கருஞ்சீரகம் !

by **krishnaamma** Wed Jan 08, 2014 1:19 pm

கருஞ்சீரகத்தின் பலன்கள் :-

* தோல் நோய்களை குறைக்கும். பசியைத்தூண்டும். சீரணத்தை சீர்படுத்தும். வயிற்றுப் போக்கை குணப்படுத்தும்.

* புழுக்கொல்லியாக செயல்படும். வாந்தியைத் தடுக்கும். இதய வலியை குறைக்கும். சிறுநீர் சுரப்பிகளை தூண்டும்.

*பால் சுரப்பைக் கூட்டும்.

* சிறிதளவு கருஞ்சீரகத்தை பசும்பால் விட்டு அரைத்து முகத்தில் பூசி ஊறிய பின் கழுவி வர முகப்பரு மறையும்.

* கருஞ்சீரகத்தை நீர் விட்டு, அரைத்து, நல்லெண்ணையிëல் குழைத்து கரப்பான், சிரங்கு ஆகியவற்றில் பூசி வர குணம் தெரியும்.

* கருஞ்சீரகத்தை தேன் விட்டு அரைத்து பிரசவித்த பின் ஏற்படும் வலிக்குப்பூசிட வலி மாறும்.

* கருஞ்சீரகத்தை அரைத்து தேமல் மேல் பூசி வர தேமல் சிறிது சிறிதாக மாறும்.

* கருஞ்சீரகத்தை வறுத்து காடி விட்டு அரைத்து சொறி, தேமல் மேல் பூசி வர தேமல், சொறி மறையும்.

* கருஞ்சீரகத்தையும், தும்மட்டிக்காயையும் சேர்த்து அரைத்து விலாப்பக்கம் பூசி வர குடல் பூச்சிகள் வெளியேறி விடும்.

* கருஞ்சீரகப்பொடி, மல்லிப்பொடி இரண்டையும் பாலில் கலந்து சாப்பிட அஜீரணம் மாறும்.

* கருஞ்சீரகப்பொடியை தயிரில் கலந்து சாப்பிட அஜீரணம் மற்றும் வாயு உற்பத்தி மாறும்.

* கருஞ்சீரகத்தை எருமைப்பால் விட்டு அரைத்து முகத்தில் தடவி வர முகப்பரு மாறும்.

* கருஞ்சீரகத்தை வெற்றிலை சாறு விட்டு அரைத்து காது, கன்னப் பகுதியில் ஏற்படும் வீக்கம் மேல் பற்று போட வீக்கம் மறையும்.

* கைப்பிடி கீழா நெல்லி இலைகளோடு ஒரு ஸ்பூன் கருஞ்சீரகம் சேர்த்து சிறிதளவு பால் சேர்த்து அரைத்து பின் இதை ஒரு கப் பாலில் கலந்து காலை உணவுக்கு அரை மணி நேரம் பின் மற்றும் மாலை நேரம் பருகி வர மஞ்சட்காமாலை குணமாகும்.

இயற்கை மருத்துவம்

by **ஜாஹீதாபானு** Wed Jan 08, 2014 1:36 pm

பகிர்வுக்கு நன்றிமா

கடைல தான் திரும்பக் குடுக்கனும்

by **ayyasamy ram** Wed Jan 08, 2014 9:13 pm

கருஞ்சீரகத்தை அதிகாலை நேரத்தில் வெறும் வயிற்றில்
பத்துப் பதினைந்து கருஞ்சீரக விதைகளை மென்று தின்று
வந்தால் சர்க்கரை வியாதி குறையும்.

by கிருஷ்ணா Wed Feb 12, 2014 10:11 pm

இரு வலைதளங்களில் கிடைத்த தகவல்களை பகிர்கிறேன்

1. 20 கிராம் கருஞ்சீரகத்தை ஒரு மண் சட்டியில் போட்டு வறுத்து தூளாக்கி, 40 கிராம் பொடியாக்கிய பனை வெல்லம் சேர்த்து கலந்துவிட்டு, அதிலிருந்து 1ஸ்பூன் எடுத்து பாலில் கலந்து காலை, மாலை இருவேளை சாப்பிட்டு வந்தால், மாதவிலக்கு கோளாறுகள் சீரடையும். (கருவுற்ற தாய்மார்கள் முதல் 4 மாதங்களுக்கு இதை சாப்பிடக்கூடாது) முகப்பருவுக்கு, கருஞ்சீரகத்துடன் சீரகத்தையும் சம அளவு எடையில் எடுத்து பசும்பால் விட்டு அரைத்து தடவி வந்தால் நல்ல குணம் கிடைக்கும். சளி, இருமலுக்கு கருஞ்சீரகத்தை பொடியாக்கி தேனில் குழைத்து சாப்பிட்டு வந்தால் குணமாகிவிடும். கருஞ்சீரக எண்ணெயாக கிடைத்தால் ஒரு வேளைக்கு 1 ஸ்பூன் வீதம் ஒரு நாளைக்கு 3 வேளை சாப்பிடலாம். ஜலதோஷத்தினால் மூக்கில் நீர் வடிந்துக்கொண்டு தொல்லை கொடுத்தால், கருஞ்சீரகத்துடன் ஓமத்தை சேர்த்து பொடியாக்கி, அத்துடன் சிறிது கற்பூரம் சேர்த்து ஒரு துணியில் கட்டி, அடிக்கடி முகர்ந்துக்கொண்டிருந்தால் நீர்வடிதல் நிற்கும்.

2. குளிர்ச்சியால் ஏற்படும் நோய்களுக்கு கருஞ்சீரகம் நல்ல நிவாரணியாகும். கருஞ்சீரகத்தை வறுத்துத் தூளாக்கி எண்ணெயில் ஊறவைத்துப் பிறகு மூக்கில் சொட்டுகள் விட்டால் கடுமையான ஜலதோஷம் நீங்கும். கபம், குளிர் காய்ச்சல், குறட்டை, மூக்கடைப்பு ஆகியவற்றுக்குக் கருஞ்சீரகம் நல்ல பலன் தரும். கருஞ்சீரகத்தைத் தூளாக்கி தேனில் கலந்து வெந்நீருடன் சாப்பிட்டால் மூத்திரக் கல்லைக் கரைத்து சிறுநீர் அடைப்பை அகற்றும். மாதவிடாய்ப் போக்கையும் சீராக்கும். கருஞ்சீரகப் பொடியை ஒரு துண்டுத் துணியில் கட்டி உறிஞ்சி வந்தால் ஜலதோஷத்திற்கு நல்லது. தாய்ப் பாலில் ஏழு கருஞ்சீரக வித்துகளை ஊறவைத்துப் பொடியாக்கி உறிஞ்சி வந்தால் மஞ்சள் காமாலை நோய் குணமாகும். 5கிராம் கருஞ்சீரகத்தைத் தண்ணீருடன் கலந்து சாப்பிட்டால் சுவாசக் கோளாறு சீரடையும். கருஞ்சீரகத்தை அரைத்துப் பத்துப் போட்டால் தலைவலிக்கு நல்லது. கருஞ்சீரகத்தைக் காடியுடன் (vinegar) வேகவைத்து வாய் கொப்புளித்தால் பல் வலிக்கு நல்ல பலன் கிடைக்கும். கரும்பித்தம் மற்றும் கபத்தால் ஏற்படும் அஜீரணக் கோளாறை அகற்றுவதும் கருஞ்சீரகத்தின் தனிச் சிறப்பாகும். காஞ்சிரைப் பூண்டின் சாறுடன் கருஞ்சீரகத்தைக் குழைத்துச் சாப்பிட்டால் நுண் கிருமிகள் வெளியேறிவிடும். கருஞ்சீரகத்தை வறுத்துத் தூளாக்கி மெழுகு மற்றும் அல்லி எண்ணெயுடன் கலந்து தலையில் தேய்த்தால் தலைமுடி உதிர்வதைத் தவிர்க்கலாம். கருஞ்சீரக எண்ணெய் பக்கவாத நோய்க்குச் சிறந்த மருந்தாகும். நாய்க்கடி, பிரசவ இரத்தப் போக்குத் தடங்கல், கர்ப்பபை வலி, சிரங்கு, கண்வலி, போன்ற நோய்களுக்கும் கருஞ்சீரகம் நல்ல நிவாரணியாகும். -

3. கருஞ்சீரகத்தின் பலன்கள் வருமாறு:-

தோல் நோய்களை குறைக்கும். பசியைத்தூண்டும். சீரணத்தை சீர்படுத்தும். வயிற்றுப் போக்கை குணப்படுத்தும். புழுக்கொல்லியாக செயல்படும். வாந்தியைத் தடுக்கும். இதய வலியை குறைக்கும். சிறுநீர் சுரப்பிகளை தூண்டும். பால் சுரப்பைக் கூட்டும்.
சிறிதளவு கருஞ்சீரகத்தை பசும்பால் விட்டு அரைத்து முகத்தில் பூசி ஊறிய பின் கழுவி வர முகப்பரு மறையும்.
கருஞ்சீரகத்தை நீர் விட்டு, அரைத்து, நல்லெண்ணையில் குழைத்து கரப்பான், சிரங்கு ஆகியவற்றில் பூசி வர குணம் தெரியும்.
கருஞ்சீரகத்தை தேன் விட்டு அரைத்து பிரசவித்த பின் ஏற்படும் வலிக்குப்பூசிட வலி மாறும்.
கருஞ்சீரகத்தை அரைத்து தேமல் மேல் பூசி வர தேமல் சிறிது சிறிதாக மாறும்.
கருஞ்சீரகத்தை வறுத்து காடி விட்டு அரைத்து சொறி, தேமல் மேல் பூசி வர தேமல், சொறி மறையும்.
கருஞ்சீரகத்தையும், தும்மட்டிக்காயையும் சேர்த்து அரைத்து விலாப்பக்கம் பூசி வர குடல் பூச்சிகள் வெளியேறி விடும்.
கருஞ்சீரகப்பொடி, மல்லிப்பொடி இரண்டையும் பாலில் கலந்து சாப்பிட அஜீரணம் மாறும்.
கருஞ்சீரகப்பொடியை தயிரில் கலந்து சாப்பிட அஜீரணம் மற்றும் வாயு உற்பத்தி மாறும்.
கருஞ்சீரகத்தை எருமைப்பால் விட்டு அரைத்து முகத்தில் தடவி வர முகப்பரு மாறும்.
கருஞ்சீரகத்தை வெற்றிலை சாறு விட்டு அரைத்து காது, கன்னப் பகுதியில் ஏற்படும் வீக்கம் மேல் பற்று போட வீக்கம் மறையும்.
கைப்பிடி கீழா நெல்லி இலைகளோடு ஒரு ஸ்பூன் கருஞ்சீரகம் சேர்த்து சிறிதளவு பால் சேர்த்து அரைத்து பின் இதை ஒரு கப் பாலில் கலந்து காலை உணவுக்கு அரை மணி நேரம் பின் மற்றும் மாலை நேரம் பருகி வர மஞ்சட்காமாலை குணமாகும்.

by **krishnaamma** Thu Feb 13, 2014 8:31 am

ஏற்கனவே இருக்கும் திரி என்பதால் இணைத்துவிட்டேன் கிருஷ்ணா புன்னகை

by **மாணிக்கம் நடேசன்** Thu Feb 13, 2014 8:36 am

நல்ல தகவல் நன்ற அக்கா.

by **krishnaamma** Thu Feb 13, 2014 8:40 am

மாணிக்கம் நடேசன் wrote:நல்ல தகவல் நன்ற அக்கா.

எப்படி இருக்கீங்க மாமா? நலமா? புன்னகை

by **ஜாஹீதாபானு** Thu Feb 13, 2014 12:05 pm

கருஞ்சீரகத்தை கடைல திரும்ப குடுத்துட்டேன்மா.

by **ராஜா** Thu Feb 13, 2014 12:13 pm

ஜாஹீதாபானு wrote:கருஞ்சீரகத்தை கடைல திரும்ப குடுத்துட்டேன்மா.

why why

by **ஜாஹீதாபானு** Thu Feb 13, 2014 12:17 pm

ராஜா wrote:
ஜாஹீதாபானு wrote:கருஞ்சீரகத்தை கடைல திரும்ப குடுத்துட்டேன்மா.
why why

போன மாசம் மளிகை சாமான் வாங்கும்போது கறுப்பு எள் என்று நினைத்து கருஞ்சீரகம் வாங்கிட்டேன். அதை என்ன செய்வதுனு கிருஷ்ணாம்மாவிடம் கேட்டேன் .கடைல திரும்ப குடுத்துருங்க எனக்கும் தெரியலனு சொல்லி இந்தப்பதிவு போட்டாங்க.

அதான் கடைல குடுத்துட்டேன் புன்னகை