்கியது. ஒரே ஷெட்யூலில் அதாவது 40 நாட்களில் படப்பிடிப்பை முடிக்க கமல் திட்டமிட்டுள்ளார். கமல்தான் படத்தின் கதை எழுதி திரைக்கதையை வடிவமைத்துள்ளார். கிரேசி மோகன் வசனம் எழுதுகிறார். கமலின் நண்பரும், கன்னடத்தில் முன்னணி நடிகருமான ரமேஷ் அரவிந்த் இயக்குகிறார். ஜிப்ரான் இசை அமைக்கிறார். ஷ்யாம்தத் ஒளிப்பதிவு செய்கிறார். திருப்பதி பிரதர்ஸ் நிறுவனத்தின் சார்பில் லிங்குசாமியின் சகோதரர் என்.சுபாஷ் சந்திர போஸ் மற்றும் கமலும் இணைந்து தயாரிக்கிறார்கள்.

உத்தம வில்லனில் கமல் மேடை நாடக கலைஞராக நடிக்கிறார். பிளாக் த்ரில்லர் காமெடி கதை. இரவில் நாடகத்தில் கோமாளியாக நடிக்கும் கமல் பகலில் தன் சொந்த வாழ்க்கையை நாசமாக்கிய வில்லன்களை அழிக்கும் உத்தம வில்லனாக வருகிறார். உத்தம வில்லனை வருகிற தீபாவளிக்கு வெளியிட கமல் முடிவு செய்திருக்கிறார்.

-- dinamalar

by soplangi Tue Mar 04, 2014 9:08 am

உத்தம வில்லன் -- சர்ச்சை

கமலின் உத்தம வில்லன் 441013-uttama-villain-first-look-poster-ramesh-aravind-twitter

கமல் ஹாஸன் நடிக்கவிருக்கும் உத்தம வில்லன் படத்தின் பர்ஸ்ட் வெளியான அன்றே சர்ச்சையில் சிக்கிவிட்டது. வண்ணங்கள் தீட்டப்பட்ட, கேரள தெய்யம் பாணி ஸ்டில், 2009-ல் ப்ரெஞ்ச் புகைப்படக் கலைஞர் எடுத்தது என்ற தகவல் வெளியாகியுள்ளது.

வில்லுப்பாட்டுக் கலையை மையமாக வைத்து கமலின் இந்தப் படம் உருவாகிறது. அதைத்தான் உத்தம வில்லன் என தலைப்பில் குறிப்பிட்டுள்ளார்களாம். இந்த தலைப்பு மற்றும் படத்தில் கமல் போடும் ஒரு வேடம் ஆகியவற்றை பர்ஸ்ட் லுக் டீசரில் நேற்று வெளியிட்டிருந்தனர்.

அந்த கெட்டப் தெய்யம் என்ற ஆட்டத்தில் ஈடுபடும் கலைஞரின் முகத் தோற்றமாகும். அந்த கலையை இந்தப் படத்தில் கமல் கொண்டு வருகிறார் என்றதுமே பலரும் கமலைப் பாராட்டினர்.

ஆனால் அடுத்த சில மணி நேரங்களில் கமலின் இந்த புது கெட்டப்புக்கான மூலம் எது என்பது இணையதளங்களில் வெளியாகிவிட்டது. கமல் கெட்டப் மாதிரியே உள்ள ஒரு படம் நான்கைந்து ஆண்டுகளுக்கு முன்பே இணையத்தில் வெளியாகியுள்ளது.

பிரான்சைச் சேர்ந்த பிரபல பயண புகைப்படக்காரரான எரிக் லஃபோர்க் (Eric Lafforgue) இந்தப் படத்தை 2009-ல் தனது மலபார் சுற்றுப் பயணத்தின்போது எடுத்துள்ளார். அந்தப் படத்தைப் பார்த்துதான் கமல் தனது கெட்டப்பை வடிவமைத்துள்ளார் என தகவல் வெளியாகி பரபரப்பானது.

அந்த லிங்க் : http://thetravelphotographer.blogspot.in/2009/01/one-shot-eric-lafforgue-theyyam.html

ஆனால், இந்த குற்றச்சாட்டு முற்றிலும் தவறானது என வாதிடுகின்றனர் கமல் ஆதரவாளர்கள். கதகளி கலைஞரின் முகம் மாதிரி கமல் கெட்டப் போட்டிருந்தால் அதை காப்பி என்று சொல்ல முடியுமா? தெய்யம் அல்லது தெய்யாட்டம் என்பது கேரள மாநிலம் வட மலபாரில் புகழ்பெற்ற ஒரு வழிபாட்டு முறை. ஆயிரம் ஆண்டுகளுக்கு முன்பிருந்தே வழக்கில் இருப்பது. அந்த வழிபாட்டு முறையை தன் படத்துக்கான் போஸ்டரில் பயன்படுத்தியது எப்படி தவறாகும்?

அப்படிப் பார்த்தால், யாரும் வழக்கில் உள்ள பழங்கலைகள் கெட்டப்பைப் போடவே முடியாது. கமல் அரிதான ஒரு கலை வடிவத்தை அறிமுகப்படுத்துகிறார் அவ்வளவுதான், என்கிறார்கள்.

படத்தின் டீசெர் :