அடுத்த அதிரடி ‘அம்மா திரையரங்கம்’!

by **சிவா** Thu 20 Feb 2014 - 0:22

அம்மா உணவகத்தின் பெரும் வரவேற்பைத் தொடர்ந்து அடுத்ததாக வரவிருக்கிறது ‘அம்மா திரையரங்கம்’.

முதல்வர் ஜெயலலிதா பல நலத்திட்டங்களை அறிவித்து அதனை வெற்றிகரமாக செயல்படுத்தி வருகிறார். அம்மா உணவகம், அம்மா மினரல் வாட்டர், அம்மா பசுமை காய், கனி அங்காடி உள்ளிட்ட திட்டங்கள் இதில் அடங்கும். அவருடைய இந்த திட்டங்களுக்கு மக்கள் மத்தியில் அமோக வரவேற்பு உள்ளது.

இந்நிலையில் சினிமா ரசிகர்களைச் சந்தோஷப்படுத்தும் விதமாக புதிய அறிவிப்பு ஒன்று சென்னை மாநகராட்சி கூட்டத்தில் இன்று வெளியாகி உள்ளது. அம்மா உணவகத்தின் பெரும் வரவேற்பைத் தொடர்ந்து அடுத்ததாக வரவிருக்கிறது ‘அம்மா திரையரங்கம்’.

அத்தியாசவசியப் பொருட்களை மலிவு விலையில் கொடுத்த தமிழக அரசு, மக்களின் பொழுதுபோக்கு ஊடகமான திரையரங்குகளையும் அரசே அமைத்து, குறைந்த கட்டணங்களில் படங்களைத் திரையிட உள்ளதாம். மேலும் இந்த திரையரங்கங்களில் சிறுமுதலீட்டுப் படங்களுக்கு முன்னுரிமை கொடுப்பார்கள் என்று எதிர்பார்க்கப்படுகிறது.

by **Muthumohamed** Thu 20 Feb 2014 - 0:41

இனி வரும் அனைத்து படங்களும் ஜெயா டிவி க்கு தான் போங்க

by veeyaar Thu 20 Feb 2014 - 9:13

இதில் ஒரு சில திரையரங்குகளைப் பழைய படங்களுக்கு ஒதுக்கினால் நன்றாக இருக்கும். நாங்களும் சினிமாவுக்குப் போவோம்லே..

by **ராஜா** Thu 20 Feb 2014 - 12:43

திருவள்ளுவர் திரையரங்கம் அரசாங்கத்தின் திரையரங்கமாமே

by balakarthik Thu 20 Feb 2014 - 12:56

சீக்கிரம் ஆரம்பிங்கையா கோச்சடையான் 6000 திரை அரங்கு பத்தலையாம்

by சின்னக் கண்ணன் Thu 20 Feb 2014 - 13:26

veeyaar wrote:இதில் ஒரு சில திரையரங்குகளைப் பழைய படங்களுக்கு ஒதுக்கினால் நன்றாக இருக்கும். நாங்களும் சினிமாவுக்குப் போவோம்லே..

பழைய படங்களாகப் போட்டால் ஆரம்பத்தில் என்ன படங்கள் போடுவார்கள்?
அன்னை ஓர் ஆலயம், தாயில்லாமல் நானில்லை, தாய், தாய்க்குப் பின் தாரம்,
ஒரு தாயின் சபதம், அம்மா,அன்னையும்பிதாவும்.. புன்னகை