எங்கே அந்த ஏரி?

by **M.M.SENTHIL** Mon Feb 17, 2014 3:00 pm

இதோ இங்கேதான் இருந்தது
நான் பள்ளி செல்லும்போது
அதில்தான் மீன் பிடிப்பார்கள்,
இதோ இங்கேதான் இருந்தது
ஏழுமலை தாத்தா
துணி துவைத்த படிக்கட்டு,
இதோ இங்கேதான் விழுந்தது
என் அரை பவுன் மோதிரம்,
இதோ இங்கேதான் குளிப்பாள்
என் சிறுவயது காதல் தேவதை,
இதோ இங்கேதான் நாங்கள்
திருட்டு தம் அடிப்போம்,
இதோ இங்கேதான் பாட்டி
கால் வழுக்கி விழுந்தாள்!
இப்போது அது எங்கே
போனது என்று தெரியல செல்லம்,
கணிப்பொறியில் என் மகளுக்கு
காண்பித்து கொண்டிருக்கிறேன்
எங்கள் ஊர் ஏரியை!!
விடுமுறையில் வந்தபோது
ஏரிக்கு போகலாம் என்றவளை
சமாதானம் செய்ய!!

by **ஜாஹீதாபானு** Mon Feb 17, 2014 3:19 pm

சூப்பர்....

இனிமே ஏரிகளை பிள்ளைகளுக்கு படம்போட்டு பாகம் குறிச்சு காட்டனும்.

by balakarthik Mon Feb 17, 2014 5:20 pm

அடடா இதென்ன கொடுமை கிராமங்களெல்லாம் வளர்ந்து நகரங்களாக வேண்டும் என்று கேட்கிறோம் அதான் ஏரியை பிளாட் போட்டிருப்பார்கள் கிராமம் வளர்கிறது ..........

by **M.M.SENTHIL** Mon Feb 17, 2014 6:06 pm

balakarthik wrote:அடடா இதென்ன கொடுமை கிராமங்களெல்லாம் வளர்ந்து நகரங்களாக வேண்டும் என்று கேட்கிறோம் அதான் ஏரியை பிளாட் போட்டிருப்பார்கள் கிராமம் வளர்கிறது ..........

கிராமம் வளர வேண்டும் என்பதே என் அவா. ஆனால் ஏரியை பிளாட் போடாமல் ஆகவேண்டும்.

by **Dr.S.Soundarapandian** Tue Feb 18, 2014 9:40 am

எம் . எம் . செந்திலின் கேள்வியைப் பலரும் கேட்டவண்ணம்தான் உள்ளனர் ! பதில்தான் இல்லை ! வளர்ந்துவரும் சமுதாயத்தில் பல நிறுவனங்கள் ஏற்படத்தான் வேண்டியுள்ளது ! ‘தொழில் வளம் இல்லை’ என்று நாம்தானே புலம்பினோம் ? பள்ளி , கல்லூரிகள் வரவேண்டுமானால் கட்டடங்கள் தேவைதானே? பழங்கால வாழ்க்கை முறை மாறும்போது எல்லாம்தான் மாறும் ! இங்கே நாம் கவனிக்கவேண்டியது என்னவென்றால் இயன்ற அளவுக்கு நீர்நிலைகளைப் பேணவேண்டும் என்பதுதான் ! இயன்ற அளவுக்கு இயற்கையைப் பேணவேண்டும் என்பதுதான் !

by **ayyasamy ram** Tue Feb 18, 2014 5:33 pm

--

by **M.M.SENTHIL** Thu Feb 20, 2014 12:14 pm

Dr.S.Soundarapandian wrote:எம் . எம் . செந்திலின் கேள்வியைப் பலரும் கேட்டவண்ணம்தான் உள்ளனர் ! பதில்தான் இல்லை ! வளர்ந்துவரும் சமுதாயத்தில் பல நிறுவனங்கள் ஏற்படத்தான் வேண்டியுள்ளது ! ‘தொழில் வளம் இல்லை’ என்று நாம்தானே புலம்பினோம் ? பள்ளி , கல்லூரிகள் வரவேண்டுமானால் கட்டடங்கள் தேவைதானே? பழங்கால வாழ்க்கை முறை மாறும்போது எல்லாம்தான் மாறும் ! இங்கே நாம் கவனிக்கவேண்டியது என்னவென்றால் இயன்ற அளவுக்கு நீர்நிலைகளைப் பேணவேண்டும் என்பதுதான் ! இயன்ற அளவுக்கு இயற்கையைப் பேணவேண்டும் என்பதுதான் !

தங்களின் கூற்று உண்மையே. வளர்ச்சி தேவைதான், ஆனால் அந்த வளர்ச்சி இயற்கையை ஒட்டியதாய் அமைய வேண்டும், இயற்கையை அழித்து வரும் வளர்ச்சி, மனித இனத்துக்கு கேடே.