முடியும் உன்னால் முயற்சியெடு...

by Nilasuriyan Sun Feb 16, 2014 3:02 pm

அச்சம் கொண்டு அடங்காதே
+++அவலம் கண்டு ஒதுங்காதே!
துச்சம் கண்டு துவளாதே
+++துணிந்து நிற்கத் தவறாதே!

நரிகள் நட்பை நாடாதே
+++நன்றி மறக்கக் கூடாதே!
நரகர் உறவை போற்றாதே
+++நஞ்சை சொல்லாய் ஊற்றாதே!

கள்ளத் தனங்கள் செய்யாதே
+++கற்பு ஒழுக்கம் பொய்யாதே!
காமக் கணைகள் தொடுக்காதே
+++கன்னியம் கெட்டு நடக்காதே!

ஊரை ஏய்த்து வாழாதே
+++உன்மையைக் கொன்று போடாதே!
ஊழல் ஆக்க இசையாதே
+++உரிமை மீட்க தவறாதே!

வேம்பாய் விடமாய் இருக்காதே
+++வேற்றுமை வளர்க்க நினைக்காதே!
வீணாய் அலைந்தே திரியாதே
+++வீரம் இன்றிப் கரியாதே!

சூது சூழ்ச்சி புனையாதே
+++சும்மாக் கிடந்தே சாகாதே!
சூழ்ந்த இருட்டில் தொலையாதே
+++சூரியன் உதிக்கும் பதறாதே!

பாவம் புரிந்து பிழைக்காதே
+++பாசம் கொன்று புதைக்காதே!
பணத்துக் காக நடிக்காதே
+++பதவிக் காக ஒடியாதே!

சுகத்துக் காக திருடாதே
+++சோம்பே ரிக்கு வருடாதே!
அழுது அழுது உருகாதே
+++அடித்தால் கூட உடையாதே!

உழைப்பு உறுதி ஒழுக்கமொடு
+++தன்னைத் தானே நம்பிவிடு - பூமியின்
உச்சியில் கால் வைக்க
+++முடியும் உன்னால் முயர்ச்சியெடு...!!!

------------------நிலாசூரியன்.

by balakarthik Sun Feb 16, 2014 4:52 pm

பாட்டாவே படிச்சிட்டேன் நன்றி

by Nilasuriyan Sun Feb 16, 2014 5:01 pm

மிக்க நன்றிகள் தோழரே....

by balakarthik Sun Feb 16, 2014 5:03 pm

நன்றி தோழரே உங்களை அறிமுகம் பகுதியில் அறிமுகம் செய்துகொள்ளுங்கள்

by ச. சந்திரசேகரன் Sun Feb 16, 2014 7:49 pm

சுகத்துக் காக திருடாதே

அழுது அழுது உருகாதே
+++அடித்தால் கூட உடையாதே!

+++சோம்பே ரிக்கு வருடாதே! - இந்த வரிகள் புரியவில்லையே? விளக்குவீரா நண்பரே?

by Nilasuriyan Mon Feb 17, 2014 9:40 am

சுகத்துக் காக திருடாதே

அழுது அழுது உருகாதே
+++அடித்தால் கூட உடையாதே!

+++சோம்பே ரிக்கு வருடாதே! - இந்த வரிகள் புரியவில்லையே? விளக்குவீரா நண்பரே?

======================

(சுகத்துக்காக திருடாதே...)
அதாவது வறுமையின் காரணமாக வாழமுடியாத சூழலில் திருடிவிட்டால்கூட ஒரு வேலை மன்னித்துவிட வாய்ப்பு இருக்கிறது, ஆனால் சுகத்திற்காக திருடுவதை மன்னிக்க இயலாது என்பது எனது பார்வை.

(அழுது அழுது உருகாதே
+++அடித்தால் கூட உடையாதே!)

எலோருக்கும் துன்பம் இருக்கிறது, அதுவும் மீளவே முடியாத துயரில் பலர் சிக்கி கிடக்கிறார், அதற்காக அழுது அழுது உருகிகொண்டிருந்தால் எல்லாம் சரியாகிவிடுமா? அப்படிப்பட்ட துன்பங்களையும் தாங்கிக்கொண்டு அடுத்தகட்ட நகர்வை நோக்கி செல்லும் வலிமையான மனது வேண்டும், எதையும் தாங்கிக்கொள்கிற திராணியை உருவாக்கிக்கொள்ள வேண்டும்... அதனால்தான் அடித்தால்கூட உடையாதே... என்று குறிப்பிட்டு உள்ளேன்... இந்த வரிகளுக்கு என்னுடைய பார்வை இதுதான்.

(+++சோம்பே ரிக்கு வருடாதே! )

நண்பரே இதில் புரியாத அளவிற்கு நான் எதையுமே எழுதவில்லையே... சிலர் ஒரு வேலை வெட்டியும் செய்யாத சோம்பேறிக்கு வருடி கொடுப்பார்கள்.... கண்ணு, செல்லம், தங்கம் சாப்டு ....தூங்கு.... எங்கவும் போகாத... இப்படி தோன்றியதுதான் எனது பார்வை......

சாதாரணமான எளிய தமிழ் வார்த்தைகளால்தானே நண்பரே எழுதி இருக்கிறேன்.... தாங்கள் வருகைக்கும் கருத்திற்கும் மிக்க நன்றிகள் நண்பரே.....

நன்றிகளுடன்
நிலாசூரியன்.

by balakarthik Mon Feb 17, 2014 10:00 am

Nilasuriyan wrote: (+++சோம்பே ரிக்கு வருடாதே! )

நண்பரே இதில் புரியாத அளவிற்கு நான் எதையுமே எழுதவில்லையே... சிலர் ஒரு வேலை வெட்டியும் செய்யாத சோம்பேறிக்கு வருடி கொடுப்பார்கள்.... கண்ணு, செல்லம், தங்கம் சாப்டு ....தூங்கு.... எங்கவும் போகாத... இப்படி தோன்றியதுதான் எனது பார்வை......

சாதாரணமான எளிய தமிழ் வார்த்தைகளால்தானே நண்பரே எழுதி இருக்கிறேன்.... தாங்கள் வருகைக்கும் கருத்திற்கும் மிக்க நன்றிகள் நண்பரே.....

நன்றிகளுடன்
நிலாசூரியன்.

விளக்கத்திற்கு நன்றி பாஸ் என்பார்வையில் இதற்க்கு ஒரு விளக்கம் தோன்றியது பணத்தில் கொழுத்த பணகாரவீட்டுபிள்ளை மகா சோம்பேறியாகத்தானே இருப்பான் அவனுக்கு ஜால்ராக்கள் எப்பவுமே கூட இருப்பார்களே அவர்களை சொல்லுகிறிர்கள் என்று தோன்றியது இல்லை அரசியல்வாதியின் தொண்டர்களை குறிபிட்டதுபோலவும் தோன்றியது

by Nilasuriyan Mon Feb 17, 2014 10:18 am

உண்மைதான் நண்பரே... நீங்கள் சொல்கிறவர்களும் சோம்பேரிகள்தான், அவர்களுக்கும் சாதுதான் அந்த வரிகள்..... சோம்பேரிகளை இனம் பிரிக்கவில்லை, மொத்த சோம்பேறிகளையும் உள்ளடக்கியதுதான் (சோம்பேரிக்கு வருடாதே...)

மிக்க நன்றிகள் நண்பரே....